افضل معهد للدراسه في كندا عموما بلييييييز ساعدوني بطلع في الصيف

عن نفسي وحسب معرفتي بالمدينه اللي انا فيها واتمنى الاخوان الباقي يساعدوك باللي يعفوه
معهد لندن لانجوج بمدينة لندن اونتاريو يعتبر من افضل المعاهد للبرامج الصيفيه خصوصا بعد التغيرات اللي حصلت السنه الاخيره نتيجه الطفره اللي حصولها من ميزانية المبتعثين
الاسباب
المعهد يعلمك سبيكنج ورايتنج
يسوي انشطه كثيره
يجوه طلاب اجانب بالصيف كثير من اوروبا وامريكا اللاتينيه
رسومه ما يقارب 800 دولار بالشهر والعايله 700 دولار مع الوجبات بالشهر ويعتبر مبلغ معقول
المدينه تعتبر رخيصه في تكاليف الحياه ومعظم سكانها كنديين وعددهم يتجاوز ال350 الف
تعتبر عاشر اكبر مدينه بكندا
تتوفر بها جميع احتياجاتك ماعدا ديزني لاند بس وقريبه من تورنتو ونياجرا فولز
فيه عدد لاباس به من السعوديين والحمدلله قلوبهم عبعض
اعيد واكرر علشان محد يفهم انه دعايه للمعهد المعهد جيد جدا خصوصا لطلاب الصيف
لو بغيت مساعده بقبول هالمعهد بس. لاني مالي خلفيه بالقبولات
راسلني عالخاص وابشر
وتقدر تقدم بنفسك عن طريق الرابط
Welcome to London Language Institute
الرابط جاهز عبرنامج الصيف
بالتوفيق اخي الكريم

يعطيك الف عافيه اخوي Eng معلوماتك وافيه والله يخليك بس حبيت اسال عن عدد الطلاب السعوديين في المعهد نفسه وكيف نظامهم في التدريس لاني ابغى نظام مكثف جداا وكم ساعه في الاسبوع لاني الصراحه ودي ارسي على شي وان شاء الله اذ1 احتجت شي راح اراسلك ع الخاص واقولها مره ثانيه يعطيك الف عافيه

انا رايحه فانكوفر ورحتها من قبل درست في ILAC كان جيد نوعا ما بس مانصحك فيه

حاليا الكل يمدح لي BCIT وناويه اروحه لانه مكثف وحق امور جامعه يشد عليك والمستوى الواحد مدته شهر واسبوع

باقي الامور ماعرف عنها اعذرني

وترا الطب انجليزيته تختلف لان كله مصطلحات طبيه ماتاخذها بالمعاهد بس بعضهم احيانا بعطوك كورسات

بس هم يقوا لغتك من ناحيه كلام و فهم وكتابه اذا كان معهد قوي مثل البي سي اي تي

بس الطب راح تظل تحتاج المترجم حقك عشان مصطلحاته بس بيكون اسهل المذاكره لك

GOOD LUCK

امممممم اكيد لو كان عندي معلومات من عنوني بس والله زي زيك

ان شاء الله الاخوان ماراح يقصرووو

يعطيك الف عافيه اختي صدى انا عارف هذ1 الكلام اللي قلتيه عن الطب عارفه بس لاهم عندي اللغه بحد ذاتها لانها الحين هي كل شي
طيب المعهد هذ1 BCIT في اي مدينه

اذا المهم اللغه

تبي لغه تتكلم فيها روح اي معهد تجاري

تبي لغه جامعيه وتفيدك ببحوثك

تروح لمعهد تابع لجامعه

وبي سي اي تي موجود في مدينه فانكوفر

اختي صدى فانكوفر حلوه وجامعاتها قويه بس المشكله السعوديين فيها زي النمل وبعدين غاليه وبردددد وبعدين المدينه سيااحيه بحت اكثر من انها دراسيه والله احس اني بنسى شي اسمه دراسه وبروح للجانب الترفيهي لان مخي ما راح يكون صافي وذ1 الفله والوناسه عند الباب
اعرف انك راح تقولي الواحد على حسب مقصده من السفر هل هو دراسه راح يمشي اذا لعب ما راح يتعلم اعرف الشي هذ1 بس كونك تكون في مدينه او قريه صغيره ما فيها الا جامعه وحاجات اساسيه احلى وفي الويكند تطلع لاقرب مدينه قريبه للفله وهذ1 الصراحه اللي قاعد احووس ادور على هالمدن الصغيره لانو راح يكون طوول الاسبوع مخك صافي للدراسه
وهذي هي فكرتي ونظريتي عن هذ1 الموضوع
وبالتوفـــــــــــــق للجميع
تحيــــــــــــــــــاتي
frank ford

انا رحتها قبل وعادي ماكنت اطلع الا بالويك انك بس اذا اختلطت بالسعوديين هناك اي كل يوم بيجروك بطلعه واصلا المعهد الي عطيتك اياه حسب الي سمعته يكرفوك كرف برزينتيشن تحضره وهوموورك كثير فغصب ترجع البيت عشان تخلصهم
وبعد ماتخلصهم عادي لو طلعت لان لما تطلع تتعلم اللغه بس خلك طالع مع اجانب

واذا تحب شوف كالجري مثلا مدينه بسيطه وحق جو دراسه بس ماعرف بمعاهدها بس جامعه كالجري عندها معهد لغه بس ماعرف عن قوته بس كون الجامعه قويه ماتوقع معهدها يختلف عنها

حوالي 12 طالب فقط
المعهد برنامج الصيف حقه مختلف وما يكون فيه سعودين وانشطه كثيره فرصه لك انك تتدرب
بالتوفيق