الأعضاء الإشتراك و التسجيل

الملتقيات
ADs

استفسارات القادمين الى كندا وخاصة تورنتو

استفسارات القادمين الى كندا وخاصة تورنتو


NOTICE

تنبيه: هذا الموضوع قديم. تم طرحه قبل 5151 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Arj
    Arj

    مبتعث مميز Characteristical Member

    Arj كندا

    Arj , أنثى. مبتعث مميز Characteristical Member. من السعودية , مبتعث فى كندا , تخصصى Information System Security , بجامعة Concordia University
    • Concordia University
    • Information System Security
    • أنثى
    • مونتريال, كوبيك
    • السعودية
    • Apr 2009
    المزيدl

    February 20th, 2010, 09:47 AM

    السلام عليكم ورحمة الله وبركاته

    كيفكم

    عندي مجموعة استفسارات وعارفة انكم ماتقصرون

    س1 / وزن العفش دحين المفروض كم يكون معاية شنطة وشنطة المرافق حتكون من ضمن العفش مووو؟؟؟
    لانه بصراحة حكاية الوزن ماني فاهمتها!!!!
    س2 /بالنسبة للموبايل في شركة fdo بس لما اجي تورنتو ان شاء الله وين اروح عشان اطلع الخط؟؟؟
    وكمان هل ينفع اجيب جوالي N70 هل حيشتغل معاي بكندا؟؟ والشريجة حق السعودية هل حتشتغل؟؟؟

    س3 / أدوات الطبخ بصراحة مالي نفس اشيل معاية عفش من السعودية !!! يعني ايش هي الاسواق اللي تبيع مسلتزمات ادوات المطبخ وباي شارع ؟؟
    س4 / كمان ابغى الاسواق اللي تبيع الشراشف والبطانيات باي شارع ؟؟؟
    س5 /هل في تفتيش على برامج اللاب توب؟؟
    س6 /كم مفروض يكون معاي مبلغ 10000 تكفي ؟؟ وهل اخليها بالبنك يعني امشي بالكارد ولا اجيب معاي شوي كاش؟؟؟ واحولها الى دولار ؟؟؟
    س7/كمان لما افتح ملف واروح للبنك عشان الشيك الملغى ايش اقولهم ماني عارفة ؟؟؟ واية بنك تشوفونه ممتاز؟؟
    س8 / ايش افضل ادور على سكن بالنت ولا عن طريق السماسرة ؟؟ولا عن طرق مكتب؟؟
    واذا جا على بالي سؤال بسئلكم
    ومرسي كتير
  2. حأجاوب باللي عارف جوابه
    ج1/ كل شخص ممكن يشيل شنطتين والوزن يختلف من خطوط لأخرى في خطوط 20ك وفي خطوط 30ك
    ج5/نعم فيه تفتيش بس أحيانا ما يفتشو لكن الوضع الرسمي والطبيعي أنو يكون في تفتيش *إنتي وحظك*
    ج6/على حسب ما أعرف أنو المبلغ مناسب بس لازم يكون معاكي شوية كاش مش كلو يكون بالبطاقه* بالذات لو انك توك مسافره من السعوديه لكندا* بعدين داخل كندا ممكن تمشي بالبطاقه*
    ج7/قوليلهم أنك تبغي *void* شيك يعني *شيك ملغي*
    ج8/والله أنا عن نفسي كلمت المكتب
    النت بعضهم يطلعو نصابين *أنتبهي منهم*
    هدا اللي عرفتو
    7 "
  3. المشاركة الأصلية كتبت بواسطة Arj
    السلام عليكم ورحمة الله وبركاته
    وعليكم السلام ورحمة الله وبركاته
    كيفكم
    يارب لك الحمد,,حياك الله في تورنتو الجميلة

    عندي مجموعة استفسارات وعارفة انكم ماتقصرون
    تحت امرك انا ليا خمسة ايام بس في تورنتو لكن حأجاوبك عن تجربتي

    س1 / وزن العفش دحين المفروض كم يكون معاية شنطة وشنطة المرافق حتكون من ضمن العفش مووو؟؟؟
    لانه بصراحة حكاية الوزن ماني فاهمتها!!!!
    يكون معاكي شنطتين الشنطة الوحدة تكون 23 كيلو
    ومرافقك نفس الشي شنطتين الوحده تكون 23 كيلو

    س2 /بالنسبة للموبايل في شركة fdo بس لما اجي تورنتو ان شاء الله وين اروح عشان اطلع الخط؟؟؟
    طول ماانتي ماشية حتلاقي محلات بيع الشرائح روجرز وفايدو وبيل لاتشيلي همها
    وكمان هل ينفع اجيب جوالي N70 هل حيشتغل معاي بكندا؟؟ والشريجة حق السعودية هل حتشتغل؟؟؟
    بالنسبة للجوال ان 70 مو متأكده لكن انا جوالي سوني اريكسون مايشتغل وبابا وماما نوكيا كمان مايشتغل فأشترينا من هنا
    س3 / أدوات الطبخ بصراحة مالي نفس اشيل معاية عفش من السعودية !!! يعني ايش هي الاسواق اللي تبيع مسلتزمات ادوات المطبخ وباي شارع ؟؟
    في محل في اليونغ ستريت يبيع ادوات المطبخ وفي كمان كنيديان تراي حتلاقيه في اليونغ ستريت كمان ودنداس
    س4 / كمان ابغى الاسواق اللي تبيع الشراشف والبطانيات باي شارع ؟؟؟
    في سوق ايتون سنتر
    س5 /هل في تفتيش على برامج اللاب توب؟؟
    انا مافتشو لاب توبي ولا شفتهم فتشو اي لاب توب لكن انتي وحظك
    س6 /كم مفروض يكون معاي مبلغ 10000 تكفي ؟؟ وهل اخليها بالبنك يعني امشي بالكارد ولا اجيب معاي شوي كاش؟؟؟ واحولها الى دولار ؟؟؟
    نصيحة ماتجيبي معاكي ولا ريال سعودي والله اتبهدلنا الين صرفنا الريالات هنا دولارات وخسرنا فيها اصرفيها من السعودبة بيعطوكي سعر معقول جداً
    س7/كمان لما افتح ملف واروح للبنك عشان الشيك الملغى ايش اقولهم ماني عارفة ؟؟؟ واية بنك تشوفونه ممتاز؟؟
    قبل ماتفتحي الملف تفتحي حساب في البنك اسم الشيك الملغي Void Cheque
    انا فتحت حساب في cibc الملحقية قالولي عليه

    س8 / ايش افضل ادور على سكن بالنت ولا عن طريق السماسرة ؟؟ولا عن طرق مكتب؟؟
    حكاية السكن حكاية مااعرف ايش الافضل لكن انا اخدت عن طريق مكتب
    واذا جا على بالي سؤال بسئلكم
    ومرسي كتير

    في شي مره حبيت انبهكم عليها الشقق في تورنتو ياخدو اول شهر ايجار شهرين للاول والاخير يعني حطي في بالك يكون معاكي مبلغ يكفي
    وكمان التكاسي مره غالية لكن مضطرين ايش نبغى نعمل
    والريالات أأكد عليكي ماتجيبيها ابداً

    واي سؤال اقدر اجاوبك عليه انا تحت امرك

    ان شاء الله توصلي بألف سلامة تورنتو مدينة جميلة جداً ومريحة
    7 "
  4. المشاركة الأصلية كتبت بواسطة 7OS 7OS
    حأجاوب باللي عارف جوابه
    ج1/ كل شخص ممكن يشيل شنطتين والوزن يختلف من خطوط لأخرى في خطوط 20ك وفي خطوط 30ك
    ج5/نعم فيه تفتيش بس أحيانا ما يفتشو لكن الوضع الرسمي والطبيعي أنو يكون في تفتيش *إنتي وحظك*
    ج6/على حسب ما أعرف أنو المبلغ مناسب بس لازم يكون معاكي شوية كاش مش كلو يكون بالبطاقه* بالذات لو انك توك مسافره من السعوديه لكندا* بعدين داخل كندا ممكن تمشي بالبطاقه*
    ج7/قوليلهم أنك تبغي *void* شيك يعني *شيك ملغي*
    ج8/والله أنا عن نفسي كلمت المكتب النت بعضهم يطلعو نصابين *أنتبهي منهم*
    هدا اللي عرفتو
    ممكن تقولي ايش هو المكتب والله يجزيك بكل خير
    7 "
  5. [QUOTE=ebtehal;1697442]
    في شي مره حبيت انبهكم عليها الشقق في تورنتو ياخدو اول شهر ايجار شهرين للاول والاخير يعني حطي في بالك يكون معاكي مبلغ يكفي
    وكمان التكاسي مره غالية لكن مضطرين ايش نبغى نعمل
    والريالات أأكد عليكي ماتجيبيها ابداً

    واي سؤال اقدر اجاوبك عليه انا تحت امرك

    ان شاء الله توصلي بألف سلامة تورنتو مدينة جميلة جداً ومريحة[/QUO

    طيب ممكن تقوليلي ايش هو المكتب؟؟؟

    وايش هي المحلات في السعودية اللي تحول الى دولار وين موقعها بالضبط في جدة
    وتسلمي

    والله يعطيكم العافية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.