[ استفسارات وتجارب الجميع للتأشيره .. فيد واستفيد ]

January 8th, 2010, 08:08 PM

السلام عليكم ورحمة الله وبركاته ..

كيفكم يا جماعه ان شاء الله تكونو بخير ..
عموما
انا حاب انو نخلى دا الموضوع لجميع استفسارات التأشيره
عشان ...
اولا: لا نزحم القسم .
ثانيا: في مواضيع اخرى زي الاستفسارات عن الجامعات والمدن وكذا بيضييع حقها .

فأتمنى اي احد عنده استفسار عن التأشيره يجي هنا ..
وإللى عندو تجربه برضو يحطها عشان غيرو يستفيد

ففي ناس بدأت اجرائات الفيزا .. من ضمنهم انا وملاك والمهندس رائد
ونار .. فياليت نساعد بعضنا ونساعد غيرنا ..

مواضيع مهمه بالنسبة للتأشيره

http://www.mbt3th.us/vb/forum108/thread83003.html

الابلكيشن في الموضوع متجدد يعني هوا الابلكيشن الجديد

http://www.mbt3th.us/vb/forum108/thread150164.html

صور المستندات ...

المستندات المهمه :
1)الابلكيشن .
2)صور الجواز . "صور من جوازك مرره كثير ! "
3)صورة لأخر مؤهل علمي "وثيقه وكشف درجات او شهاده "
4)الشيك المصدق .
5) 3 صور شخصيه حسب المواصفات الموضحه .
6) خطارب الوزاره لغض الفيزا .
7) الجواز الاصلى .
8) صورة القبول المصدق من المعهد .

والاهم انه لا يقبل اي مستند يحتوى على غير اللغه الانجليزيه او الفرنسيه
يعني اي شي بالعربي مرفوض !
مضمونه بالبطاقع الوطنيه

***

بالنسبة للإستفسارات المهمه

1)الشيك حاولو يكون من البنك الاهلى .. لانه سامبا البنك إللى يتعامل معاه عالمياً"سيتي بنك" اوقف معاملاته الماليه مع السفاره الكنديه فالبتالى الشيك ما ينصرف !
2)مكاتب ارسال الطلبات ارامكس وفيفا .. فيفا غالبا اغلى من ارامكس !
"اسعار ارامكس من جده
100 ريال : إرسال الابلكيشن والطلبات للسفاره الكنديه بالرياض .
125 ريال : استقبال الكشف الطبي .
100 ريال : ارسال الكشف الطبي والاشعه .
125 ريال : استقبال الجواز بالفيزا .
3)خطاب الضمان المالى لغرض الفيزا يتم استلامه من الوزاره في الرياض بحي الغدير ادارة البعثات ولها متطلبات
أ)تعبئة نمودج ويحتوي على اسم الطالب والدوله ورقم الطلب ورقم الترشيح واسم المعهد
ب)صورة من الصفحه الاولى من الجواز .
ج)صورة من قبول المعهد "الاصل يبقى عندك و الصورة طبق الاصل ترسلها مع الفيزا وصوره عاديه تسلمها الوزاره"
4) بعد ارسال الطلبات للسفاره .. توصلك رساله من السفاره عن حالة طلبك .. بعدين اسبوع من ارسال الطلب "9 ايام بالنسبه لي " يوصلك الكشف الطبي لفرع ارامكس في مدينتك ..
5) الكشف الطبي بالنسبة لجده في عيادتين
أ) د/عبدالرحمن عداس في عمارة نوره بشارع فلسطين .. الاشعه والتحاليل الطبيه والإرسال كلها في نفس العماره وتكلف 700 ريال كاش .. "متضمنه 100 ريال حقت ارسالية ارامكس"
ب)عيادة الدكتوره ناديه .. ما عندي علم عن التكاليف او اي شي فيها ..
6)بعد الكشف الطبي يقولك الدكتور ما بين اسبوع لخمسه اسابيع وانتظر الفيزا ان شاء الله لو كل شي تمام .

طبعاً هاذي بإختصار الخطوات او إللى بيحصل ..
بالنسبة الإجرائات المرافقين .. فأكيد الشعب هنا ما بيقصرو ..
سواء المهندس رائد او ملاك او نار .. او اي شخص خاض التجربه عشان يفيد الباقيين

وبالتوفيق يارب للجميع وان شاء الله كلكم تجيكم الفيزا هههه

• نشر عبر تويتر
• نشر عبر فيسبوك
• نشر عبر جوجل