استفسار سؤال بخصوص الصرف من سعودي الى كندي من الرياض...؟ضروري

هذي ردودي ببعض مواضيع الاستفسار عن الصرف من سعودي لكندي

1- اخوي
أنا صار لي بكندا كم يوم بس
وبنصحك نصيحة أخت لأخوها
الدولار سعره فووووووق
صرفت لي بالبطحا مبلغ بسيط كان وقتها الدولار 3.78..والحمد لله لقينا واحد عطانا اياه 3.75 بدون رسوم تحويل
قلت بصرف نص مصروفي بكندا..لحتى ينزل شوي وبعدها اصرف النص الثاني لانزل سعره
وصرفتها نصه!
قبل ماامشي بيومين في محلات الصرافة في الخبر سألت محل كان سعره 3.80
قلت مررررررررررة غالي..خل نشوف المطار..
طلعنا المطار كانت الدولارات الكندية عندهم مخلصة!!
قلنا نتوكل على الله ونصرف في الامارات
ويوم طلعنا دبي ..لقينا محلين صرافة كل واحد يقول الزود عندي الدولار عندهم 3.9 يعني تقريباً 4 ريال!
لأنهم يحولوا من الريال السعودي الى درهم إماراتي ومن الاماراتي الى كندي!

وندمت وقتها قلت ياليت صرفته كامل بالبطحا ..

موفق يخوي وهذي نصيحة لوجه الله..اجرها تدعي لي وبالتوفيق



2- نصيحتي الشخصية ابعد عن البنوك واذهب على محلات الصرافة المرخصة في البطحا..ولاتصرف من أول محل..خذ لك فرة عالمحلات..وشوف ازين سعر يناسبك..

لمعلومية البنوك رح تاخذ عملة تحويل
أما محلات الصرافة بعدد ماعندك من ريال رح يحولون لك

خذ في بالك نقطة..

إذا كنت بتسكن بشقة..فتحتاج مبلغ مختلف عن اللي بيسكن في هوم ستي..

الشقة بتحتاج دفع أول وآخر شهر بالعقد بالاضافة إلى الاثاث..
5000 دولار ويادوب تكفي للشقة والاثاث

لو فيه سؤال ..اسأل بدون تردد
بالتوفيق

3- نصيحة لاتشيل معك مبلغ بالريال سعودي أبد!
ترى كنت احسب الصرافة 3.80 غالية..قلنا بنصرف من الصرافات اللي بالمطار..وطلع ماعندهم دولارات كندية!!
توكلنا على الله وقلنا بنصرف من دبي..وطلع عندهم الصرف 3.9 يعني تقريبا 4 ريال..
لأنهم يحولوا من الريال للدرهم الاماراتي..ومن الدرهم إلى دولار كندي..بس صرفنا لأننا كنا محتاجين صرف..

كندا لاتصرف فيها نهائيا..10.000 ريال عندهم 1900 دولار كندي وشي..

نصيحة أخيرة..
قبل لاتروح محلات ..اعرف سعر الصرف..واسأل كذا محل بعدين قرر حسب احسن سعر

وبالتوفيق أخوي

بعد إذن صاحب الموضوعين.. تم إدراجهم لكي تستفيد..
http://www.mbt3th.us/vb/forum107/thr...ml#post1817865
http://www.mbt3th.us/vb/forum107/thr...ml#post1803204

أخي الكريم jodah

لاتتردد بأي سؤال وبالتوفيق

بالنسبة لسؤالك عن الكاش والماستر كارد..
يخوي..ماشاء الله لاقوة إلا بالله.. خلصت اشغالي كلها بدون لافيزا ولاماستر كارد..

صرفت دراهمي كاش...وحملتهم معي..بشنطة سفر صغيرة..حاملتها معي..
لما وصلنا كندا نبي عربة..العربة تدفع عليها دراهم..عطيتها كاش ومشت أموري الحمد لله

وصلت لكندا.. كم يوم..وفتحت حساب واودعتهم.. حتى احس بأمان

وتقدر تفتح حساب بنفس اليوم اللي تاصل فيه حتى

بالتوفيق

عندي سؤال غبي .. بس شسوي ماعرف جوابه


الحين لما اروح محلات حواله بالرياض ابي احول من سعودي الى كندي
انتو تقولو مر على اكثر من واحد وخذ احسن سعر

طيب اذا واحد قالي 3.80 هل هو احسن واصرف عنده والا الي يقولي 3.75

روح للي يقول لك 3.75

عندك مثلاً 5000 ريال سعودي
على سعر 3.75 رح يعطيك تقريبا..1333 دولار
أما سعر 3.80 ----تقريبا----1315 دولار

الفرق 18 دولار

حاجة مهمة..

بعض محلات الصرافة تفضل تزيد المبلغ عن الملبغ اللي تدفعه حتى يكون كامل بدون كسور..

مثال:
سعر صرف 3.75

لو عندك 11 الف ريال بيطلع لك 2933.33 دولار
فيقولك زيد عليها 250 ريال ..حتى اعطيك 3000 كاملة ( والكامل سبحانه)

يعني للاحتياط احمل معاك كم مية ريال زيادة عن المبلغ اللي تبي تصرفه

اي سؤال لاتترددوا
وبالتوفيق

اختي اشكرك من كل قلبي الله يوفقك ان شالله ويسهل دربك ودربي

انا ان شالله ابي اسكن بهوم استي هل تكفيني 6000 على بال ماتنزل المكافئات.......؟

موفقه اختي...اخجلتيني بتواضعك..شكرا لك..

قبل كم يوم أهلي محولين لي فلوس.. كان سعر الصرف وقتها 3.88

لو حسبنا 6000 ريال..تقريبا تطلع عندك 1546 دولار كندي..( لو حسبناها على سعر 3.88)

وترى البطحا..فيها كذا محل..
فيه محل ذهب..وملصق علي قزاز محلهم.. صور عملات مطبوعة..هذولي يصرفون ..
وتعاملنا معهم وبصراحة لقيناهم احسن سعر..
بس تأكد من الدولارات بشكل عام لما تاخذها ماتكون مشقوقة أو مشخبط عليها
أنا عن نفسي..الدولارات اللي اخذتها منهم مشت أموري تمام ولله الحمد.. وماكان فيها اي مشاكل
بس قوله كل الدولارات فئة 100 دولار..وخذ لك مية دولار مقسمة على نوط ابو 10 و5 و20 ..

متى رح توصل لكندا..شوف التاريخ بالهجري ..متى بالضبط..

نصيحة لوجه الله..لو كنت تاكل جبن عادي..
لف لك كم كاسة بملابسك..هنا بتحتار اول كم يوم..
وتوفر فلوسك شوي..لحد ماتنزل لك مستحقاتك المالية من يوم وصولك..ليوم 20 بالشهر..

عن تكفيك أو لا..يعتمد على صرفيتك الشخصية

اي سؤال لاتتردد

الله يسعدك اختي على تجاوبك السريع....

كويس معلومات ممتازه واذا على الجبنه مافي مشكله امشي حالي شهر قدام خخخخخخخخخخخخخخخخ

طيب اختي سؤال اخير ومعليش على الاطاله...

انا رحلتي يوم الاثنين الموافق 26 ابريل على طيران لوفتهانزا حجزي اوكيه ان شالله هل ادق واكد الاحجز ولا هو اكيد لاني قريت بموقع الطيار انه قبل الرحله 72 ساعه دق واكد الاحجز هل صارت معك السالفه هذي........؟

واشكرك من كل قلبي...

دربك خضرا ان شالله

السلام عليكم ورحمة الله وبركاته
اختي انا ان شاء الله رحلت اليوم الفجر بسالك عن المبلغ انا اخذت معاي دولار امريكي لاني ماحصلت كندي وصرفت لي 800 دولار
لاني حجزت السكن ودفعت له من السعودية
عامل العربة كم اعطيه اقل فئة عندي عشرين دولار