تعويضات الملحقية

السلام عليكم ورحمة الله وبركاته ..


إخواني وأخواتي اللي له خبره يجربني


انا الحين ابي ارسل للملحقية إيصالات تكلفة إستخراج الفيزا .. وتحليل المستشفى اللازم لإصدار الفيزا ..
على أساس يعوضوني بالمبالغ اللي صرفتها ...


وشلون الطريقه ؟؟

وظنكم هل يعوضوني ؟؟

فيه نموذج من موقع الملحقيه اسمه طلب تعويض
عبه وارسله مع الاوراق الاصليه للملحقيه عن طريق
اي مكتب فدكس او ارمكس
وان شاء الله يعوضونك

اخوي بقولك قبل تتعب عمرك .. اذا انت ملتحق بـ البعثه لا ترسل شئ قبل التحاقك للبعثه .. لانه من المستحيل يعوضونك !

لكن اذا انت جاي من الرياض مبتعث وامورك بـ السليم ارسل اللي وراك واللي حولك وراح يعوضونك !

اذا بغيت التعويض خذ هالطريقه :
رح لموقع الملحقيه واطبع ورقه حقت تعويض ..
واكتب بياناتك والتعويض اللي تبيه !
وارفق معاه الاصل .. وخذ لك نسخه عشان اذا صار شئ لا سمح الله تمسكهم بـ اذونهم وتحشر المصريات الله ينتفهم من الملحقيه !
ورح طال عمرك لـ Canada Psot وقل ابي ارسلها لـ Ottawa خذ لك ضرف واحذف فيه اوراقك اكتب عنوانك وعنوان الملحقيه المكرمـه .. واحذف اوراقك عند الموظف ورح

3 ايام بـ الكثير تلاقي رساله بـ ايميلك من مصريتك " مشرفتك او المشرف " وتشوف وش ردهم عليك !

وموفق طال عمرك

دعواتك = )

الله يعافيكم ..

لكن هل أستطيع ارفع الأوراق عن طريق بوابة المبتعثين ؟؟

وشاكر لكم ...

الفواتير لازم تكون أصلية والخطاب تنزله من الموقع وتعبيه وتوقعه ... وترسل كل شيء بالبريد الممتاز/السريع

وموفق خير...

لا مايصير عن طريق بوابة مبتعث
لازم ترسلها
وشكرآ

يعني لازم البريد السريع؟؟
انا ارسلت باليريد العادي

هل يعوضون على الفحص الطبي واللي قدم اكثر من مره؟

يتم التعويض عن اي شيء لطالب المبتعث
ماعدا الاسنان والتجميل
وشكرآ

انا ارسلت طلب تعويض عن طريق البريد العادي اللي يوصل خلال 4 ايام شلون الطريقة لي اسبوعين ولا احد رد لي منهم ولا يردون على الايميلات ولا الاتصالات شلون اتابع معاهم؟