أرغب بالتحويل من اليابان الى كندا

وينكم ياطلاب كندا فزعتكم معقولة محد عنده اجابة للأستفسار؟؟؟

حبيبي اش التخصص وايش المرحله الدراسيه بالضبط اعطيني معلومات اكتر الله يسلمك وانشاءالله اقدر افيدك

أشكرك أخوي على مرورك ... تخصصي أدراة اعمال مرحلة البكالوريس
وزوجتي بكالوريس تمريض
وشكرا جزيل

نصيحه جيب درجة التوفل قبل ما تجي او ايلتس عشان تكون مريح بالك وفي جامعات كتير ومن احسنها UBC وكوانتلن وسايمون فريزر ترا في جامعات كتير فيها التخصص تبعك وتبع مراتك بس اذا ماعندك توفل ادخل كليه مثل لانقارا او دوقلس على برامج التحويل للجامعة وبعد كدا شطراتكم الله يوفق الجميع
وبالنسبه للاسعار فهدا الشي يرجع لصرفياتكم يعني في ناس تقدر تعيش ب2700 دولار لشهر واكتر وفي ناس ماتكمل معاهم اسبوع او اتنين وغير لانه اغلب الناس ساكنين في الداونتاون ووفشقق جدا غاليه مع انه من وجهة نظري انه الواحد يدور شقه رخيصه وجديده فنفس الوقت بس بعيد عن الداون تاون والاسكاي ترين والباصات تريح بالك والله يعين الجميع

أشكرك جزيل أخوي على ردك بس ماقلت لي كم مدة الدراسة لو تكرمت

اول شي اللغه بتعتمد عليك وعلى مستواك تاني شي باكلوريوس اعتقد على حسب تخصصك فحتكون دراستك 4 سنين وتقدر انته تدخل على موقع الجامعه وتتاكد اكتر من تفاصيل التخصص لانه انا باتكلم عن اغلب التخصصات

مشكر اخونا yummi على الردود وفادة الجميع ..

اخي انا مثل اخونا انا ودي احول من مالييا الى كندا بس ودي اسال عن..
الامان ؟ الغلا من ناحية المعيشة (المواد الغذائية )؟ السيارات سوا اجار او شراء؟ الشعب وطريقة التعامل معهم ؟


انا اسف على الازعاج والمداخلة

ننتظر ردكم .

اممم بصراحه يا اخي الامان محد يحكم فيه لانه ممكن تنسرق او يسير لك شي فبلدك وفكندا مايسيرلك شي دي امور بتاعت ربنا على قول المصاريا يعني زي ماربنا رايد يسير حيسير تانيا انا بصراحه جدااااا ولله الحمد مرتاح من ناحية امان وكدا دا رأيي مع اني كنت خايف زيك كدا وشااااااااايل هم بس الحمدلله الواحد يقرأ على نفسه ويامسه شي بقدرة الله
تاني شي الغلا وبرضووو دا موضوع يعتمد عليك وعلى مصاريفك بس الحمدلله الدولة بتعطينا راتب بصراحة كويس يكفي ويوفي كل شي وتقدر تأجر احسن شقة سواء في الداون تاون او بره الداون تاون والمواصلات مررره كويسه باص خط البلده خخخ لا عن جد المبلغ مره كويس الحمدلله والاكل برضو اسعاره كويسه والقروسري وكل شي والسيارات تقريبا اسعارها زي السعودية بس التأمين الشهري شوية غالي الا لو طلعت رخصة كندية بيرخص
الشعب جدااااااااااااااااا فرندلي خصوصا الnative ppl اما الصينين والهنود مهم فرندلي وبس
وفي الاخير بدي اقولك نقطة مصاريفك تعتمد على المنطقة الي حتكون فيها لاني كنت في مدينة جدا صغيرة وكانت المكافأة تفضل معايا للشهر الي بعدو بس لمن رجعت للمدينة الكبيرة وهيا فانكوفر يعني الحمدلله بوفر للشهر الي بعدو بس مو زي لمن كنت في المدينه الصغيره
وخلاص لاني كترت كلام

الله يعطيك الف عافيه ع الردود كفيت وفيت يالغالي ..

طيب يالغالي انا الحين ادرس في اللغة الانجليزية برائك اخلص اللغه في ماليزيا واجي كندا ولا اخلصها في كندا؟؟

طيب لو طلبت لتحويل كم يستغرق اذا كنت تعلم يعني من الوزارة ؟؟

والفيزا كيف استخرجها ؟؟

تقبل تحيااتي وانا اسف على الاطاله .