تكفووون طالبتكم يالنشامه .. بخصوص المعاهد

أهلين بك أختي ..

أولا بالنسبه للعرب .. اذا كان هذا الشي مهم بالنسبه لأخوك فانا انصحه يغير تورنتو لان تورنتو فيها عرب واجد ..

وصعب تلقين معهد هناك مافيه عرب .. (( على كلام الشباب الي هناك ))

ثانيا بالنسبه للمعاهد .. غالبا المعاهد الي تجي عن طريق المكاتب السياحيه تكون نسبة العرب فيها كبييييره ..

مثل معهد EF الى درجة ان واحد من الشباب يقول حنا بالكلاس 15 طالب .. 14 منهم سعوديين !!!! تخيلي ..

وبالنسبه للمعاهد الي ذكرتيهم فوق فـمعهد EF معروف تجاري ومليان عرب .. والثاني مدري عنه أما الثالث فالطلاب الي هناك يذمونه مررره ..

والرابع برضو مدري عنه ..

على العموم .. هذا رابط حق مدارس اللغه الي بكندا .. ومعتمده والله اعلم من وزارة التعليم الكنديه وبعضها معتمده من عندنا ..

http://www.languagescanada.ca/en/study


في معاهد معروفه بكندا مثل LSC و GV و ESC و ELS وغيره ..

هذي برامجها مرررره حلوه وقويه بس للاسف صارت نسبة العرب فيها اكثر من اول .. وبالذات بالصيف ..

على العموم شوفو الي يريحكم .. وحنا هنا حاضرين ..

أخوك :: Canady ::

ان انصحك تبتعدين من المكاتب لان الماتب بتوديك على معهد كله عرب
دايما ما انصح بنعلم اللغة وخاصة البداية تكون في مدن صغيرة راح يكون العرب فيها قلة واذا بغى الفلة يروح للمدن الكبيرة في الويكند

تسلموا لي اخواني ولا هنتوا ..

بس والله مره محتااار اخوي والمشكله انو هالمعاهد هي فقط المتوفره عند المكاتب الموجوده عندنا

اما من ناحيه ال EF انا سمعت عنه زي ما تفضلت اخي الكندي واما ال ILAC فناس تمدح وناس تذم وللحين ما ادري !!

بس يا ريت لو تقدروا تحصلوا معلومات عن ال Language Studies International (LSI) Toronto

واللي عنده اي معلومه عن هالمعاهد لا يبخل علينا فيها
thanx again

طيب اتركو عنكم المكاتب السياحيه .. وحتى التعليميه ..

حاولو تظبطوا اموركم بالنت .. والله كلها سهله .. بس يبيلها واحد عنده لغه تمشي الحال والامور تظبط ..

وأحسن لكم برضو .. لان التواصل يصير دايركت مع المعهد ..

وبالنسبه لمعهد LSI .. والله مدري .. شيكت على البرنامج حقه حليو .. لكن ماعرف احد جربه ..

وأنا حطيت اسماء مجموعة معاهد مجربه فوق .. اعرف ناس راحو لها ويمدحونها .. اختاري الي تبون وعطيني خبر ..

وأي خدمه حنا حاضرين ..

ما تقصر والله اخي الكندي .. ادرى تعبناك
والله من ناحية المكاتب فأدري عن وضعها .. بس شنسوي لانوو اول مره بيسافر فيها اخوي برا السعوديه
فخايف يروح هناك ويتوهق ..
بس ما ادري يعني لما نتواصل مع المعهد بالنت هل بيوفر لينا سكن مع عائلة وإلا كيف..؟
صراحة دخلت في راسنا هالفكره .. احسن من هالمكاتب والله واعتقد بيقل السعر كمااان
بس ما ادري وش هم بيوفروا يعني .. من ناحية اخوي فيبطلع الفيزا والتذكره ما فيه مشكله ..
بس هم ؟؟؟ يعني مثلاً بيجي واحد يستقبلنا في المطار؟؟ خاايفين صراحة ..

وبالنسبه لمعهد ال LSI صراحة دخلت عليه وشفت برنامجه مره حلوو
احس متحمسين له لانه مابيكون عن طريق مكتب .. بيكون عن طريق واحد نعرفه .. بس صراحه ما ادري !! ابغى رايك

ادري هديت حليك بالاسئله بس شنسوي بعد ..
تقديري واحترامي لك اخي الكندي ..

ما تقصر اخي عبد الرؤوف ..
بس صراحه ما فهمت على هذا اللي فووق !!
و صراحة هذا اللي نفكر فيه .. هي كلها شهرين فلازم تكون الدراسه مكثفه ..
وبالنسبة لأخوي فهو تعدى ال 18 سنه ..
واما المعاهد فــ للآن البحث جااااري !!

هلا أختي الساحرة ..

لا شدعوه .. أبد والله مافي اي كلافه وتعب .. بالعكس هنا في مبتعث كل واحد يخدم أخوه وهو مبسوووط ..

على العموم .. بالنسبه للمعهد .. أنتي اذا جيتي تسجلين اخوك في معهد يعطيكم خيارات الخدمه كيف وشلون ..

أفصل أكثر عشان التوضيح .. المعهد يقدم خدمات كثيره للطلاب الي عنده .. تقريبا كل شي تحتاجونه ..

مثلا .. أول شي في المطار هم يستقبلونه وبعدين يودونه عند العايله الي المعهد برضو رتبها لكم لان المعهد يرتب لكم سكن ..

وبعدين العايله تبدا مشوارها مع اخوك .. هم بيعلمونه كيف يروح ويجي ويعرفونه على وسائل النقل ويظبطون اموره كلها ..

وطبعا على حسب نوع العايله .. في عوايل كويسه وعوايل لا ..

لكن في الغالب العوايل الي تستاجرها المعاهد تكون مدربه وعارفه بالضبط التعامل مع الاجانب ..

أما بالنسبه للبرنامج فمثل ماذكر اخوي لازم تاخذون مكثف 25 ساعه او 30 ساعه ..

وطبعا لاتنسون خطاب قبول المعهد مهم جدا جدا عشان تقدمون على الفيزا .. وحاولوا تحجزن التذاكر من الحين لان الصيف زححححمه ..

وترى في معاهد متميزه كثير .. أقصد ناس اعرفهم جربوها .. شوفو الي يناسبكم وحنا حاضرين ..

:: Canady ::

اختي ساحر
عندي فكرة
الان ليش ماتقدمين على الفيزة
وعندك شهرين على ما تجي الفيزة يمديك تفكرين في معهد على راحتك