استفسار جامعة تطلب خبرة عمل؟؟

اقدر اقلك وبالفم المليان ان المكتب هذا الي تتعامل معه ما هو الا حرامي

وين الي يالحبيب انت مقدم على باكالوريوس و يقولونك لك الجامعه يطلبون شهادة خبره
ابووووو النصب الي زي كذا

اخوي الله يهديك و يهديهم حاول انك تسئل عن اي جامعه قبل ما تقدم عليها وراح تحصل مواضيع كثيره في المنتدى مثبته بأسم الجامعات وراح يفيدونك الناس الي مووجودين بالجامعه وش شروطهم

اما عاد شهادة خبره للباكالوريس والله قهروني وش ذا عالم ما تخاف من الله
اسمع راح قلهم يورونك الايميل الرسمي حق الجامعه الي يطلبون فيه شهادة خبرة عمل وفي حالة تهربهم او قولهم لك ان الطلب هذا كان عن طريق التلفون فتأكد ان الي يكلمك انسان (نصاب) خذ فلوسك منهم لو ما رضيوا بالطيبخذها بقوة النظام

انا ياصاحبي طالب ماجستير ادارة اعمال ولا قد عمري سمعت ان في جامعه تطلب من شخص يحمل شهادة الثنوي خبرة عمل علشان يقدر يدرس ادارة اعمال لمرحلة الباكالوريوس

وعلى فكره ترى قبولات ادارة الاعمال ما تاخذ هذا الوقت كله وخاصه في حالتك

انا مشيك على الجامعة واناخوك وباحث عنها بالمنتدى وصراحة كل شي قريته عنها كان ممتاز
ومعترفه من الوزارة وما فيها سعوديين كثير وفي مدينه حليوه ومب كبيرة اغلب الي كتب عنها مدحها
لكن شكله زي ما قلت انت اروح للمكتب واخليهم يوروني الايميل.. الله لا يوفقهم ان كانوا ينصبون
بس المشكله اذا طلع كلامهم صدق والجامعه طالبه خبرة عمل وش الحل؟

جزاك الله خير اخوي وشكرا على الرد

مستحييييييييييييييييل تطلب الجامعه خبرة عمل

تخيل انك تبي تقدم على جامعة الملك فهد عندنا بالسعوديه وانت دوبك متخرج من الثنويه قد سمعت مره في حياتك ان في جامعه تطلب خبرة عمل من خريج ثنويه؟؟ والله بالنسبه لي انا فما قد سمعت ولا اتوقع راح اسمع في المستقبل

بس الظاهر خويك الي بالمكتب قدم لك ماجستير او انه جديد ما يدري وين الله حاطه
ياصحابي مو اي كلام يطلع او يقوله لك شخص مثل هذول الي في المكاتب تصدقه
يعني الله بالعين ما شفناه بس بالعقل عرفناه وحنا لنا عقول نفكر فيها

طيب متى تخرجت من الثانوية اقصد عام كم
وكم جلست في الجامعة
اثبت لهم ايش سويت من يوم تخرجت من الثانوية
مهم بالنسبة لهم يعرفون كل شيء عشان يعطوك القبول

أؤيد كلام الأخ المتعنصر, لا يمكن لأي جامعة "مهما كانت" أن تطلب خبرة عملية للقبول في مرحلة البكالوريوس...

على كل الأحوال, هذا رابط لبكالوريوس إدارة الأعمال في جامعة ترنت ولا يوجد يا سيدي أي ذكر لخبرة عملية ضمن متطلبات القبول:
Trent University :: Business Administration

موفق انشالله...
أخوك يحيى

هاي الجامعه بذات السنه اغلب طلاب البكالريوس الوزاره جابت لهم قبول منها بدون مايكون عندهم خبره

والي جاب لنا كان مكتب تجسير طبعا ماروج له وجع راسنا وطفشنا بس يمكن انه يقدر يجيب لك وحاليا ماعنده زحمه المبتعثين زي قبل