الأعضاء الإشتراك و التسجيل

الملتقيات
ADs

شرح طريقة الحصول على الفيزا الامريكية من داخل كندا (فانكوفر)

شرح طريقة الحصول على الفيزا الامريكية من داخل كندا (فانكوفر)


NOTICE

تنبيه: هذا الموضوع قديم. تم طرحه قبل 5184 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية digital mind
    digital mind

    مبتعث مستجد Freshman Member

    digital mind كندا

    digital mind , أنثى. مبتعث مستجد Freshman Member. من كندا , مبتعث فى كندا , تخصصى كمبيوتر ساينس , بجامعة Concordia university
    • Concordia university
    • كمبيوتر ساينس
    • أنثى
    • Montreal, QC
    • كندا
    • Nov 2007
    المزيدl

    January 9th, 2010, 11:05 AM

    صباحكم / مساءكم سكر
    حبيت احط لكم شرح مفصل لاجراءات الحصول على الفيزا الامريكية من فانكوفر حسب تجربتي الشخصية للاستفادة

    اول شي طبعا التقديم كان على فيزا سياحية لي ولاخويا وطريقة التقديم من هذا الموقع
    https://ceac.state.gov/genniv/.

    الصفحة حتنقلك لبداية تعبئة الابلكيشن رقم DS-160
    تعبي الابلكيشن كامل مباشرة على النت حتلاقي زي التبويبات في الجنب لازم تنتهي منها كلها وتعبيها طبعا بالبيانات المطلوبة
    وكمان لازم ترفع صورة لك واضحة وبمواصفات معينة تقدر تختبر جودتها برضه في نفس قسم الابلكيشن قبل ماتعتمدها

    بعد ماتنتهي تعمل سب مت للابلكيشن وحتجيك صفحة الكونفورميشن فيها صورتك وفي كمان رمز بار كود وهذي الصفحة مهمة اطبعها وللاحتياط اضغط على طلب ارسالها عالايميل عشان تقدر تطبعها تاني بعد كدة لو احتجت

    وبرضه اذا عملت سب مت خلاص معد تقدر تعدل في البيانات اللي ادخلتها

    طيب لهنا انتهينا من الخطوة الاولى

    الخطوة الثانية هي حجز موعد للمقابلة الشخصية في القنصلية الامريكية في فانكوفر
    وهذي برضه تصير عن طريق الانترنت من الموقع التالي
    http://www.nvars.com
    حتنزل اسفل الصفحة وتضغط على زر كنتنيو وحيطلبك رقم الباسبورت تبعك واترك مربع الرفرنس فاضي واعمل لوق ان هو حيعطيك رقم ريفرنس هو اللي تسجل دخول بيه بعد كدة

    طبعا بنفس الطريقة حتكون في بيانات شخصية لازم تعبيها زي الاسم والعنوان وكدة
    وبعد كدة تنتقل لخطوة حجز الموعد تختار من الكلندر اليوم اللي يناسبك وتشوف المواعيد الفاضية وتحجز
    الموعد طبعا حيكون عليه رسوم وفي طرق دفع مختلفة بس انا اشوف الافضل بالكريدت كارد
    رسوم الموعد مهي غالية اعتقد في حدود 10 دولار (ماني متأكدة تماما من المبلغ)

    لكن بعد كدة حيعطيك في نفس الصفحة ملف بي دي اف فيه مستندات خاصة ببنك scotiabank وهي ثلاث صفحات متشابهة بس عليك تطبعها وتكتب اسمك بالانجليزي والتاريخ اللي حتدفع فيه الرسوم (لو مو عارف فين بالضبط مو مشكلة اتركها فاضية والبنك راح يقولولك فين تكتب) وتاخدها على البنك (scotiabank) وتقلهم ابغى اسدد رسوم الفيزا الامريكية هي في حدود 131 دولار امريكي للشخص الواحد.
    ولما تسدد في البنك ،، راح يختمولك على الثلاث صفحات ويحتفظ البنك بوحدة ويعطيك نسختين مختومة
    طبعا لاتنسى (ثلاث نسخ لكل شخص)

    طيب نجي للخطوة ماقبل الاخيرة والاهم اللي هي المقابلة الشخصية

    تحتاج تجيب معاك للمقابلة الاشياء التالية:
    (الاشياء الاساسية) :
    1. ورقة الموعد
    2. ورقة الكونفرميشن اللي عليها صورتك والباركود
    3. نسختين دفع الرسوم اللي مختومة من البنك
    4. جواز سفرك الاصلي
    5. اي اثباتات لافراد العائلة (لو كنت متزوج وعندك اطفال)

    (الاشياء الفرعية اللي ممكن تكون مفيدة) :
    1. قبول معهد او جامعة
    2. كشف حساب بنكي في كندا
    3. اي شي يثبت انك مبتعث (في حال انك مبتعث)

    مكان المقابلة حيكون في القنصلية الامريكية في شارع ويست بندر اللي متقاطع مع براد حتلاقي مبنى كبير له مدخلين مدخل بالرقم 1075 ومدخل بالرقم 1095 ،، انت تتوجه للمدخل 1075 حتلاقي حاطين اشارات بالمواعيد اوقف في اللاين عند موعد ... لكن قبل كدا حاجة جدا مهمة >>> اتورطت انا فيها ..

    اغراضك الشخصية (شنطتك وجوالك واي اغراض الكترونية) مو مسموح تدخل بيها ،، وماعندهم اي مكان للامانات (انت دبر عمرك) فالافضل تترك اغراضك في بيتك وتجيب بس مستنداتك ومحفظتك.

    اول ما تدخل راح تتفتش تفتيش دقيق وتمر طبعا في الجهاز وبعد كدة تطلع للدور العلوي وحتلاقي موظف الاستقبال يتأكد بس انو اوراقك الاساسية كاملة بعد كدة تدخل لغرفة فيها زي الريسبشن برضه في اولها راح يدققوا في الاوراق ولو شافو انو الصورة اللي انت رافعها شكلها قديم ممكن يطلبو منك تخرج تروح تتصور وترجع تاني ( في محل تصوير قريب قبال ستار بكس اظن محل لوتس اوفيس شي زي البقالة) بس الافضل جيب معاك صورة حديثة احتياط (مايطلبو غير صورة وحدة) وحيعطوك رقم وتقعد تستنى في الكراسي .

    في شاشة معلقة في الجدر تتابعها لحد مايجي رقمك حتروح لنفس رقم الكونتر اللي مكتوب في الشاشة عشان ياخدو بصماتك ويسلموك اوراقك وجواز سفرك وترجع تنتظر في المقاعد لحد ما يجي احد ينادي بالارقام (ياخدو مجموعات تقريبا 10 اشخاص كل مرة)

    حياخدوك للدور الـ 20 حتنتظر كمان هناك لحد مايجي رقمك وتروح للكاونتر وحيبدأو يسألوك اسئلة اعتيادية (طبعا لو انت مع عيلتك حتكون المقابلة لك ولعيلتك مع بعض في نفس الوقت مع نفس الشخص يعني انا واخويا كنا مع بعض)
    خليك واثق ولا ترتبك ،، الاسئلة حتكون في مضمون الاعتيادي ( هل زرت امريكا قبل كدة - ليش رايح - تعرف احد هناك - كم حتقعد - انت طالب في كندا - فين بتدرس .... وطبعا ممكن يسألوك اشياء متعلقة بالمعلومات اللي كتبتها في الابلكيشن)

    الخطوة الاخيرة ، حيسألوك هل تبغى تجي بنفسك تستلم جواز سفرك ولا تبغي يترسل لك عن طريق الفديكس ، فلو حتستلمه بنفسك حيدوك زي التكت ويقولولك انتظر اتصال مننا خلال ( كم يوم ) وتعال استلم الجواز مع الفيزا (في حال وافقوا عالفيزا)، ولو كنت تبغى يترسل جوازك عن طريق الفديكس لازم تدفع رسوم الارسالية (وانتبه مايقبلو غير كاش دولارات امريكية او بالكرديت كارد)


    وبس هذي كل القصة ،،
    حبيت افيدكم بتجربتي لأني بجد حست وكان عندي نقص معلومات عن هدي التفاصيل وصارتلي حكاوي معاهم لكن الحمد لله عدت على خير
  2. اخوي يعطيك العافية على الموضوع
    ودي اسال كم مقاس الصور الا طالبينها
    وشي ثاني هل تختلف الاجراءات عن التقديم للفيزة الدراسية
    اخيرا انا راح تكون معاي زوجتي هل اكتب في الابلكيشن وبعدين احجز موعد لنا الاثنين او كيف ممكن توضخ الطريقة

    الله يستر عليك ويعطيك العافية
    7 "
  3. ]الله يعطيك الف عاافيه على المعلوومه لان انا فعلن عندي زيااره لي امريكااا بس ما كنت عاارف وش الطريقه ووفي النفس الوقت قااالو انك لازم ترجع للبلدك وتطلب تاشيره سيااحيه وكلام كثير بس ريحتني وضحتلي الصووره ومشكووور ومقصرت
    7 "
  4. اخوي that's me
    بالنسبة لمقاس الصورة اللي قدمتها لهم كانت 5*5
    واعتقد الاجراءات تختلف عن الفيزا الدراسية طبعا الابلكيشن حيكون مختلف
    وفي شي يسموه الاي توني I-20 هذا لازم يكون عندك قبل ماتروح المقابلة
    ما اقدر افيدك بالتفاصيل في الفيزا الدراسية لكن اعتقد ممكن تحصل معلومات مفيدة في الملتقى الامريكي

    بالنسبة لزوجتك هي تعتبر من العيلة ، لكن اعتقد برضه لازم تعبيلها ابلكيشن بس تذكر في الابلكيشن انها معاك وهي زوجتك
    (حتلاقي في خانات مخصصة لكدة في نفس الابلكيشن)
    ولازم تحجز موعد لك وموعد لها ،، تقدر تحجز موعدين في نفس الوقت (المقصد انك تدفع رسوم مقابلة شخصين) لكن في النهاية حتكون مقابلتكم مع بعض في نفس الوقت
    7 "
  5. المشاركة الأصلية كتبت بواسطة digital mind

    (الاشياء الفرعية اللي ممكن تكون مفيدة) :

    1. قبول معهد او جامعة
    2. كشف حساب بنكي في كندا
    3. اي شي يثبت انك مبتعث (في حال انك مبتعث)


    عفوا على السؤال,
    بخصوص كشف الحساب الكندي
    هل في حد ادني للمبلغ الموجود في الحساب؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.