ربي يوفق كل من رح يساعدني : )

السلام عليكم اخواني

عليك السلام هلا اختي

شي مهم وضروري واشياء كثيره اجهلها واحتاج اعرفها
الحين انا توي خلصت ثانويه والحمدلله نسبتي حلوه ومعدلي بالقياس حلو والتحصيلي اختباري الثلوث
ويلا دعواتكم : )

ماشاء الله
الله يوفقك يارب

بما انَ انا ابي ادرس على حسابي في كندا اظن مايهم نسبتي صح ؟

الا النسبه تهم ياقلبي انتي متخرجه علمي ولا ادبي لأن لو جيتي تقدمين على جامعه هنا بيناظرون درجاتك بالمواد ونسبتك
موب هنا القضيه
القضيه انا جايبه معدل ورح ادرس على حسابي وربي حرام وغيري يجيب اقل مني ويلتحق بالإبتعاث
عشان هو رغبته طب وانا مابي طب =( وبنفس الوقت ابي بعثه !
يعني اكلف على اهلي وانا اقدر ادرس احسن التخصصات : (

اول شي اقدر التحـق بالبعث الطبيه وبعدين احول ؟ اعتقد مستحيل صح ؟
واذا كان فيه مجال ابي احد مجرب بنفسه ومتأكد يعني موب كلام بس كذآ

ترى كذا نظامهم يقتصرون ع التخصصات الطبيه بس اذا جيتي هنا عاد تغيرين تخصصك دامك ضمنتي الابتعاث
انا اسمع العيال يقولون كذا وشفت وحده من البنات البارح في رد من ردودها تقول عادي تقدرين تجين مبتعثه من السعوديه على اساس انك بتتخصصين طب بعدين اذا جيتي هنا وضمنتي وضعك غيري تخصصك

ثاني شي والأهم
لو بدرس على حسابي شلون الوضع ؟

الوضع من اي ناحيه تقصدين
انا عن نفسي لقيت لي جامعه وحددت لي تخصص
بس شلون الإجرائات الحين ؟

طيب الجامعه اللي لقيتيها هل هي من ضمن الجامعات المعترف فيها من الوزاره ولا لا تأكدي قبل ادخلي على موقعهم وشوفي
مثلا لو رحت كندا شلون يعرفون انا طالبه ادرس على حسابي
وكيف يضموني ويلحقوني بالبـعثه
وهل له وقت محدد ولاالإنضمام عشوائي وضربه حظ
وكم اقصى مده ممكن اجلس فيها وانا ادرس على حسابي

يعرفون انك طالبه اذا وصلتي هنا بالسلامه ان شاء الله
تقدمين اوراقك كلها على السفاره انك مواطنه سعوديه جايه تدرسين هنا
وهالاوراق يسويها لك المعهد اللي انتي فيه يعني تسجلين جوازك وكذا بالسفاره

بالنسبه للانضمام انا اول ماجيت قالو لازم تدرس 3 شهور على حسابك عشان نفتح لك ملف
بس الحمد لله جا امر الملك الله يطول بعمره ويجزاه خير وانضمينا كلنا وطبعا القرار كان يقول
جميع الطلاب اللي يدرسون على حسابهم الخاص ولهم اكثر من 3 شهور من معاهد وكليات ويدرسون على حسابهم
الخاص ومنتظمين بالدراسه لمدة 3 شهور ضموهم والحمد لله انضمينا
لكن 1 من العيال جاي معي ماشاء الله واسطته قويه انضم من اول شهر يعني ما مشت عليه الشروط حقت انك تدرس 3 شهور
وواحد ثاني جته بعد 7 شهور وواحد ثاني جته بعد 4 شهور عاد انتي وحظك ودايم ادعي بصلاتك والله بيوفقك ان شاء الله ^_^

اخاف اروح ويصكون باب الإنضمام خير شر وتضيع سنه من عمري من جد خااااايفه

ليش يصكونه باب هو هههههه لو بيصكونه كان ماشفتي مرحلة الابتعاث السادسه اللي بعد شهر مدري شهرين
وترى الملك قدمها 5 سنين يعني قدامك مستقبل تعالي ونتي مغمضه ولاتشيلين هم

وكندا الإنضمام فيها سهل ولاصعب مثل مانشوف في بريطانيا وبعض الدول؟

لا كندا سهل موب زي بريطانيا لأن بريطانيا قريبه من السعوديه والابتعاث على ماتوقع مسكر فيها والسبب تكدس السعوديين فيها
واول شي في دراسه المعهد واللغه محسوبه ؟
يعني اقدر اقدم على الإلتحاق بالبعثه وانا بس ادرس لغه ولسى ماخلصت المعهد ودخلت الجامعه

ايه هو النظام كذا اصلا تدرسين لغه وتقدمين واذا جتك البعثه يعطونك سنه تدرسين لغه ع حساب الدوله واذا خلصت السنه تقدرين تمددين 6 شهور
وتذاكر السـفر يقولون على حساب الوزاره حتى لو كنت تدرس على حسابك صحيح او لا ؟

لا ياقلبي سلامات من يقوله متى تكون على حساب الوزاره اذا كنتي مبتعثه من السعوديه يعني بتطلعين من السعوديه ومعك قرار ابتعاثك يصرفون لك تذكره بس انتي رايحه تدرسين ع حسابك فا لازم تقصين تكت على حسابك الله لا يهينك ^_^

ساعدوني بليز واشرحولي قد ماتقدرون من اول مااروح لين ماانضم
وياليت احد يكون مجرب ويشرح لي الي صار له

ابد هالكلام كله ماقلته لك الا من واقع تجربه

وانتي اذا بغيتي تستفسرين عن شي اكتبي اسئلتك فورقه وارسلي لي مسج وبجاوبك

والله يوفقك

ربي يوفق ويرزق الجنه كل من يساعدني يارب