تكفووووووون ساعدوني .. مالي الا الله ثم انتم ..

أخي الفاضل تقدر تطلع لمدينة هاليفاكس وتدخل جامعه سانت ماريز وتريح نفسك من كل وجع الراس تدخل معهد CLLC أو الا يست كوت او معهد الجامعه الخاص فيهم وتدخل الجامعه على طول بدون توفل ولا شي

تمنياتي لك بالتوفيق

يعطيك العافيه اخوي ..

لطلاب اللي يدرسوم بكاملوبس وش رايك بالمدينة والجامعه ..؟؟

غريب موضوعك ...

لان انا جاني قبول من جامعة تومسون ريفرز ...

والمعهد من قلوبل فليج ... طيب ..

بس ما قالولي ادفع حق سمستر ولا شيء ...ولا ذكروا ان لازم ادرس في المعهد

اللي تابع للجامعه ...

خليتيني في حيرة هل معقول المكتب نصب علي ..

امممم علما اني انتظر الفيزا الحين ...وانا شفت بعيوني القبول من المعهد ومن الجامعه

وفحصت حق الفيزا انا انتظر حاليا بس ...لازم اليوم اروح للمكتب واستفسر عن هالنقطة

وش السالفة !!!!

هارلي تكفى تاكد من هالناحية ... اما ان المكتب اللي اتعامل انا معاه كيف الحال ولا انك مكتبك فيه بلا واحد منهم غلطان بشي ..

وياليت لو تعطيني وش رد لك المكتب ..

اكيد ...باروح اتأكد ..لان انا مريح وجالس انتظر الفيزا ...


وموضوعك حيرني عدل ...اليوم في الليل بعد ما اطلع من العمل

مباشرة باروح المكتب ..وبتاكد من هالشيء وراح ارد عليك ...

لكن يا ويله لو المكتب اللي اتعامل معاه يلف بذيله ....

علما ان هذا المكتب اللي اتعامل معاه سمعته طيبه ..واعرف اصدقاء لي كثير راحوا

عن طريقه .....الله يستر ...ومثل ما قلت البلا يا عندي يا عندك ...

هلا اخوي مااارك ...


استفسرت لك عن الموضوع من المكتب اللي اتعامل معاه ..

المكتب اللي تتعامل معاه نصاب 100% ..

اولا الجامعة تعطي قبول مبدئي .فقط ...عشان تعطيك قبول نهائي لازم تدفع فلوس

هذا صحيح ..لكن انت كطالب على حسابه الخاص ..ما تحتاج القبول النهائي من الجامعه

اللي ما راح يتوفر الا بتأمين المبلغ ..بالعربي الفصيح الملحقيه ما تطالبك بقبول نهائي

من الجامعه ..تبي قبول مبدئي لان الوزراة تدري ان انت كطالب على حسابه الخاص

راح تدرس لغة في البداية سنة وبعدين بتحول على جامعه ..

متى يجيك القبول النهائي من الجامعه ؟

يجيك لما تلتحق بالبعثه واحنا معاك انشالله لما يتوفر الضمان المالي من الحكومة

انها راح تغطي جميع مصاريفك بالتالي يعطوك قبول نهائي وانتهت القصه ..

اتحدى طالب التحق بالبعثه على حسابه الخاص وراسل الملحقيه بقبول نهائي مستحيل

ثانيا مو صحيح الكلام ان لازم تدرس في معهد الجامعه ..صاحبي رحلته بعد اسبوع على كندا

وهو مبتعث من الدولة من السعودية مو مثل وضعنا .مربط الفرس مو هنا

الزبدة ان المعهد في جهة ..وهذه تومسون ريفرز من جهة ثانيه ...

اتمنى حبيبي افدتك ....والله يوفقك ويوفقني معاك ..وحاول تغير المكتب ..

تحياتي

اخوي هارلي إذا كان المكتب اللي تتعامل معاه في الرياض ياليت تدلني عليه
ولا دلوني على مكتب في الرياض يكون ثقه

اخوي هارلي اللي باللون الاحمر هو اللي كنت ادوره من زمان ...

يالغالي ان كنت شايل هم ان الملحقية مايعترفون بالقبوول المبدائي .. وقالي هالكلام المكتب قال تاكد من هالشي ...

ماشاء الله عليك وضحت لي كل شي .. الحمد لله اجل بتوكل على الله وبخلي المكتب يجيب لي القبول ..

الله يوفقك يالغالي .. ويسهل جميع امور ابتعاثك .. ريحتني الله يريحك ..

وان شاء الله نتقابل بالمعهد والجامعه ..