معيدة حاسب .....حظها عاااااااااااااثر

ههههههههههههههههههههه
اسأل الله لك التوفيق ... والخير أين ما كان يا .. بخيته ....

اهلين اختي روتانا

بالنسبه لي انا شخصياً حصلت على ثلاث قبولات من امريكا وقبول من كندا
والان جالس افيز لكند
كل هذا علشان اقولك انا اشوف كندا افضل من امريكا بشرط ان يكون عندك قبول للماجستير ومضمون يعني ماتطلعين لكندا على اساس انك تدرسين لغه وتبحثين على قبول ماجستير

نصيحه اختي ... اذا كانت وجهتك كندا او امريكا ... حاولي انك تقدمين على اكبر عدد من الجامعات واقصد هنا مو تقدمين على جامعتين او ثلاث

لان فيه احتمالات عدم القبول او التأخر في الموافقه

اذا حسبتيها كالتالي راح تقدمين على جامعه وحده وتجلسين من شهرين وبعدين يجيك الرد ويمكن مرفوضه او يتاخر إلى ثلاث شهور او يعطونك شروط بالقبول راح تضطرين تقدمين على جامعه اخرى كذا بتروح عليك نصف سنه على جامعتين او ثلاث إذا كنت ضاغطه نفسك بالمره

حاولي قدر المستطاع انك تقدمين بنفسك او انك شخص يساعدك واقصد شخص يبي مصلحتك الشخصيه علشان يتابع بجديه

اما مكاتب القبولات والاشخاص الي ياخذون فلوس ع القبول مو مهم تحصلين على قبول ولا لا المهم انه يحصل منك على فلوس

اخيراً اختي

عندك University of Regina اجراءات قبولها سهل وترتيب الجامعه عالمياً مناسب جداً
وبالنسبه لإجراءات لشروط القبول سهل ولايسترطون اي درجات في اختبارات
مثلاً التوفل .. ليسى شرط الحصول على درجة معينه في اختبار التوفل وإنما الإنتهاء من جميع مستويات اللغه في معهد الجامعه

والجامعه موجود فيها تخصص علوم الحاسب الالي للبكالوريوس و الماجستير و الدكتوراه

وهي مناسبه لك لإكمال درجة الدكتوراة بعد الإنتهاء من الماجستير بإذن الله في نفس الجامعه

مررررة شكرا أخوي أفدتني كثير بأجابتك هذي لأني توي متخرجة حاسب هالسنة وأفكر بكندا كبديل لأستراليا اللي وقوفها !!
بس عندي كم استفسار لاهنت
فيه تخصصات ثانية ماستر للحاسب مثل الشبكات وأمن معلومات وغيرها ؟
كيف المعيشة بكندا غالية ؟
سمعت كثير عن إن قبولات كندا صعبة .. زائد كثرة متطلباتهم من اختبارات وغيره .. هل هالشيء صحيح ؟
أكون ممنونة لو تجاوبني الله يوفقنا وإياك

مشكورة اخصائية نفسية وشكلي راح احتاجك قريب الايام الجاية

أخوي اخلاق عالية
اشكرك وجهة نظرك صحيحة وبإذن الله راح اطلّع على University of Regina واشوف تخصصات الحاسب هناك


جزاك الله خير ولن أنساك من الدعاء
سهل الله لك وللجميع

خبرتي في جامعة الملك سعود وأتوقع ان باقي الجامعات على نفس النمط

أذا وافق القسم والكلية على ابتعاثك لجامعة معينة بأذن الله راح يطلع قرارك حتى لو على بريطانيا, منح الملك عبدالله وضعها غير وضع المعيدين. الأسبوع الماضي كنت بلجنة الأبتعاث في جامعة الملك سعود وحصلت كم واحد لسه طالع على بريطانيا. بس عطي رئيسة القسم خبر وشارها في الموضوع, وعميد الكلية برضوه لأنهم هم الإلي راح يوافقون على ابتعاثك والباقي عمل روتيني.

وكلامهم أن المعامله سرية ولازم تنتظرين حتى يردو عليك هذا كلام فاضي وإذا ما كنت غلطان موظفة قايله لك. أيام توظيفي انا ملاحق المعاملة بنفسي خطوه بخطوه وقرار ابتعاثي هذاني وراه وراه لا توقف المعاملة أو تضيع. على فكرة هذا من حقك ولك الأحقيه أنك تتابعين أي معامله لك في أي دائرة حكومية بس كل اللي عليك تاخذين رقم المعاملة وتبدين تطاردينهم.

وبالنسبة للضمان المالي خذته في عشر دقايق وقال لو بغيت في اي وقت تاخذ ضمان مالي ثاني تعال. على ما أفهم انه ماله دخل بقرار ابعاثك لأن الضمان المالي عبارة عن ورقة تفيد أن الجامعة تتكفل بكل مصارفيك وهذا طبيعي لأنك موظفه عندهم.