مبتعث مستجد Freshman Member
كندا
جرح بملامح انسان , ذكر. مبتعث مستجد Freshman Member. من السعودية
, مبتعث فى كندا
, تخصصى الادارة
, بجامعة في الانتظار
- في الانتظار
- الادارة
- ذكر
- فانكوفر, بريتش كولومبيا
- السعودية
- Jan 2010
المزيدl May 8th, 2010, 02:10 PM
اخواني واخواتي . . جميع اعضاء منتدى مبتعث
السلام عليكم
اتمنى ان اجد منكم اذناً صاغية كالعادة ونخوة غير مسبوقة. ادخل في الموضوع على طول انا حكايتي بسيطة وهي انني موظف مدني حاصل على دبلوم من معهد الادارة العامة وفي ليلة غبراء في شتاء قارس >كثر منها< نادى منادي من خلف الاسوار للوالد لماذا بنتكم المصونة (اللي هي اختي طبعاً لأننا من نفس الاب والام) لا تقدم على الابتعاث بما انها ماشاء الله خريجة بكالوريوس ومعدلها كويس، في غمضة اقتنع الوالد وقدمت البنت وانا فارس بني خيبان ما قصرت كملت لها كل شي من تصديق الشهادات والجوازات وتدقيق الاوراق من الوزارة وانقبلت الحمد لله واخذت الدورة الالزامية وجانا القبول للمعهد انا واياها وقدمنا على الفيزا وجات في وقت قياسي ما شاء الله وطلعنا قرار الابتعاث وأمر الاركاب والتذاكر ما بقي غير السفر وما باقي إلا شهر عليه.
المشكلة ان الوالد صرح تصريح رسمي شديد اللهجة ان اختي ما تدرس في الخارج إلا على جثته >بعيد الشر< حاولنا نقنعه لكن اصر ورفض المناقشة بالعربي عيا، اشتدت المناحة من جميع الاطراف وتكالبت على الوالد الفزعات من شتى أنحاء المعمورة من الوالدة والخوال والعمام.
للأسف المتضرر الوحيد هو أنا حيث أنني قدمت استقالة من العمل وتهيأت للسفر ولكنني صعقت .. وذهلت .. وصدمت من هول الكارثة، ليس لدي أي حل ضاع الحلم وتبخر الامل وحل الضيف الثقيل (الهم). ارجوكم ابي شوركم ايش السواة ايش ممكن اسوي؟ هل فيه حل اني انا ادرس؟
هل فيه حل مع الوزارة؟ هل فيه بصيص أمل اني التحق بالدراسة؟
الرجاء من الجميع المشاركة لعل الفرج يأتي
اووووووووووووووووما ليه يبو تستقيل
والله مالك الا تكلم الشايب ولا زوجوه ترا الزواج بيحل العقده وقل اني ماقلتها !!!!!!!!!
وخوذوا الامور بسياسه ولاتدخلون احد من برا عشان ماتكبر السالفه ترى الكلام المعسول ينفع واذا عيى مررررررره صل صلاة استخاره واستخير ربك هذا اللي اقدر افيدك فيه لاني مبنشر في ثالث للخين ثانوي وشوكرن ................................
اخر سنه May 8th, 2010, 03:07 PM
7 " عليكم السلام ورحمه الله
اولا اسآل الله العلي العظيم ان ييسر لك ولاختك اموركم ويسهل لكم الخيره في امركم
بالنسبه للوضع من ناحيه الوزاره ماتقدر تطلع من دون اختك ابد
لان هي المبتعثه وهي اللي الوزاره مسؤوله عنها انت مجرد مرافق
طبعا بعد ماتروحون دوله الابتعاث تقدر تنظم انت وتصير مبتعث بس ماعرف الشروط وكيف الوضع بالضبط
نجي لابوووك الحين
اشوووف انك انت تتكلم معاه بينك وبينه بهدووء
حاول تقنعه قوووله يابووي انا استقلت والحين ماقدر ارجع الشغل وانت كذا بتضيع مستقبلي انا
وقووله اناا اخوها معها بنتبه لها وووو من هالكلام اللي تحسسه انه انت ابوها بعد وبتهتم فيها
وانه الوضع بيكون مؤقت بس لحد ماانت تنظم للبعثه وترجع اختك وانت تكمل دراسه >>> طبعا هالكلام بس تقنع فيه ابوك لاتسويها في اختك من جد !!!
ومثل ماقال اخوي اخر سنه استخير واستخير واستخير وان شالله ربي يكتب لك الخيره
Nada23 May 8th, 2010, 03:54 PM
7 " اقنع ابوك بك كلمه هو مادام وافق اول مره وبعدين رفض ان شاء الله يرجع لقراره الاول وشوف ايش سبب الرفض @بالتوفيق للجميع
الكلاسيكي May 8th, 2010, 05:21 PM
7 " اسأل الله العلي العظيم انه يفرررج همك ويسهل لك الخيييييير من حيث لا تحتسسسسسسسب
اتمنى لك ولاختك التوفيق
دعواتك لي
د حـ ـمـ g g g ن May 8th, 2010, 05:45 PM
7 " اسال الله ان يوفقكم ويتمم موضوعك على خير
saas2002 May 8th, 2010, 10:13 PM
7 " الله يفرجها عليكم ويكتب لكم الخير حاول تخلي اختك هي تكلم ابوك بالعاده البنات اقرب لابوهم يعني اتوقع لو كلمته راح يحن ويخليكم تروحون وكثر الدق يفك اللحام وتقوله ليش ماعندك كلمه بالاول توافق لما خلصت ترفض اروح طبعا تقوله لابوك وافلقني اذا رحت ههههههههههههههه
بالتوفيق واذا مرة مرة قفلت حاول ترجع لعملك وتنتظر الابتعاث الجاي وقدم
مسرات May 9th, 2010, 12:17 AM
7 " الله يجبر قلبها
يابعد عيني هي
والله صعبه مسكينه
انتووو حاولوا وربك ييسر
وكل شئ خيره
لايضيق صدرك
وطمنا عليك
layale May 9th, 2010, 12:32 AM
7 "
May 8th, 2010, 02:10 PM
السلام عليكم
اتمنى ان اجد منكم اذناً صاغية كالعادة ونخوة غير مسبوقة. ادخل في الموضوع على طول انا حكايتي بسيطة وهي انني موظف مدني حاصل على دبلوم من معهد الادارة العامة وفي ليلة غبراء في شتاء قارس >كثر منها< نادى منادي من خلف الاسوار للوالد لماذا بنتكم المصونة (اللي هي اختي طبعاً لأننا من نفس الاب والام) لا تقدم على الابتعاث بما انها ماشاء الله خريجة بكالوريوس ومعدلها كويس، في غمضة اقتنع الوالد وقدمت البنت وانا فارس بني خيبان ما قصرت كملت لها كل شي من تصديق الشهادات والجوازات وتدقيق الاوراق من الوزارة وانقبلت الحمد لله واخذت الدورة الالزامية وجانا القبول للمعهد انا واياها وقدمنا على الفيزا وجات في وقت قياسي ما شاء الله وطلعنا قرار الابتعاث وأمر الاركاب والتذاكر ما بقي غير السفر وما باقي إلا شهر عليه.
المشكلة ان الوالد صرح تصريح رسمي شديد اللهجة ان اختي ما تدرس في الخارج إلا على جثته >بعيد الشر< حاولنا نقنعه لكن اصر ورفض المناقشة بالعربي عيا، اشتدت المناحة من جميع الاطراف وتكالبت على الوالد الفزعات من شتى أنحاء المعمورة من الوالدة والخوال والعمام.
للأسف المتضرر الوحيد هو أنا حيث أنني قدمت استقالة من العمل وتهيأت للسفر ولكنني صعقت .. وذهلت .. وصدمت من هول الكارثة، ليس لدي أي حل ضاع الحلم وتبخر الامل وحل الضيف الثقيل (الهم). ارجوكم ابي شوركم ايش السواة ايش ممكن اسوي؟ هل فيه حل اني انا ادرس؟
هل فيه حل مع الوزارة؟ هل فيه بصيص أمل اني التحق بالدراسة؟
الرجاء من الجميع المشاركة لعل الفرج يأتي