أقدر احصل على قبول جامعي ؟

السلام عليكم
إذا كان تبي القبولات عشان الفيزا فقط فالأمر سهل شفلك مكتب وقلة أبي قبولات عشان أطلع الفيزا وهو يجبل إياها
وشكرآ

ممكن عنوان اي مكتب

ib.e.s AT hotmail.com

انت تبغى ماستر او بكالوريس وكم معدلك

بكالريوس

المعدل
85 %

وعليكم السلام ورحمة الله وبركاته

اول شيء احب اوضحه لك انو في قبول اللغه مافي شيء اسمه قبول مشروط يعني كل معاهد اللغه تقبلك
هذا واحد
ثاني شيء بالنسبه لقبول الجامعه والي هو يعني قبولك لمرحلة البكالوريوس هو الي غالباً يجيك يا اما ما شروط او غير مشروط
اش معنى مشروط علشان تكون في الصوره و اوضح لك اكثر
يعني قبول لتخصص معين يشترط فيه قبل ما تبدء انك توفر شرط اللغه واحياناً تضاف اليه شروط اخرى لكن غالباً في البكالوريوس ما يتشرطون كثير غير اللغه
طيب اش معنى انا ابغى قبول غير مشروط يعني قبول مباشر لمرحلة البكالوريوس بدون شرط لغه وهذا لا يعطى لك الا في حالتين الاول انو تكون لغتك الام انجليزيه او انك تتكلم الانجليزي بطلاقه كلغه ثانيه او يكون معك شهادة اختبار التوفل او الايلتس وجايب فيها الدرجه الي الجامعه تشترطها وفي هذي الحاله يعطونك قبول مباشر
اما قبول غير مشروط وانت ما عندك لغه فما قد سمعت فيه

بالنسبه للقبول الي تحتاجه علشان تقدم على الفيزا فأنت تحتاج مبدئياً قبول معهد لغه ما يقل مدة الدراسه في المعهد عن تسع اشهر علشان تجيك فيزا طالب ولا يحتاج قبول جامعه للفيزا
طيب كيف تجيب القبول ما انصحك تتواصل مع المكاتب لانهم راح يزرفون منك على القليل الفين ريال والله على ولا شيء

اول شيء يا حبيب اجلس مع نفسك وقووول وييين ابي اروح ادرس في اي دوله طيب في اي مقاطعه في الدوله ذي طيب في اي مدينه حلو
لما تختار المدينه الله يعافيك خش على قوقل وترجم من عربي لأنجليزي معهد لغه انجليزيه في المدينه الفلانيه وانسخها وسو لها قوقله
وراح تطلع لك كل المعاهد الي في المدينه ذي لا تستغني عن السؤال اسئل الناس وش المعاهد الزينه في المدينه الي اخترتها علشان يكون عندك خلفيه
المهم بعد ما تستقر على معهد معين اكتب اسم المعهد في قوقل وراح تطلع لك الصفحه حقته مافي معهد في كندا بدون ويب سايت
خش الموقع حق المعهد وخذ ايميلهم وارسل لهم رساله عااااااديه قله انا اسمي كذا وكذا وابغى قبول لغه لمدة تسع اشهر
خلال يومين بالكثير يكون القبول عندك بعد ما تسدد للمعهد رسوم القبول والي ما تتجاوز قيمتها مية دولار عن طريق الفيزا وغالباً مافي والله خوف منهم وخاصه لما يكون لهم موقع رسمي والناس تعرف المعهد يعني لا تخاف انك تعطيهم رقم الفيزا حقة البنك ما راح ياخذوا اكثر من حقهم وهذا الكلام اكييييييييد
خلال يومين القبول يكون عندك
تبي تروح لمكتب رح وشف وش بيسوي فيك اقلها راح يعطلك اسبوعين غير انه راح يدفعك مبلغ وقدره على ولا شيء يزيد من الي قلته لك فوووق وهذا الكلام انا اتحدى فيه اي احد
معلومه اخيره بس المكاتب تاخذ منك فايده ولما تروح تدرس في المعهد المعهد يعطيهم مبلغ في حدود 200 دولار علشان المكتب جابك يعني المكتب يكسب من ورا الشخص مرتين
هذا وسلامتك

الله يبارك فيك يالغالي

طيب شغلى المعهد وعرفناها

بس شغلة القبول الجامعي؟؟؟

الجامعه طريقة القبول فيها ما تختلف كثير عن طريقة الي شرحتها قبل شوي يمكن تزيد بشيء واحد انك بعد ما تراسل الجامعه راح يطلبونك تعبي ابلكيشن اون لاين او راح يرسلون لك رساله فيها الابلكيشين الي مطلوب منك تعبيه باليد وترجع ترسله لهم بالبريد بالاضافه لجميع اوراقك الجامعيه والاخرى
لكن في البداية ارسل رساله بسيطه للجامعه الي انت حاب تدرس فيها قلهم اسمك واش التخصص الي تبغى تدرسه وهل هو موجود ومتى موعد القبول الي انت تبيه صدقني الموضوع مو صعب جداً وفي مواضيع كثيره في المنتدى تشرح طريقة المراسله بصوره مفصله جداً شيك على المواضيع المثبته