سواء قبلوا فيزتك أو رفضوها .. ادخل وفيدنا .. استفسار بسيط <<

مادام كلمت حقون الفيفا وقالوا ماعندك مشاكل توكل على الله

مكتب الفيفا خبرة .... يعرفون يعبون الاوراق وانا اشهد مااحد عبأ ولا سأل الا وفيزتهم قبلت ..

والله يوفقك

انا من ناحيتي حق الفيفا ما هضمتو
بس انا بقصد حقنا الي بجده
الله اعلم حقكم كيف
عموما
انا للأت تلات مرات اقدم على النتأشيره
المره الاولى رجعولي الاوراق من دون ختم من دون شي
بس اللهم قالولي جيبي ورقة تثبت ايش كنتي تسوي
وقدمت تاني
وجاني الرد بالرفض للتأشيره
وختمو على جوازي وختمو في اول ورقه كمان مو اي مكان
يعني كأنهم يقولولي سابي عبط كدا في اول ورقه ختم ازرق
وسبب الرفض كان انو المبلغ الي عندي قليل جدا مايغطي تكاليف دراستي

وعدلت اوراقفي وجبت كشف حساب اقوى
وقدمت مره تالته
واليوم جاني الرد بي اييييييييييييييييييييييييييييييييييييش
ابدا ياسيدي
رجعو اوراقي مره تانيه
وما ادري ايش السبب لسا بستنا الاخوان ايش يقولو في الموضوع الي كتبتو

عموما انت لا تشيل هم
ربي يوفقك وييسرلك
وحتى الله لا يقولها لو اترفضت التأشيره تقدر تقدم تاني

تحياتي لك
اختك سبو

اخوي لاتشيل هم ان شاء الله تتسهل

انا من ناحيتي رفضو فيزتي وانشالله بقدم بكره والله يكتب اللي فيه الخير

وسبب الرفض الاول انه مافي شيء يضمن اني راح ارجع والمشكله كشف الحساب اللي مقدمه كشف حساب اكثر من ممتاز لكن السفاره عندهم مزاجيه مو طبيعيه

وبعدين سافرت لدول ولا دوله تطلب الكشف الطبي الا بعد قبول الفيزا ويكون اخر شيء الكشف اما السفاره الكنديه يرفضونك بعد الكشف صراحه شكلهم متعاقدين مع كم مستشفى والنص بالنص

كندي توكل ع الله و ميسر ان شاء الله الفيفا مضبوطين عارفين شغلهم تمام التمام و خاصه شاشي هذا ^_^ لا يهمك ان شاء الله خير

أختي سبو ..

والله كسرتي خاطري .. حسبي الله عليهم .. ليش اللعانه هذي ؟؟؟؟
والله حرام عليهم .. بس ماعليكي ان شاء الله ربي يسهلها لك وتجي الفيزا بالموافقه ..
ويعطيكي العافيه ..

أخوي منحوس ..

والله ياخي مالهم داعي .. بس شوف .. أنت ارسل لهم صورة من التذاكر احتياطا ..
عشان يقولون هذا ماشاء الله عليه بيرجع على طووول >>> خخخخ
لا بس ارسلها وان شاء الله تتظبط امورك .. وقلبي معاك ..

أختي أحاسيس ..

تعرفين شاشي بو شعر >>> خخخخخخخخخخخخخخخ
والله يضحكني هو وشعره .. قسم بالله كانه مجرم .. شعر طويل وسواره وحلقات على اذنه
والله يخوف .. بس انه بطل .. ومايندرى عنه في قضية ان السفارة ماعندهم مشكله في اختلاف الاسم وتاريخ الميلاد !!!!

والله يسهل لنا كلنا ونسمع اخبار طيبه ان شاء الله للجميع ..

تحياتي :: CaNaDy ::

اي خلاص مابعد الكشف الطبي شي

كندي
الله يسمع منك

اخوي مجد
مو شرط
انا رفضو تأشيرتي بعد ماعملت الفحص الطبي
وانا لمن شفت ورقة الكشف قلت خلاص الفيزا بي جيبي
لكن اكتشف بعد اربع ايام من وصول الاوراق لي لندن الرفض على وجهي
عشان الحساب مو قد كدا


فلازم تكون داعم نفسك بكل شي عشان تضمن
والله يسهل لك