الأعضاء الإشتراك و التسجيل

الملتقيات
ADs

استفسار أسئلة قبل السفر

استفسار أسئلة قبل السفر


NOTICE

تنبيه: هذا الموضوع قديم. تم طرحه قبل 5129 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Danieel
    Danieel

    مبتعث جديد New Member

    Danieel كندا

    Danieel , أنثى. مبتعث جديد New Member. من كندا , مبتعث فى كندا , تخصصى محاسبة , بجامعة ؟؟؟؟
    • ؟؟؟؟
    • محاسبة
    • أنثى
    • فانكوفر, فانكوفر
    • كندا
    • Mar 2010
    المزيدl

    March 14th, 2010, 10:02 PM

    السلام عليكم ورحمة الله وبركاته..
    أنا والحمد لله خلصت كل أوراقي وباقي كم يوم على السفر, بس عندي كم سؤال أتمى أحد يفيدني:
    1-بالنسبة لورق "التعهدات" للمبتعث+المرافق ,المفروض إنو نطبعو ونعبيه ونرجع نسويله scan عشان نقدر نرسله لمن نوصل,المشكلة إني مني عارفة كيف أعبيه مع إنو البيانات مرة بسيطة أغلبها تواريخ وتواقيع...بس حسيت الكلام فيها ملخبط شوي..فلو أحد يعرف الطريقة ياريت يفيدني
    2-أنا أبغى أجيب قبول للجامعة عن طريق "مكتب" بس أنا مسافرة بعد كم يوم وما دورت على مكاتب حتى أتعامل معها, فأبغى أعرف إزا ممكن ألاقي مكاتب تجيب القبول في كندا, ولو أحد يعرف اسم مكتب كويس يا ريت يديني رقمو أو إيميلو..
    3-إيش الأوراق المطلوبه مني لفتح حساب في البنك في كندا؟؟وإيش هوا أحسن بنك ممكن أتعامل معاه؟؟وهل لازم إني أفتح حساب ليا و حساب تاني لمرافقي عشان تنزل المكافئات منفصلة ولا بس المبتعث يفتح حساب وكل المكافئات تنزل فيه ؟؟
    معلش مرة أسئله كتيرة بس مضطرة السفر قريب , وأتمنى إنها تكون واضحة ومفهومة
  2. السلام عليكم ورحمة الله وبركاته..

    أنا والحمد لله خلصت كل أوراقي وباقي كم يوم على السفر, بس عندي كم سؤال أتمى أحد يفيدني:

    1-بالنسبة لورق "التعهدات" للمبتعث+المرافق ,المفروض إنو نطبعو ونعبيه ونرجع نسويله scan عشان نقدر نرسله لمن نوصل,المشكلة إني مني عارفة كيف أعبيه مع إنو البيانات مرة بسيطة أغلبها تواريخ وتواقيع...بس حسيت الكلام فيها ملخبط شوي..فلو أحد يعرف الطريقة ياريت يفيدني
    مني عارف فين المشكلة إلي بتواجهيها.. كل إلي عليكي إنك تطبعي الأوراف وتعبيها وتسويها سكان وترسليها على الملحقية.. على ما أذكر أوراق التعهدات كل إلي تحتاجه تواقيع عند كل تعهد وينكتب الإسم في الأسفل..

    2-أنا أبغى أجيب قبول للجامعة عن طريق "مكتب" بس أنا مسافرة بعد كم يوم وما دورت على مكاتب حتى أتعامل معها, فأبغى أعرف إزا ممكن ألاقي مكاتب تجيب القبول في كندا, ولو أحد يعرف اسم مكتب كويس يا ريت يديني رقمو أو إيميلو..
    الحصول على القبول من داخل كندا أسهل من الحصول عليه من خارجها.. وأنصحك أختي إنك تقدمي على الجامعات بنفسك.. لأن المكتب ما بيكون أحرص منك على القبول.. فممكن ياخد أوراقك ويركنها وبعد فترة يقلك والله ما قدرنا نحصل لك على قبول.. وكل إلي يقدر عليه المكتب تقدري تسويه بنفسك.. فمن رأيي إنك تقدمي بنفسك على الجامهة..

    3-إيش الأوراق المطلوبه مني لفتح حساب في البنك في كندا؟؟وإيش هوا أحسن بنك ممكن أتعامل معاه؟؟وهل لازم إني أفتح حساب ليا و حساب تاني لمرافقي عشان تنزل المكافئات منفصلة ولا بس المبتعث يفتح حساب وكل المكافئات تنزل فيه ؟؟
    - من ناحية الأوراق فتحتاجي ورقة القبول في المعهد عشان تثبتي إنك طالبة وجواز السفر والستدي بيرمت.. ما أذكر أختاجوا أكثر من كذا..
    - موضوع أحسن بنك ما أقدر أقلك البنك ذا أحسن من ذا.. أنا متعامل مع بنك الـ TD والحمد لله ما عندي مشاكل معاه.. لكن من المهم إن البنك إلي تتعاملي معاه تكون له فروع منتشرة في المدينة إلي إنت ساكنة فيها.. لأنه هنا بكندا لو سحبت كاش من صراف بنك غير البنك إلي متعاملة مهاه حياخذوا عمولة على كل سحبة..
    - بالنسبة للحسابات ممكن كل واحد منكم يفتح حساب وممكن تربطوا الحسابين في بعضهم.. لكن الكافئة تنزل وحده لكم إنتو الإثنين فبإمكانك ترسلي للملحقية رقم الحساب إلي تحبوا تنزل المكافأة فيه..


    معلش مرة أسئله كتيرة بس مضطرة السفر قريب , وأتمنى إنها تكون واضحة ومفهومة
    إن شاء الله تكون الصورة واضحة.. الله يوفقكم وتوصلوا بالسلامة..
    7 "
  3. 1-بالنسبة للتعهدات,في خانات مني عارفة إيش أكتب فيها:
    الورقة الأولى:في الورقة من فوق مكتوب"الرقم" "المرفقات" , إيش أكتب فيهم؟؟ولا دول الخانات مو المفروض أنا أعبيهم؟؟
    الورقة الثالثة:في نهاية الورقة مكتوب"تصادق على توقيع المذكور" وتحتها حاطين أرقام 1-2 , ما فهمت يعني فين أوقع بالزبط؟؟؟؟
    2-بالنسبة لقبول الجامعة,الكل نصحني إني أقدم بنفسي,بس المشكلة إني طالبة ماجستير,ومن كتر ما سمعت إن القبولات صعبة في كندا, قلت إني الأضمن إني أجيب القبول عن طريق مكتب, وأنا رح أجرب الطريقتين, يعني رح أقدم بنفسي وأستعين بمكتب,يعني رح أجرب كل الطرق ,فياريت لو تعرف مكتب سمعته كويسة أو أحد جرب مكتب كويس من داخل كندا يديني اسمو..
    3-وبالنسبة لسؤال البنك شكرا ما قصرت,وضحت الصورة والله يجزيك كل خير..
    7 "
  4. المشاركة الأصلية كتبت بواسطة Danieel
    1-بالنسبة للتعهدات,في خانات مني عارفة إيش أكتب فيها:
    الورقة الأولى:في الورقة من فوق مكتوب"الرقم" "المرفقات" , إيش أكتب فيهم؟؟ولا دول الخانات مو المفروض أنا أعبيهم؟؟
    الورقة الثالثة:في نهاية الورقة مكتوب"تصادق على توقيع المذكور" وتحتها حاطين أرقام 1-2 , ما فهمت يعني فين أوقع بالزبط؟؟؟؟
    2-بالنسبة لقبول الجامعة,الكل نصحني إني أقدم بنفسي,بس المشكلة إني طالبة ماجستير,ومن كتر ما سمعت إن القبولات صعبة في كندا, قلت إني الأضمن إني أجيب القبول عن طريق مكتب, وأنا رح أجرب الطريقتين, يعني رح أقدم بنفسي وأستعين بمكتب,يعني رح أجرب كل الطرق ,فياريت لو تعرف مكتب سمعته كويسة أو أحد جرب مكتب كويس من داخل كندا يديني اسمو..
    3-وبالنسبة لسؤال البنك شكرا ما قصرت,وضحت الصورة والله يجزيك كل خير..
    الرقم والمرفقات ما تكتبي فيهم شي..

    موضوع التوقيع.. وقعي في أي مكان.. لا تدققي مرة.. أصلا الورقة وتنسيقها لك عليه.. بس مشي حالك.. لأنهم ما بيلغوا عليك البعثة عشانك وقعتي في مكان غلط في ورقة التعهدات.. الشغلة شغلة روتين لا أكثر ولا أقل..

    بالنسبة للتقديم.. تري المكتب كل إلي حيسويه إنه يعبي الأبليكيشن حق التقديم على الجامعة ويرسله مع الأوراق.. وينتظر فترة وبعدها بيقلك والله ماجاك قبول.. طبعا بعد ما يكون لهف فلوسك.. فنصيحتي لك أختي إنك ما تتعاملي مع المكاتب.. خاصة موضوع قبول الماجستير.. لو كان بكالوريوس أقلك ممكن.. لكن ماجستير يكاد يكون مستحيل.. ممكن ترسلي أوراقك للملحقية وهم عندهم قسم يجيب قبولات أحسن من ألف مكتب.. وخاصة إن عندهم اتفاقيات مع بعض الجامعات..

    الله يوفقك..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.