أصحاب الخبرة بكندا ممكن مساعدة بسيطة

والله كنت افكر بهذا الموضوع قبل فترة لكن ان شالله المبتعثين يقدرون يكتبون لنا الاشيا الضرورية الي تتوفر في السعودية ولا تتوفر في كندا ووو ... الخ

وشكراُ على الموضوع وان شالله يستفيد منه الكل

كل شئ بالسعودية تشتريه او تعودت عليه موجود اخوي بكندا ولاتشيل هم هذا الشئ وبالتوفيق

صراحة ابكتب لك وش اذكر .. وان ذكرت شيء زود جيت وكتبته لك في رد ثاني ان شاء الله ..

اهم شيء واول شيء .. اذا كان وصولك في الشتاء او وقت بارد .. لاحظت كثير طلاب سعوديين يجيبون جاكيتات ربيعيّة حقت شتاء الدلع اللي في السعودية

يبغا لك جاكيت وزنة ١٠٠ كيلو وفوق عشان يدفّيك ..
من جد يبي لك جاكيت عليه الكلام وحق شتاء مهوب ربيعي ..

عندك شيء ثاني .. اذا كنت بتجيب معك اي جهاز .. انكانه ما يشتغل الا على ٢٢٠ .. تبي تتبهذل وما راح تقدر تستخدمه لأن كل الأفياش اللي هنا ١١٠ .. لكن انكانه اوتوماتيك ويقبل الأثنين ما عندك مشكلة ان شاء الله ..

انكانك مدمن قهوة وتمر جب معك لأن التمر اللي هنا وحتى ان لقيته مستحيل يكون مثل التمر اللي في السعودية ..

نفس النظام اذا كنت بتسكن لحالك .. اقصد مهوب عند عائلة .. البهارات والشغلات هذي ما راح تلقى الا اشياء اساسية وممكن ما تكون مثل اللي عندنا .. طبعاً مهوب قصدي ان ما عندهم بهارات .. عندهم اشياء اول مرة اشوفها في حياتي .. بس اذا بغيت ليمون اسود وخرابيط الكبسة .. هذي الأشياء اللي اقصدها

ايه معليش نسيت .. على نفس موضوع البرد .. يبي لك بجايم داخلية كم طويل تكون تحت الملابس .. قفازات متينة .. قبّعة او اللي نسميها آيس كاب عشان اذا جا هوا ما تتجمّد اذانك .. مع ان كل هالأشياء موجودة هنا .. لكن خل معك احتياطك للأيام الأولى ..

يعطيكم العافية على هذا الموضوع المهم

اتمنى تفاعل اكثر من المبتعثين


تحياتي لكم

هذي بعض الاشياء المهمه برأيئ
1- شنطة صغيرة تضع أوراقك وجواز السفر وبعض الملفات الرسمية للحفاظ عليها
2- أفياش الكهرباء لأن الافياش ليست كما في السعودية بل مختلف تماماً
3- بجامات داخلية
4- اذا كنت من محبين التمر والقهوة جيبها معاك كما ذكر بعض الاخوان
5- لاتأخذ العطور المركزة والتي تكون رائحتها قوية وذلك الاغلب في كندا يتضايقو في من هذي العطور
6- بطاقة ماستر كارد مسبوقة الدفع
7- شنطة للكتب الدراسة


*نصائح*

اذا وصلت بالسلامه ان شاء الله وبتسكن مع عائلة ومعهم طفله احذر اعطائها اي نوع من أنواع الشوكلاته الي بداخلها لوز مثل (اسنكرز)
لان كثير من الأطفال لديهم حساسية شديدة من هذا النوع .

في المرفقات ملف فيه قائمة بالأغراض إلي أخذتها معاي
طبعاً غير الملابس

ملاحظاتي:
إذا جيت تجهز الشنط، فلا تحط كل الأغراض إلي مثل بعض في شنطة وحدة.
مثلاً راح تاخذ معاك 8 بنطلونات + 8 قمصان ... فلا تحط كل القمصان أو البنطلونات في شنطة وحده.
إنما وزعهم 4 قمصان + بنطلونات في شنطة ... والـ 4 الثانيين في شنطة ثانية. حتى لو لاسمح الله وضاعة شنطة او تأخرت في المطار فيكون عندك ملابس كفايه تمشي حالك فيهم لين تشتري زيادة. خاصة في اول الأيام.

إذا عندك جارمين او جهاز GPS فالأفضل تاخذه معاك، لانه راح ينفعك في أول ايامك. تقدر تدور على الأماكن إلي تبيها في الإنترنت وبعدين تحدد مكانها على جهاز الملاحة وتحفظه حتى يدليك عليه وقت الحاجة.

أخذ معاك شنطة صغيرة على الطايرة، تحط فيها ملابس تكفيك حق يوم على الأقل تكون للطوارئ. بالإضافة إلى مظلة صغيرة وباقي أوراقك.

إذا ما جهزت لك سكن فبحث من الحين على فندق وحجز لك غرفة لكم يوم، ولا تعتمد على إنك راح تحجز لك فندق لما توصل ... لانك ما تظمن تلقى غرف بالفندق او بسعر جيد.

إذا راح تسكن مع عائلة فبلغهم من الآن برقم وتاريخ الرحلة وموعد وصولها حتى يستقبلوك في المطار ويجهزوا لك الغرفة.

قيد سبق و طرح موضوع ايش تجيب معاك قبل كذاا ..
و الحكاية تري مرة سهله .. الايام دي الجوو مرة حلووو مهو بارد ولا حاار .. بس اذا في شمس راح تحسوو الجو مررة حر .
و اذا في مطر فهو نوعا ما بارد بس مو مرة ..
الملابس لا تجيبوو شئ من السعودية .. لان هنا عارفين لجوهم .. و بتلاقو كل شئ متوفر . و الجزم الله يكرمكم ..
بس اللي علفوو علي الافيااش .. تري الافياش المستطيلة اللي مهي دائرية تبع السعودية تمشي .. لا تعقدوو نفسكم و تجيبو الافياش الثلاثية و حوووسة .. تري كلوووو يمشي .. و بعدين موجوده هنااا .. يعني لا تعقدوو عمركم البلد مرة سهاااله ..
بس انا انصحكم ... تقروو اكثر في المواصلات و التنقلات ، تطلعو علي الخرايط ، تحاولو تعرفو الاجواء العامة للبلد .
و تري كلوو سهاااله ان شاء الله .. البلد مرررة راااائعه
اختكم فووولة

بااااااااالتوفيق