سؤال عن ماجستير تقنيات التعلم

وعليكم السلام ورحمة الله..

تخصص تقنيات التعليم موجود في أكثر من جامعه
لكن يعتمد على اش تفضلين تدرسين..
يعني مثلاً..
تلاقين جامعة تعطي درجة الـ MSc في التخصص، بالتالي الكورسات تكون متعلقه بالساينس والتكنولوجي.
وجامعات تعطي درجة الـ MA , MEd في التخصص.. هذي كورساتها أدبيه يغلب عليها الدش والثيوريز.

- البرنامج راائع في جامعة بريتيش كولومبيا بس الخساره أنه البرنامج Distance فقط.
البرنامج موجود برضه في بريتيش كولومبيا بمسمى اخر Technology Education -حسب ما أذكر -
وهذا متوفر on campus
- جامعة كونكورديا في مونتريال تعطي درجة MA في التخصص.
- أنا ما لقيت إلا جامعة كالجري اللي تعطي درجة الماجستير في العلوم في هذا التخصص، لأن خلفيتي كمبيوتر ساينس فكنت أبحث عن مواد علميه وبالتالي مرونه في ان الرساله تكون علميه اكثر.

الخلاصه يا أختي الفاضله انه اذا ما عندك مشكله في نوعية الدرجه الممنوحه فالبرنامج موجود في جامعات عديده في كندا وعلى فكره بمسميات مختلفه، يعني لا يغرك المسمى.. اطلعي على الكورسات أفضل.

هذه الجامعات اللي تحضرني حالياً
وإذا عندك أي سؤال.. ابشري بي ^_^

موفقة!