فتح ملف طلب الحاق + ورقة مباشرة في المعهد = ؟؟؟

مطلوب الملحقيه شهادة الثانويه ما يقل معدل عن 80
وان تكون دارس على حسابك الخاص 3 اشهر وكشف لدرجات والحضور والقياب وتكون الشهاده بالغه الانجليزيه مختومه من وزرة التعليم طبق الاصل
بالتوفيق

الله يعطيك العافيه على الرد , لكن حبيت اوضح لك ,انا انتهيت من البكالوريوس وبأقدم على ماجستير تسويق على نظام طلب الحاق , فهل يشترطون في فتح ملف طلب الحاق اني احضر ورقة حضور ( مباشرة ) في المعهد؟؟

نعم يا عزيزي الحين الملحقية انواع الطلبات من اول ما كانوا يطلبون ورقة المباشرة
والحين صاروا يطلبون خلهم يعقلون ها الوراعين حقين البكالوريوس ما خرب سمعة السعوديين الا هم
كل يوم طالعين لنا بمصيبة وحنا الضحية

السلام عليكم
صباح الخير على الجميع
أخوي هانوو يعني إلحين ماخرب سمعة السعوديين إلا طلاب البكالوريوس
يعني مافي ولا أسباب ثانيه خربت سمعة السعوديه إلا طلاب البكالوريوس اللي يدرسون برى !!!
ياخي في ناس كبار و متزوجين وعندهم عيال ويدرسون بكالوريوس في خارج المملكه يعني هاذولا وراعين؟؟ وبيخربون سمعة السعوديه
يعني ماله داعي تقول طلاب البكالوريوس الوراعين لأنك كذا تخطي بحقهم كلهم ولو انت طالب بكالوريوس ماراح ترضى انه ينقال عنك كذا


تقبل مروري
وشاكر لك

ما نبغى ندخل بالعميق وانا اخوي شغال بالملحقية ويعلمني بكل شي
و70% من المشاكل من طلاب البكالوريوس وانا ما قصدت الكبار والكبير معروف
انا اقصد الوراعين ابو 17 وابو 18 الي يمشي ويسكر بالشوارع وانواع المصايب وتقولي لا تكلم عليهم
الا بتكلم وبأخذ راحتي لو انك شغال موظف بالملحقية وتشوف المصايب ما تلومني والله
والناس الي تسافر وما تتصل على الملحقية ورب الجلالة انه اغلب الي يسويها طلاب البكالوريوس
انا ما اتكلم من فراغ انا اتكلم وناس تسوي الاشياء قدامي بالمعهد وكلهم بكالوريوس
خلهم يدقون خشومهم عشان الواحد يمشي صح
والناس الي تغيب وما تدرس انا اعرف شخص تصدق من رمضان الي راح ما درس بس جالس
سبب تشدد الملحقية على الطلاب هو السبب الرئيسي المبزرة الله يهديهم بس

الاخ هانو تعميمك فيه اجحاف كبير جدا بحق طلاب البكالوريوس مو كلهم طايشين فيهم الصالح وفيهم الطالح وحتى الكبار فيهم قل عقل بس ما نعمم ونخص فئة معينة والصغار عموما يقلدوا الكبار وكل واحد مسؤول عن نفسه ويمثل نفسه فقط ما ذبحنا غير الوصاية.

يعطيكم العافيه على الردود , ومثل ما ذكروا الاخوان مو كل طلاب البكالوريوس طايشين , فيهم الصالح اللي يشرف بلده , وفيهم الطالح اللي ما ينفع في شيء.
عموما هذا موضوع طويل
لكن الان خلصنا بالنتيجه ان الملحقية سواء كنت طالب بكالوريوس او ماجستير وتدرس على حسابك , ما تفتح ملف طلب إلحاق الا بعد استكمل 3 اشهر من دراسة اللغة في المعهد وتجيب تقرير يثيبت حضورك في المعهد تلك الفتره , طبعا مع باقي الشروط ...

يعطيكم العافية , وشكرا على مروركم

اخوي hanooo2009 عمر العمر ماكان مقياس للآخلاق والتربية

شيء طبيعي ان فيه نسبة كبير من صغار السن خربانين لانك مثل منت عارف يمرون بفترة مراهقه

وفترة المراهقه يزيد فيها فضول الشاب بحيث انه يعشق تجربت كل ماهو جديد


على العموم الله يصلح الجميع

وانا غيرنا مسار الموضوع وياليت اللي عندها جواب يجاوب على اخونا ابو سالم