إجرائات الفحص الطبي بالعيادات الاستشارية ومايميزها عن مركز الدكتور سليمان الحبيب

November 14th, 2009, 04:53 AM

مساء الخير

حيت أكتب لكم تجربتي عشان الوحد يكون بالصورة واتمنى أنها تفيدكم

انا سويت الفحص عند العيادات الاستشارية اللي هو اول رقم بالورقة عند الدكتور سميح

طبعاً وش يميزها هالعيادة أول شئ تفرق عن الحبيب انها مو مثل الحبيب زحمة لأان الحبيب أقل شئ بعد ثلاث ايام من وصول الفحص من السفارة لأانهم زحمة مثل ماقلت وثانياً الحبيب زيادة ثمانين ريال ليش طيب وذي نفس الشئ مو بخل بس الانسان بطبعه مايحب الاستغلال ثالثاً يرسلون النتئج عن طريق ارامكس على ما اعتقد وانا أشوف أن الفيدكس اسرع
وطبعا موقعها على طريق خريص قبل شارع التخصصي مقابل جريدة الشرق الاوسط وMBC
نبدأ بالخطوات :
1- اتصل عليهم واحجز موعد والموعد راح يكون من بكرة وتقريباً على الساعة 11 طبعاً أنت رح قبل وبقولكم ليش
2-أول ماتدخل تروح للريسبشن اللي بالدور الارضي تعلمه أن عندك فحص للسفارة الكندية لأانهم يتعاملون مع السفارة الاسترالية بعد يفتح لك ملف وياخذ منك 600 ريال ويعطيك ايصال بالدفع
3- تروح للدور الثاني قسم عيادة الاسرة وتروح للريسبشن وتعطيهم اوراق السفارة وصورتين 4*6 غير معدلة ولاتنسون صورة الجواز
4- تنتظر اقل من ربع ساعة تجيك الممرضة وتقيس الضغط وتاخذ الطول والوزن
5- تدخل على الدكتور بيقيس النظر طبعا سهل مرة سكر العين ذي افتح العين ذي وين اتجاه الفتحة ومن هالكلام وبعدها يقول لك افتح صدرك ويحط السماعة ويشق نبضات القلب طبعاً ترى بيسألك انت تدخن ولا لا ولا تسوي ذيب وتقول لا لأانه أكيد بيلقون النيكوتين بدمك اذا كنت تدخن
بعدها يعطيك الدكتور ورقة صغيرة مكتوب في مكتب الاعمال مستر فينود
تنزل لمكتب الاعمال وتعطيها واحد اسمه فينود هندي وتعطيه 300 ريال طبعاً انا قلت لكم تروحون قبل 11 عشان هالشئ لأان فينود بخلص دوامه 12 وبكذا تضطر انك ترجع العصر *
انتظر يوم يومين واسأل عن النتائج اذا بغيت
أتصل على فينود بعد اربع ايام ويعطيك رقم الارسالية طبعاً راح تكون عن طريق الفيدكس وهو اسرع من ارامكس يعني ثلاث وقفات دبي باريس لندن يعني بالكثير توصل لندن بعد 6 ايام من الفحص

وصلى اللهم على سيدنا محمد

أتمنى اني القى ردود ومرور عطر منكم

تحياتي

• نشر عبر تويتر
• نشر عبر فيسبوك
• نشر عبر جوجل