ماهي كيفية البداية لطلب الابتعاث من اول شي الى اخر شي نعمله

زوجتي المصون تحمل دبلوم تمريض كلية صحية وتقدمت الى جهة عملها بطلب بعثة ووافقوا عليها والتخصص المطلوب لها باراميدك , وانا سوف ارافقها كمرافق لها مع انني اعمل في مجال الصحة

الله يخلي لك زوجتك يارب

عندي استفسارات عدة اتمنى ان اجد الاجابة الشافية عندكم :

1ـ اشترطت جهة العمل قبول من اي جامعة تريدها السؤال
وشلون تجيب قبول وكيف الطريقة من البداية الى النهاية ياليت تكفون تفيدونا لو توضعون رابط على اقل تقدير ؟

القبول سهل جدااا !! اول شيء تجدد الجواز السفر اذا باقي عليه اقل من سنه !

ثاني شيء تترجم الشهاده الثانويه العامه وشهاده الدبلوم .. طبعا لا تنسى ترجمه حسن سيره وسلوك .. ولاتنسى تصادق على الصور من الشهادات , صادق على خمس صور اقل شيء .. من المترجم ومن الاصل ..

طبعا اماكن الترجمه والمعادله هم مكانين .. رح لوزاره التربيه والتعليم الي بالوشم جمب الوزارات .. ورح للتعليم العالي الي في حي الغدير نهايه شارع العليا ..

وفي مكاتب تجيب لك قبولات كثير تحصلها بعد وزاره التعليم العالي على اليمين .

2ـ اي هذه الدول الاربع افضل من كل النواحي من ناحية الامان والمرونه وكل وسائل الراحه ووجود تخصص الباراميدك اي طب الطوارئ وايضا تخصص بكالوريوس اشعة لي انا ؟ الدول امريكا , كندا , استراليا , نيوزيلاندا

طبعا استراليا موقفه فيها الابتعاث والانظمام .. و نيوزيلاندا محد يمدحها ..

عندك امريكا و كندا .. انا افضل كندا لأنهم مرنين في التعالم وليسو معقدين مثل امريكا ومجال الطب فيها احسن من امريكا , والامان افضل بكثير , وجميع اجراءاتهم سهله مو مثل الامركيين معقدين شوي ..

3ـ ماهو اسم المكتب الذي يأتي بالقبول وهل هو معتمد وهل هو يعمل ترجمة للشهادات ؟ ياليت اسم وعنوان ورقم المكتب المعتمد ؟

المكاتب متواجده جمب التعليم العالي وفي الملز .. مااقدر اعطيك اسم معين لانه ممنوع هنا .. وتقدر تكتب في جوجل مكاتب قبول !

بس نصيحتي لك جميع المكاتب نصابين بس يفضل انك تطلع باقل نصب منهم !! خخ

يعني مر لك كذا مكتب لحد ماتشوف لك واحد اوكي ..

وغالبا النصابين ياخذون عليك 1500 في جلب قبول الجامعه والمعهد واجراءات استخراج الفيزا .. والله يعينك على نصبهم .. بس لاتدفع اكثر من 1500 ..

وانتبه تترجم شهادتك عند مكتب ! لأنها غير مقبوله من قبل التعليم العالي .. يعني بتخسر فلوس على الفاضي ...!!

ترجمها في وزاره التربيه والتعليم , وعادل وترجم الشهادات الجامعيه في التعليم العالي في الغدير .. << لازم تمر الوزارتين معا ..

4ـ انا مرافق لها واعمل فني اشعة هل يحق لي ان اتقدم ببعثة معها من الان واتي بالقبول ام انتظر الى ان اذهب ام احاول ضم البعثه الى وزارة الصحة ام ماالعمل ؟ نصيحتكم لي تكفون

انظمام الزوج او الزوجه للمبتعثين سهل جداااا ..

اول شيء راح يدرسونك لغه على حسابهم هذا اللازامي عليه خخخ ..

بعدين انت قبل ماتسافر من هنا تكون جايب لك قبول جامعه ومعهد .. تقدم فيه في وزاره العليم العالي سوا كانت الي بالغدير او فرعهم الثاني التخصصي الي موجود فيه الدكتور علي العطيه يحفظه الله .. وتفتح لك ملف هنا وتسافر .. واذا وصلت تفتح لك ملف لدى الملحقيه في دوله الابتعاث وتطلب الانظمام .. وان شاءالله شهرين ويضمونك ..

بس احتمال ماتقدر تفتح ملف هنا ..!!! حاول تكلم العطيه .. واذا مانفع عادي رح ماعندك مشكله راح تنظم ..

5ـ بالعربي لا انا ولا هي نملك اي معلومه عن الابتعاث
اريد من وقتكم قليلا واشرحوا لي من اول ماابدا الى ان انتهي ولا تهملوني لاهنتوا ؟
علما بأن معدلها بالكلية الدبلوم التمريضي 2,4 تتوقعون ان الجامعات راح تقبلها ؟

اخوي شروط الابتعاث والجامعات تقبل من 3 ونص وطالع .. بس والله عادي بتحصل جامعه تقبلها وحلوه بعد .. ناس كصير راحو بمعدل 2,2 وانقبلو .. لا تخاف ..

للمعلومية جهة عملها موافقة بس شارطين انها تجيب قبول من اي جامعة معتمده
وانا اريد ان اكمل دراستي صراحه بنفس مجالي وهو دبلوم اشعه واريد اكمالها بكالوريوس

قول للمكتب الي بيجيب لك قبول قول له ابي جامعه معترف فيها ومعتمده لدى التعليم العالي ..

وانت تقدر تدخل على موقع الوزاره التعليم العالي وتشوف الجامعات الي معترف فيها !! بس انتبه بعض الجامعات معترف فيها بس بعض تخصصاتها غير معترف فيها ..

جزاكم الله خيرا

وبالتوفيق ان شاءالله ..

ruud 10

July 23rd, 2009, 05:06 PM

رد مع اقتباس

7 "

ماهي كيفية البداية لطلب الابتعاث من اول شي الى اخر شي نعمله