بيسافر كندا و ضايع وخايف لي ساعدني له اجر كبير

عزيزي كان بالود اني اقدر اخدمك في المعهد بس ما راح ينفع لانوا ممكن اشيك على برامجهم في النت وتكون مرة مميزة بس فعليا ممكن العيب يكون من المدرسين او النظام الداخلي واذا تبي تعرف هذا لازم تسال شخص مجرب المعهد في نفس مدينة هليفاكس وما عليك من الفروع الثانية اذا كانت سيئة او مميزة

طبعا نصيحة لكل اخواني الي راح يطلعوا عن طريق المكاتب انتبه من المعهد الي رايح تدرس فيه ولايغريك السعر . بعض المكاتب مادية وما يهما مصلحة الطالب هل استفاد او لا

ما عمري ارتحت للباكجات اللي تضمن لك كل شي .. تبي نصيحتي ترا العروض شكلها احلى من ما هي بالواقع .. لا تربط نفسك لمدة سنة بعائلة واحدة ترا العوائل صعبة تتأقلم معاهم كثيرين ما توفقوا بعوائل غير كذا المعهد نفس الكلام .تقدر تسجل في معهد اخر هنا. زبدة الكلام لا تدفع للمعهد من السعودية ترا المكاتب يصورون لك انه احسن لك وعشان ترتاح وووو يخوفونك وفي النهاية لهم عمولة توصل ل 15% من المبلغ اللي تدفعه وهذا اللي يخليهم يحاولون يقنعونك.

انتبه وانا اخوك. جب قبول وادفع رسوم الابلكيشن بس ولا تدفع رسوم المعهد. دبر لك عائلة لمدة شهر قابلة للتمديد. اذا جيت هنا راجع المعهد وهم راح يطالبونك بالمبلغ واذا جازت لك العائلة مدد او دور غيرها. هذا الموقع بيساعدك: Homestay Finder - Helping host families and international students to find each other

ونصيحة عشان ما تقع في الغلط اللي كثيرين طاحوا فيه من قبل، جب قبول 9 شهور او اكثر عشان تطلع لك فيزا الطالب لان 6 شهور او اقل راح تطلع لك فيزا سائح والملحقية ما تقبل فيزا السائح.
وكلنا موجودين للمساعدة

افااادوك الاخوان الله يعطيهم العافيه

انا راي من راي الساحر