ماهو اقل مبلغ مسموح نشيله في الطيارة لكندا بالدولار الكندي؟

اخوي بالنسبه لأكثر مبلغ اعتقد انو 20 الف دولار بس مو متأكد

ايوه في كل سحب مبلغ دولي يخصم رسوم السحب و فرق العمله من الريال إلى الدولار

انا عندي بطاقه ماستر كارد مسبقت الدفع هذي مو لازم تكون موظف
طريقتها تربطها بحسابك في البنك الاهلي وتشحنها عن طريق الأون لاين ( الموقع الألكتروني ) حق الأهلي طبعا تشحنها من حسابك الأساسي تودع فيه مبلغ وقدره..
بس انصحك لا تشحنها بمبلغ كبير لانها عن طريق الشبكه ( الشراء ) بدون رقم سري لكن بالصراف مثل اي بطاقه صراف رقم سري ( يعني اشحنها بمبلغ يكفيك اسبوعين وكل اسبوعين اشحنها من جديد )

وان شاء الله اني افدتك

المبلغ 10 الاف دولار فقط...

الفيزا تحتسب عليها رسوم فرق تغيير العملة وتقريبا خمسة ريال على كل 100 ريال ....

أنصحك ببطاقة الراجحي (( فيزا مسبقة الدفع )) انا سحبت منها من الصراف و لا خصمت علي أي مبلغ زيادة ؟؟

وأيضا تراك ماراح تحتاج الكاش في كندا كل شي إشتر بالبطاقة و ماشاء الله بطاقة الراجحي سلسة جدا جدا ماعمرها قالت لا أو تم رفض العمليه

وتجيك رسالة إذا صار فيه أي عملية على بطاقك

علما إن معي بطاقة الأهلي لكن بطاقة الراجحي أفضل بمرااااااحل

تحياتي لك

افضل شي انك الو ما توصل كندا تفتح حساب وتخلي الوالد اخوك اي احد تثق فيه يحول فلوسك من السعوديه على كندا لا عملة ارتفعت ولا نزلت عشان تعرف انت وش عليه

مشكور اخوي

انا سمعت انه على كل سحبه لي يخصمون 15 او 30 ريال تقريبا صح؟؟؟؟

جزاك الله خير اخوي

انا ما سمعت عن بطاقة الراجحي

فقط سمعت عن بطاقه الاهلي وسامبا لكن في البنك الاهلي قالتلي الموظفه راح تشحني البطاقه بالمبلغ اللي تبينه لكن نفس بطاقة الفيزا راح يخصمون عليك عند كل سحبه مبلغ معين!!!!

اما في سامبا ما جابتلي سيره انه المسبقة الدفع راح يخصمون من رصيدي عند كل سحبه شفتها بس تبيني اسوي البطاقه بأي طريقه مدري وش مصلحتها من كل كلامها ومحاولاتها في اقناعي اطلب الفيزا من عندهم؟؟؟؟ خلتني اشك انها مو كويسه هههههههههه


[QUOTE=احمدااا;2098115]افضل شي انك الو ما توصل كندا تفتح حساب وتخلي الوالد اخوك اي احد تثق فيه يحول فلوسك من السعوديه على كندا لا عملة ارتفعت ولا نزلت عشان تعرف انت وش عليه/QUOTE]

طيب يوم يحولي بكم التحويل من السعوديه لكندا؟؟؟؟؟؟؟؟ وهل يحول بالريال السعودي او بالدولار الكندي؟

ويوم افتح حساب في كندا ما راح يخصمون من رصيدي في كل سحبه من اي مكان غير بنكهم؟

(لا عملة ارتفعت ولا نزلت عشان تعرف انت وش عليه) اعذرني على جهلي لاكن ما فهمت هالكلام ممكن تشرحلي المقصود؟

وجزاكم الله خيـــــــــــر

مشكووووور اخوي

طيب البطاقه مسبقة الدفع من الاهلي ما فيها خصم عند كل سحبه لك في كندا؟

ويوم تشحن البطاقه عن طريق النت كل اسبوعين مافيها رسوم او مجانيه؟

معقووووله ما ينخصم منك شي!

طيب كيف فتحت حساب في الاهلي وانت طالب؟

قالتلي الموظفه لازم تكوني موظفه او عندك مبلغ فوق 200 الف ريال ؟؟؟؟ اعذرني علا هالسؤال لاكني ابي افهم هل الموظفه مو فاهمه شي ؟؟؟؟؟؟

وشكرا

اختي

انا استخدم بطاقة الراجحي مسبقة الدفع
واشحنها كل فترة عن طريق الاون لاين
واذا طفرت قلت لاحد من اخواني يحط بحسابي بالراجحي وانا احول المبلغ لحساب الفيزا

ياخذون على كل سحبة 18 ريال فقط
والمبلغ المسموح سحبه من اجهزة الصراف في كندا 400دولار كندي كحد اعلى
وتقدر تسحب اكثر من سحبة في نفس اليوم
وفيه اجهزة صراف تاخذ عموله تترواح ما بين دولار الى دولارين على كل سحبه

يعني المبلغ كله ما يتجاوز الثلاثين ريال او اقل على كل سحبة بمبلغ تقريبا بالريال 1500 ريال

وبالنسبة لسالفة تغير العملة
الدولار الكندي مو ثابت عند التحويل من او الى ريال سعودي
يعني اوقات يزيد واوقات ينقص
لكن تفاوت بسيط
يعني مثل
دولار كندي = 3,55 ريال
وفي اليوم الثاني يكون
دولار = 3,58

وما فيه تغيير كبير

لكن مبدئياً افضل لك الفيزا
وخصوصا مسبقة الدفع تشحنينها متى ما تبين عن طريق الاون لاين
واي سحبه او شراء يجيك رسالة على الجوال السعودي المسجل بحسابك عندهم

وما تطول في استخارجها
خلال يوم عمل واحد طلعتها
ومن نفس الفرع
مو زي الاهلي لازم تاخذ فترة اسبوع الى اسبوعين
والاهلي ياخذ عموله اكثر من عمولة الراجحي
اعتقد على كل الف ريال ياخذون مية ريال , بس مو متأكد لكن مبلغهم من جد جامد
وهي نفس البطاقة اللي بالراجحي كلها مسبقة الدفع

ما راح يعطونك بطاقة ائتمانية الا اذا انتي موظفة او عندك مبلغ كبير بحسابك وضمانات

لكن انتي اللي راح تطلبينها بطاقة مسبقة الدفع
رسومها السنوية 100 ريال
رسوم خدمة
ورسوم السحب النقدي من اجهزة الصراف مثل ما قلت لك
اما عمليات الشراء عبر الاجهزة او الانترنت هذي مجاناً وما عليها اي رسوم ابداً

وعمليات الشراء ما عليها اي رسوم ابداً
والحلو في كندا كل شئ بالفيزا او الماستر كارد
محلات , فنادق , كوفي شوب , سوبر ماركت , تاكسي , إلخ
كل شئ تلقين فيه يا فيزا يا ماستر كارد

واول ما تجين افتحي حساب في احد البنوك الكندية
ويعطونك بطاقة صراف بنفس الوقت
وبكذا ترتاحين باذن الله
الفيزا متى ما تبين تستخدميها , موجوده
وحسابك بالبنوك الكندية على مكافئة الملحقية ينزلك كل شهر وبكيفك اذا بتسحبين وتشترين كاش او تدفعين بالدبيت كارد اللي هي بطاقة الصراف
واذا سحبتي من صرافة غير صرافة بنكك راح ياخذون عليك رسوم رمزية , يعني مثلاً سحبتي 200 دولار راح ياخذون عليك تقريبا ربع دولار , وطبعاً تختلف الرسوم من بنك لبنك , واعتقد تقدرين تطلبين انك تاخذين بطاقة صراف وتسحبين فيها من اي صراف بدون رسوم بس ما اعرف كيف , لانها قالها لي واحد ومدري عن مدى مصداقيته


ميزة الفيزا انك هنا تحتاجين بعض الاحيان لاستخدام الفيزا على المواقع الالكترونية
فهي بتكون مهمه جدا خصوصا عند التقديم على الجامعات لانهم يطلبون مبلغ لفتح ملف للتقديم او شراء منتجات عبر المواقع الالكترونية

وفيه شئ مهم جدا

الفيزا في كندا تعتبر وثيقة رسمية

وكثير راح تحتاجين اثباتين للشخصية
واحد الجواز وهذا اثبات رسمي دولي
والثاني الفيزا , لانك اول ما حتجين ما راح يكون معاك اي اثبات كندي
وفي كندا تعتبر الفيزا او الماستر كارد وثيقة رسمية

لذلك شركات التليفونات والبنوك والشركات اللي تحتاجين تتعاملين معها , راح تطلب منك اثباتين شخصية
وهذي النقطة لا تنسينها لانها تفيدك

واي شئ اخر ما راح يقصرون الاخوان بالمنتدى

والله يوفقك وتجين بالسلامه وربي يسهل امرنا وامرك

الله يوفقك ويعطيك الف عافيه

وربي ما قصرت وجعلها ربي في موازين حسناتك هالخدمه المميزه

كلامك يريح البال

وانا بقلك اللي بنسويه ونقطه فهمتها لو صح او خطأ علمني لو سمحت

ومعليش ثقلت عليك

نفكر في بنك الراجحي لكن بصراحه وش تفضل انت او احد من الاخوان الراجحي او سامبا او الاهلي للبطاقه مسبقة الدفع لأننا بنمشي بكلامكم فأرجووووكم تختارون بدقه لأنه في اكثر من وحده وناس كثير في المنتدى احتمال كبير يمشون بكلامكم

وثاني شي انا فهمت انك تروح لبنك الراجحي وتطلب البطاقة مسبقة الدفع وتحط فيها مثلا 10 الاف ريال (مداخله الشحن بالريال صح؟ وكم افضل مبلغ نحطه في البطاقه؟ لأني حسيت من كلامكم انكم ما تحطون مبلغ كبير فيها وما اعرف السبب؟)

نرجع للكلام المهم

يوم اشحن البطاقه من السعوديه بهالمبلغ وابي اسحب فقط من صراف يبدأون بخصم مبلغ 30 ريال تقريبا على السحبه من الصراف صح؟

لكن لو اشتريت من اي مكان ببطاقي ما يخصمون ولا ريال ؟

هذا اللي فهمته يا ترا صح؟؟؟؟؟؟؟

ولو صح بسألكم ليش يوم رحت لسامبا قالتلي الموظفه الفيزا اللي بالشحن في كل سحبه ما راح ياخذون منك ولا ريال قلتلها كيف يكسب البنك قالت التعامل يصير بين البنك والمحل اللي اشتريتي منه ويكفي سامبا انهم ياخذون عموله من نفس المحل اما انا ما ياخذون مني ولا ريال صح كلامها ؟؟؟؟؟؟؟

اما موظفة البنك الاهلي قالتلي حتى الفيزا اللي بالشحن عند كل سحبه او اي شي اشتريه بيخصمون مبلغ معين؟؟؟؟؟

وربي احترت معاهم

كلامكم يطمن وهم يلخبطون الواحد

اش رايكم بكلام الموظفات في كل بنك ووين الصح؟

ولا تنسون تختارون لنا البنك والطريقه المناسبه؟

اسم البنك؟
فيزا عاديه ام فيزا بالشحن ام ماستر كارد؟
هل نترك كل هالسوالف ونروح بمبلغ معين نشيله معانا في الطياره ونفتح حساب في كندا وبعدها اهلنا يحولون لنا المبلغ؟؟؟؟ هالطريقه احسها بتفقدنا الاثبات الشخصي الثاني اللي هو الفيزا صح؟

طيب اخواني بطاقة التأمين الطبي للطالب ما تعتبر اثبات مع جواز السفر وبكذا تصير اثباتين عشان نمشي امورنا هناك ام الفيزا اثبات اقوى وبطاقة التأمين الطبي لا تعتبر اثبات؟ ارجو الاجابه بجواب شافي

وشكرا