استفسار افيدوني ياهل الخبرة ضايعة صرت

والله يالغاليه انا لي اكثر من اسبوع استفسر عن دراسة معهد

ماحد افادني ... بس يمكن حظك احسن تلقين اللي يفيدك

دايم حظ البنت احسن من الطعس

الله يوفقك مقدما

معقوله مافي احد يقدر يفيدني ارجوووووووووكم ؟؟؟؟؟؟؟؟؟؟؟؟؟

اشكرك اخي في اي بي على مرورك

اختي ام جنة انا من مبتعثات المرحلة الرابعة
وكانت عندي ظروف مشابهة بخصوص المرافق
وعادي جيت كندا في شهر 7
بدون مشاكل ... مجرد شوية تكتيك على المواعيد

حاقلك كيف

اول شي الفيزا تاخد تقريبا شهر على ماتطلع ،، فإنتي جهزي كل طلبات الفيزا لكن لا ترسلي الاوراق مثلا الا بنهاية شهر 2 او بداية شهر 3 بالهجري (وغالبا الشهور متقاربة بالميلادي) بس انا بقلك بالهجري عشان الوزارة بتتعامل بالهجري واتوقع اقصى موعد لسفر مبتعثي المرحلة الخامسة حيكون شهر 7 هجري

طيب اذا جاتك الفيزا خلينا نقول بعد شهر معناها انتي في شهر 4 ،، على نص شهر 4 او نهايته قدمي كامل اوراقك للوزارة بالرياض وتقريبا حياخد الموضوع من يوم ليومين عشان يطبعو قرار الابتعاث
قرار الابتعاث هذا عمره 3 شهور من تاريخ الطباعة ... يعني لازم تسافري خلال هدي الثلاث شهور ,, فإنتي احجزي على نص الشهر الثالث طيارتك يعني حيكون على شهر 7 يصير يبقالك حدود اسبوعين على نهاية مدة قرار الابتعاث

وبمجرد وصولك كندا ارسلي المتطلبات للملحقية ،، وطالما تاريخ قرار الابتعاث ساري المفعول فكدة انتي مبتعثة رسمي وفي المدة اللي مناسبتك


هذي الطريقة اللي انا استخدمتها والحمد لله مشيت اموري تمام

لكن لو حابة تخلي الموضوع رسمي تقدري تقدمي طلب تأخير البعثة وتكتبيلهم السبب (ظروف زوجك بالتفصيل المقنع)
وتنتظري ردهم عليكي وتتابعي معاملتك

الطريقة الثالثة ،، هو انك تاخدي محرم غير زوجك معاك مثلا ابوك ولا اخوك فترة كم شهر وبعدين تطلبي تغيير المحرم ويصير يجي زوجك ويرجع ابوك او اخوك


والله ييسرلك اللي فيه الخير

بالنسبة لدراسة زوجك ،، طالما هو مرافقك فيقدر يدرس اي شي على حساب الملحقية سواء لغة او حتى ماستر بس لازم هو يوفر القبول لنفسه

ان شاء الله اكون افدتك