مساعدة تكفوووون ياناس علموني والله اني مدري عن شي

تقدر تروح سياحه وتاخذ كورس لغه لأن فيزا السياحه مدتها 6 شهور

الشي الثاني الجو متقلب هلايومين بارد حار شمس غيوم بس خلاص الجو راح يصير معتدل عما قريب

وربي يوفقك

وش متطلبات فيزة الزيارة والمعهد

تقدر اخوي تدرس بفيزا السياحه..
والفيزا السياحيه لازم يكون في حسابك 50 الف عشان تقدم على الفيزا...
الله يوفقك اخوي

يعطيكم العافيه اخواني Fido Dido و دلع الكون

ماحد عبرنا الا انتو

طيب تنصحوني اضبط اموري عن طريق مكتب سياحي اخليه هو يسويلي كل شي(معهد وسكن )

ولا اضبط نفسي من نفسي <<<<احسها صعبه

لاني بطلع على حسابي ويقولون المكاتب تاخذ اكثر من المستحق

والشباب الي راحوا عن طريق مكاتب وش رايهم ؟؟؟

والله يجزاكم الجنه افيدوني ولا ارفعوا الموضوع

لاتروحين لمكتب
السالفة وما فيها قدمي ع الفيزا
والباقي سهل امره عندك اخوانك هنا ما يقصرون يجيبون لك قبول

تقدر تروح على فيزه سااائح ..

و الفيزا لا بغيت تسويها ، روح مكتب ارامكس ، حق البريد اللي ينقل لك و مدري ايش ..

ما يحتاج تروح لمكاتب و ياخذون عليك فلوس ..

مكتب اراامكس تروح له و تقول له انا ابي اطلع كندا سياحه ..

او ابي ادرس ٣ شهور ..

المهم هو يعطيك اوراق تعبيها "بالانجليزي طبعا" تاخذها و تعبيها ، او تشوف لك واحد يعبيها لك اذا ماتعرف انجليزي ..

و الاوراق ذي تعلمك كل المتطلبات منك ..

كمل اوراقك و عطها الارامكس .. و خلاص

و الله يوفقك ..

للمعلومية أرامكس ما يعطيك أوراق فيزا هو بس يرسلها
اللي عليك تدخل موقع السفارة الكندية وتحمل الطلب وتعبيه وتطبعه
على إنك سائح
وترفق قبول المعهد النهائي بعد ما تدفع الفلوس
أنا أنصحك لو ما تعرف معهد معين تروح لمكتب حتى لو ياخذ أكثر مما يستحق بس بيفيدك كثييير ولو تعرف معهد معين تقدر تسجل عن طريق النت من غير مكتب
وترفق قبولك النهائي في المعهد مع طلب الفيزا وترسله عن طريق أرامكس وكل أمورك إن شا الله تماااااااام
بالتوفيق يا رب وأي سؤال أنا حاضر

الله يعطيكم العافيه

انا الحين نزلت الابلكيشن حق الفيزا يبيلي قبول من معهد
طيب انا لسى ما اخترت مدينه اصلا
وش المدن الي تنصحوني فيها

أخي العزيز
إذا طلعت الفيزا وجابولك الأخوان قبول للمعهد
ماسألت نفسك طيب لما أوصل كندا وين أروح ولا وين أسكن ولاكيف حأوصل للمعهد ولا مين حيستقبلني بالمطار
لو بتسكن بفندق قيمة اليومين تساوي قيمة الشهر بالعائلة
أخي العزيز
أنصحك ترتب أمورك كلها من السعودية وقبل ماتطلع مو كل المكاتب نصابه فيهم الجيد وفيهم التعبان
وعلى فكرة تبي تعرف أنه المكتب نصب عليك ولا لأ لما تاخذ سعر البرنامج أدخل على موقع المعهد وقارن الأسعار مع سعر المكتب
المكتب الجيد حتلاقي سعره نفس سعر المعهد
لأنه المكاتب تاخذ عمولتها من المعاهد مو من الطالب
يعني لو راسلت معهد ودفعتله حتدفع نفس السعر إلي بتدفعه للمكتب
طيب طالما السعر واحد ما أدفع للمكتب وأخليه يرتبلي أموري كلها وأتفاهم معاهم بكل الشروط إلي أبيها
هذا رقم مكتب جيد والمعاهد المتعاقد معاها قويه ومو نفس المعاهد الموجوده عند المكاتب الكبيره مثل العمودي والطيار
0567878070
بالتوفيق