خريج من سوريا ..؟

الي اقدر افيدك فيه اخوي ان قبول كندا للماستر فيه صعوبة شوي وبالنسبة لمعدلك هذا مااتوقع تحصل قبول او عالاقل بسهولة
انصحك بالتغير لامريكا لانه في امكانية للي معدلاتهم تحت شوي لان اغلب الجامعات اهلية
بس زي ما انت عارف جامعات كندا حكومية والماستر مقاعده محدودة للأنترناشونال وياخذون معدلات قوية 60 من 100 صعبة شوي
وتخصصات الماستر هناك كثيرة في بيوميديكال ووو عاد انا مالي خبرة في هالمجال انت ادخل مواقع الجامعات وخذ طلة عالتخصصات
بس زي ما قلت لك القبول لمعدلك صعب جدا جدا اذا مش مستحيل يعني الي معدلهم 80 ما حصلو قبول ففكر واسال مكاتب متخصصة قبل لا تروح وتتورط وتضطر تحول امريكا زي الاغلبية

اذا تبي ماستر فيكندا
يبيلك معدل عالي ولغة حلوة ودرجة توفل ولا ايلتس احلى

والله يوفقك

مالك الا بريطانيا او استراليا

kanada ما شاء الله عليك لساني يعجز عن التعبير...

أخي الكريم متل ما اتفضلت حضرتك بشرحك عن أميركا فأنا معك بس المشكلة الكبرى وهي السفارة الأميركية عنا بسوريا والله والله والله و هي أنا عبحلف أنو الطلعة على أميركا من عنا من تاسع المستحيلات حتى تخيل أخي الكريم المسيحية عنا ما عبيقدرو ياخدو فيزا يعني من الأخر تعجيز بشكل مو طبيعي

يا أخي الكريم انت تحدثت عن دراسة سنتين يعني متل سنة تحضيرية

اي أنا إلي بدرس.... ياريت لو تشرح عنهم شوي ياريت يا ريت متل( ما بنقول عنا بسوريا ايدي بزنارك)
و على فكرة أنا عندي أبحاث خاصة فيني هل هذا الشي بيساعدني بالقبول يعني بالعربي الفصيح أنا الحمد لله متحمس لفرعي كتير برا لأنو فرعنا الأحياء الدقيقة دخل على سوريا بسنة 2002 فتخيل ذلك يعني لساتو غير مدعم بالشكل الكامل

وعلى فكرة أنا برحب فيك شخصيا بسوريا

و أي شي بتحتاجه أنا بالخدمة

والله يوفقكم جميعا

اخي الكريم جرب في جامعات مونتريال
جامعة مونتريال
جامعة ماك غيل
جامعه كونكورديا
جامعه uqam
جامعه sherbrooke
و ......

شوف يا باشا, ببريطانيا ما عندك أي مشكلة مع المعدل, والجامعات فيها القبول سهل, حتى امتحان الIELTS ما بيطلبو أكثر من 6.5 بس طبعا بدك تحسب حساب المعيشة ببريطانيا غالية يعني بدك عل قليلة 700 جنيه استرليني بأي مدينة غير لندن, وبلندن بدك حوالي 1100 جنيه بالشهر (طبعا هاي من دون بعزقة) تمام لهون؟

هلأ منجي لكندا, أخي كندا متل ما حكولك الشباب القبول فيها صعب لأنو جامعاتهم كلها مدعومة من الحكومة الكندية يعني مو لازمهن فلوس. على كل الأحوال إنت معدلك قليل وحتى تنقبل بكندا بدك تعمل كم شغلة:

1- بدك تجيب معدل عالي بال IELTS يعني 7.5
2- بما إنو بدك ماستر فأكيد الجامعة رح تطلب منك امتحان GRE أو شي بشبهو, حاول تجيب معدل عالي كتير بهالامتحان لأنو الجامعات بتعتمد عليه كتير بالقبول.
3- تأكد تجيب 3 رسالات توصية من دكاترتك بالجامعة وتأكد يذكرو فيهم إنو مستواك كان ممتاز بالجامعة (هاي كتير مهمة)
4- إذا اشتغلت بعد الجامعة بشركة أو مؤسسة حاول تجيب رسالة خبرة منهم, وإذا ما اشتغلت كمان حاول تجيب رسالة خبرة من حيالله شركة.
5- في الماجستير رح يطلبو منك CV فتأكد إنو ال CV تبعك تكون مكتوبة بطريقة بروفيشنال يعني مو شغل هات إيدك والحأني.

طبعا قبل ما أنسى, امتحان الIELTS و الGRE أو الGMAT كلهن فيك تقدمهن بسوريا يعني مو ضروري تسافر على كندا حتى تاخد القبول.

موفق انشالله وإذا لزمك شي سأاال...

أخوك يحيى

أخي
الدراسة ببريطانيا أسهل بكتييييييييييير من امريكا
وكندا لا تفكر فيها لأنو صعبة بدها لغة قوية وخبرة
ببريطانيا بيمشي معك الدكتور المشرف على رسالة الماجستير خطوة خطوة ومابيعذبك
بينما بأمريكا بيعملولك بالبداية اختبار وبعدها بيقرروا يابتكمل ماجستير يا بينزلوك شي كم سنة لورا لحتى تتعلم مزبوط
هاي معلومات الدكاترة عنا بالجامعة