مين معاي برحلتي من الشرقية 21-نوفمبر

حبيب قلبي بالنسبه للرحله للاسف لا انا على الخطوط البريطانيه بكره انشالله جده>لندن>فانكوفر ومع العلم اني من سكان الريااض وبالنسبه للغه اذا انت ميح انا ميييييييييييييييح مع مرتبه الشرف لكن تساهيل انشالله اذا قالو لك شي هز راسك على بالك فااهم وانشالله رح تمشي هههههههه >>هزة الراس هذي نصحني فيها واحد ورح اجربها انشالله وارد لك خبر وبالتوفيييق

هههههههههههههههههههههههههههههههههههههه
توصل باللمة يابعدي

بالسلااامة *** ^_^

ممكن سؤال خارج عن الموضوع

كم سعر التذكرة؟

(( اي دونت سبيك انجلش .. سوري )) < خل عنونك . . >> بعد مايخلص من خدمتك ثانكس . . او ثانكيو . .

.. انا جاي وانا ميح والى الحين وانا ميح خخخخ.. اول شي زين انك رايح على الخطوط الالمانيه يعني بتلقى سعودين بنفس الحركه ترانزيت
انا والله جاي على الخطوط البريطانيه ..
وبعطيك طريقتي .. . لا تطلع الا وانت معك بوردنق من الرياض للالمانيا والبوردنق الثاني ومن المانيا الى فانكوفر .. او الى اللي بتروح لها
واركب الطياره .. واذا عطوك ورقه في الطايره اللي تروح من الرياض لالمانيا لاتعبيها ماتحتاج لها < على ما اعتقد لان اللي يعبيها هذا اللي رايح للالمانيا موب اللي رايح ترانزيت . .

وبعدها اذا نزلت في مطار المانيا الحق الناس .. واذا شفت الناس تفرقوا .. بتلقى ( موظف يحتريك تسئله ) امسك البوردنق .. وورها اياه وهو بياشر لك وان عطاك اسئله قل اي دونت سبيك انجلش < ولا قلها من الاول افضل
او وانت توريه البوردنق اسئله وتقول where .. ( واذا انتهيت منه قل ثانكس .. ثانكيو ) . . واذا مامعك البوردنق ( هينا مشكله لازم تقصه ) فوره تذكرتك اللي مطبوعه وييفهم هو .. وكل مارحت قدام بتشوف موظف واسئله . . وامش لين تاصل بوابتك ( او لين تعرف بوابتك كم رقمها اذا ماكانوا مسجلينها في البوردنق .. عن طريق لوحه موجوده باسمي المدن .. وتراه سهله اسم المدينه ورقم البوابه .. او متى تفتح يعني لاتخاف منها دامه انجليزي ويومها عربي تفهمها


المهم بيفتشونك بشنطتك الصغيره وقلد الي قدامك يطلعون المحمول وفك الحزام .. الخ ..

وانت في طايره فانكوفر .. (ومعك اوراقك مثل عنوان العائله في الشنطه الصغيره وعارف شروطهم ماتقدر الا تجيب ( كرز واحد دخان ) والاطياب على حدود 50 ملي ..
بيعطونك ورقه جمرك ..امسك الورقه ودور لك سعودي يمليها ماعندك سعودي زيي في الرحله ذاك اليوم < كان معي بريطانين واخليم يساعدوني مايقصرون ويساعدون بس المفروض يساعدك فيها كلها بس هو يبيك تسئله في كلش !! ..المهم انا صراحه ما اشتهيم من جلسوا جنبي +(للمعلوميه ) فيه ورقه محطوطه في النت شرح لها من النادي السعودي الظاهر . . .المهم اني قمت ورحت ( للمضيفه ) وطلبت ورقه جديد ( للجمرك ) وقلت لها عبيها اي دونت سبيك انجلش .. هيلب مي واشر بيدك وعطيتها القلم علشان تعبيها بعد بيديه موب انا اللي اعبيها .. وعبتها بنفس حلوه .. وثانكس واذا نزلت الى مطافر فانكور .. شف اللي قدامك وش يسوي مع الموظفه بيعطيها ورق جمرك .. وتبسئلك اسئله .. انت عندك دخان قله عندي ( تين بكتات )2 هاندرد سيقاره (اذا كنت راعي دخان ).. وبتفهم هي وانت قلت اي دونت سبيك انجلش وانت تقول لها .. وبتقول من وين انت قلها من السعوديه وبتسئلك بعد سؤال تقول كم بتجلس انا قلت سنه وكتبت سنه كامله يعني لو تقول لها بجلس سنتين الخ يمكن يكون الستدي اعلا ما ادري ترى . . .. بس وهي تسئلك اي دونت سبيك انجلش ولوك تفهم طلع ريحتها وبعدها بتاشر لك تروح للانفرميشن < مكتوبه اللوحه انفرميشن < اكيد انك تعرف تقرا حروف انجليزيه اقرا وشف وهي بتاشر قل وير قو .. الخ طلع كلمات وبيجيك الشايب .. قله اي دونت سبيك انجلش وبيقو وش تتكلم بتقول عربي < انا هينا ماعرفت لي ساعه وش سؤاله وش تتكلم يقولها بسرعه ولاهيب زي اللي اعرفها ( ومايبي يصير في ورقته عربي علشان يشرح لك خخخ ) ( بيقولك رح جب شنطك وتعال فيذا بتاشير ) وبتشوف ناس يجبون شناطهم رح جب شنطتك ورجعها وبيدخلك على الجمرك المهم اللي بيعطك الستدي .. وهينا خل اوراقك كامله ( مثل قبول لغه ( مدته 8 الى 9 اشهر ) .. وبعدها قبول جامعه يبدا بعد 12 شهر من بدايتك واهم شي خل معك ورقه عنوان العائله ) ... ( واذا كان قبولك المعهد مدته 3 شهور (يمكن يسئلك اسئله وتصير في مشكله
( فيمديك تقول للمكتب غير 3 شهور الى 9 شهور واطبعها اذا كان قبولك 3 شهور وفيه فتره فاضيه كبيره الى وقت الجامعه او اذا كنت جاي سياحه ودراسه 6 شهو مالهم دخل فيك .. < وهذي تسلمها للجمرك وماتكون لك اي مشكله زيي المكتب هو اللي مساعدني فيها يوم بغيت اروح قلت بتصير مشاكل وقبولي 3 اشهر قال يمكن فاراح يعدلها لي وقال هذاي سلمها للي يعطيك ستدي ولا توريها المعهد ( هو ماساعدني المكتب الا لان بكره بسافر فمايقدر يجب لي قبول مدته طويله < هينا تتطلع الخدمات الصح )
وسويتها ولا تكلم معي الموظف ولا سئلني اي سؤال غيري يسئله اسئله واجد.. المهم اذا سئلك قل اي دونت سبيك انجلش وسلام ختام بس بيحاول يفهم .. وانت اشر له ولا هز راسك اذا فهمت من تاشيراته
وبعدها بتطلع للشايب ويدلك وين تروح .. وامش وبيدلونك وشلون تتطلع من المطار .. وان كانك ماتعرف احد ( اطلع وخذ لك تكسي ووره العنوان حق سكن العائله وقله اي دونت سبيك انجلش وبيفهم هو وهز راسك ..
وافضل لك تاخذ تكسي ولوك تعرف احد لانك لو توصل للعائله من بدايه ايامك افضل لك والظاهر ان المعهد يرتب مدري انا صراحه خليت ولد خالي يستقبلني وترى الناس مامعهم سيارات زي الرياض الخ فبتشغله يمكن بس ولو ماقصر ولد الخال وسكنت بشقه خمس ايام واتصل على العائله وقال تاخرت الرحله خخخ < المهم الخمس ايام ما استفدت الا اني فهمت منطقه الدوان تاون وضيعت فلوس على غير سنع لان سعرها حاولي 100 دولار كندي ..
ولو تاخذ التكسي بيصير غالي عليك بس ادفع لانها مره وحده .. وعاد اذا بغيت تتطلع من بيتكم خل ( ام العائله تتدلك وشلون تروح ( لدوان تاون وشلون تروح للمعهد حقكك او دق علي ( امرك واخذك فره فرتين) وجدك قوقل http://www.google.ca/ بيوصفل لك اي شي وبرضه اسئل ام العائله وين جهه الشمال وهذا موقع يوصف لك وين القلبه حط عنوان كتابه http://www.qiblalocator.com/ ولا اقرب محطه سكايترين

< فلها سواليف .. بس طلعت اللي عندي . . وتوصل بالسلامه ان شاء الله ..
وماعليش على الحوسه في السوالف اذا فهمت شي بس الخلاصه ( اي دونت سبيك انجلش )

^^

والله ياشكلك تعاني من فراغ عجيب هههههههههههه


الله يعطيك الف الف الف عافيه كفيت ووفيت مشاء الله شرح مفصل


انا بجي جديد واستفدت اشياء كثيره من كلامك


موفقين خير

ههههههههههههههههههههههههه الله يعطيك الف الف الف الف الف عافيه اخوي بس سؤال يصفق نفسه الحين مب مسموح الا كرز واحد بس ؟؟؟

انا عندي نية آخذ اربعه لأ، قالولي مسموح لك اربعه اثنين فككهم وحطهم واثنين خلهم بكرتونهم ؟؟

ياليت ترد على هالسؤال ابوي اذا ماعندك مانع ؟؟

ويثلمووو على كلللل ثي ^_^

^^^^
المسموح كرز واحد مكتوب في الورقة اللي تعبيها في الطيارة 200 سيجارة
انا جبت اثنين واحد مفكوك وواحد بكرتونه وغرموني

طيب والعطور كم المسموح ؟

سمعت ناس يقولو حدك عطرين بس !