عندي سالفة مشربكة(طفشان والمعهد)..تبون تسمعونها؟؟! تفضلوا

اخوى امش معهم الان ولا تعترض

لانه على ابسط الامور راح يقولون لك واش دراك ان المعهد ماهو بزين

واذا رحت هناك وفعلا طلع المعهد ماهو على المستوى

تقدر تطلب تغييره وهناك الامر مختلف والملحقية تساعدك بعد الله

طيعنى ومشى حالك وهناك انشب بحلوقهم

وربك يوفق الجميع

السلام عليكم

انا مريت بوقف مثل موقفك لسه ما ليه يومين

المهم يا طويل العمر انا اعطيك السالفه

انا الوزاره مكلفة مكتب ايجيك يجيب لي القبول

واتصل علي المعهد وقلي تعال استلم قبولك ورحت لهم

المهم،، المعهد الي جاني قبول عليه في مدينة اوتوا العاصمه (يحلم بتورنتو)

بس قلت مو مشكلة كفاية ان الملحقيه في نفس المدينه ما يخالف

لكن لما بحثت في النت اكتشفت ان المعهد اصلا فرنسي والانجليزي جزء منه

قلت افاااا مررره ما يخارج حتى الموقع بالفرنسي واسم المعهد بالنفرنسي ( دي اليستر)

قلت لازم اروح واغير المعهد... ورجعت للمكتب تبع القبولات وحكيت له السالفه

قلي يمديك تغير المعهد من هنا بس اهم شي لا يكون طلعت الوزاره في الرياض واخذت خطاب السافره

قلت له لا والله باقي ما طلعت قلي اجل الموضوع سهل

لان الوزاره ما حددت معاهد معينه نجيب فيها قبولات ،،

قلي عندك معهد معين قلت ايوه وعطيته اسم المعهد وموقعه في تورنتو

قلي بس لازم تدفع رسوم( ٦٠٠ ريال) قلت ما يخالف..

وقلي يوم الاربعاء الي هو غدا اتصل عليه واشوف اذا وصل القبول او لا

سالته قلت له ما تعارض الوزاره قلي لا عايدي اهم شي تجيب قبول

لاننا في باقي في المراحل الاولى

اما لو طلعت الضمان المالي وخطاب السافاره وغيرت رايي ساعتها تصير صعبه

اما من الحين يمديك يعني على كلامه اننا لسه على بر مداك تغيره

فكلم انت المكتب الي كلفته الوزاره يجيب لك قبول وشوف

وهذا الي حصل مع اخوك واتمنى اني اكون افدتك وبالتوفيق

اسمحولى اقول شي
ان هالمكاتب حراااااااااامية

كان بامكانهم يتعبون نفسهم شوي وسألون كل واحد وين يبي يكون
بس لأن يهمهم الربح
جالسين يستلمون من الوزارة افلوس
ويجيبون قبولات في امكان ماتخطر على البال

عشان يتربحون من ورانا بعد
قال شنوو الوزارة ماحددت معاهد معينة
بس ادفع 600 عشان نجيب لك قبول مكان ايلي تبغي

ناس ماعندها دم

انا لسى ما اعرف وش المعهد اللي حطوني فية

بس في بالي معهد فكتوريا او BCIT

في موقع الوزارة
س9 / هل يمكن تغيير الجامعة أو معهد اللغة؟

ج/ لا يتم تغيير الجامعة أو معهد اللغة، و في حالة الضرورة القصوى يتم تقديم خطاب يشرح فيه أسباب التغيير و يعرض على لجنةٍ لدراسة الحالة و اتخاذ قرار بشأنه.


انا لما ارسلت لهم على الايميل
طلبو القبول و خطاب فية سبب مقنع عشان يصدر الضمان

شنو السبب اللي راح يقنعهم للتغير عشان نكتبة بالخطاب


ياريت احد مجرب يفيدنا

يعني الوزارة بتدفع لهم لية يخلونك تدفع 600

و اللي يبي يغير و ما يتوفر عندة المبلغ

من جد مشكلة مع ها المكاتب

مادرى المكاتب تجيب لكم قبول في معهد جامعة أو قبول في معهد تجاري ؟؟

الاغلب بمعاهد تجارية خاصة

أشوف أنك تمشى مع المكتب وتعطيهم الفلوس .. بشرط تحصل على فواتير

وبعد ما تحصل على ماتريد تخاطب الوزرة بالتعويض

والله أعلم

^

أكيد

ولكن يا أخوي مسئلة معاهد تجارية تراء أمرها سهل ولايحتاج لهذه المبالغ اصلاً ..

لو أنته تراسل بنفسك المعهد وتجيب لك قبول وصلى الله وبارك !!

الله المستعان