استفسار بخصوص الاسعار في كندا

آبعدي عن المدن الكبيره ومصآريفك بتكون حلوه آن شآء الله ..

وخصوصآ فآنكوفر .. لآني سمعت آنهآ غآليه بشكل غريب ..

بخصوص الولآيآت .. آنآ آعرف جزيرة الأمير إدوآرد .. مرره رخيصه ومآفيهآ آمآكن كثيره للتنزه .. يعني حقت درآسه ..

لكن مآتنفع لبنت .. لأن كل اللى قد شفتهم هنآك شبآب .. ومآفيه الآ عآئلتين ..

هذي وجهة نظّري .. لآ آكثر ولآ آقل ..

وحآليآ آنآ بمدينة قريبه من تورونتو حلوه ومآفيهآ آمآكن كثيره للتنزه ..

بخصوص السكن .. آفضل الوآحد يبحث بنفسه على العآئله اللى يشوفهآ منآسبه لنفسه ..

وهذآ الموقع رآح يفيدك مره ..

Kijiji Toronto (GTA) Classifieds: Free Local Classified Ads for Toronto (GTA), Ontario

بس غيري آسم تورونتو لأسم المدينه اللى آنتي فيهآ وآبحثي بآلعوآئل اللى تشوفينهآ منآسبه لك .. آو الشقق آو الروميت ..

لآن بعض المكآتب تطّلبين منهم موآصفآت خآصه .. مثل الآطّفآل .. ومآينفذون الآ بعض الشروطّ فقطّ ..

آي آستفسآر آرحب فيه ..

والله يوفقك ..

الله يوفـقك أختــــــــــــــــي

شكرا لك اخي الكريم وما قصرت .... المشكلة اني كنت افكر اراسل جامعة بريتيش كولومبيا بس ترددت لمن شفت اسعار الشقق فيها مرررة غالية مثل ما قلت...

لحد الآن الوزارة ما قالت لنا وين بتفلتنا فيه .... يعني الله يستر خخخخخخخخخ ...يقول الواحد يقرى ويتفهم شوي عشان يكون مجهز الميزانية وكل شي ...والله المسهل

العيش مع العوائل تجربة اكيد بتكون شي .... بس المشكلة الواحد لازم يطمئن للعائلة اللي بيسكن معاها عشان الواحد رايح دراسة ويبغى يعيش في جو دراسة ...ان شاء الله اذا الله كتب ووفق

اشكرك اخي الكريم مرة اخرى ولا عدمناك

كل التوفيق ان شاء الله

تحياتي

اختك

والله مدري وش اقولك بصراحه بس هي على حسب الشخص ومصاريفه

وحطي ببالك حاجه كل ما ابتعدتي عن الدوان تاون من ناحيه السكن والطلعات كل ما تقل مصاريفك

صدقيني ممكن تحصلين سكن في الدوان تاون بدون اثاث ب 1700 دولار مثلن

وبرى الدوان تاون مسافة عشر دقايق بالقطار تحصلين مثلها او احسن ب 1300 ويمكن اقل

بغض النظر مدينه كبيره او صغيره انا ولله الحمد ساكن ب 500 وبالقطار مسافة 11 دقيقه لدوان تاون ومرتاااح وريح راسي

يعني هيا على حسب الشخص ما عليك من فانكوفر او مدينه كبيره او صغيره

خخخخ يعني من اسمك خيو انت عايش في فانكوفر ...والله انا ما احب الطلعات والروحات يعني الواحد يبغى يدرس ويريح باله ويحاول انه بقدر الامكان يسكن في مكان مريح وآمن وفي نفس الوقت يكون مناسب ماليا

الله يسهل ويكتب اللي فيه الخير ان شاء الله

تحياتي

اختك

هذا مجرد راي فقط

الطلعه مافي احد بيطلعك غصبن عنك انتي تتحكمي في نفسك عادي

ميزة فانكوفر انها حلوة كبلد وجوها ممتاز ونفس الوقت يا كثر البنات السعوديات الي فيها يعني تروحوا المعهد سوا وترجعوا سوا وكذه يعني في حاجات حلوة من هذي الناحيه

من ناحيه انها غاليه نعم غاليه بس انتي وتصريف امورك

مثلا لما تنزل المكافاه تروحي تقضي للبيت وتعبي الثلاجه كويس ويسير اكلك في البيت بدل المصاريف الي مالها داعي

ما راح اقول لك ان اكلك كلوا في البيت لا تطلعي مثلا وجبه خارج البيت مثلا كل يومين او ثلاثه تجيكي اوقات تضطري تاكلي برة البيت

السكن واختيارة لو اخترتي سكن مناسب وسعرة مناسب ما راح تتعبي كثير

يعني اشياء كثير تعتمد عليها الميزانيه

الجوال مصاريفك فيه كيف ماخذه عرض كويس ولا لا

الطلعات بس في الويك اند لانك اصلا مو فاضيه في الايام العاديه يادوب معهد وبيت تحلي واجباتك وعلومك وتذاكري

بس الشي الكويس انك تطلعي تغيري جو لو في الويك اند
والطلعات تعتمد عليكي كمان

في طلعات ببلااااااااااااااااااااااااااااااااااااااااش ما تدفعي ولا ربع سنت

تروحي مثلا بارك حديقه مرتبه تجلسي وتجتمعي مع صاحباتك هذي ببلاش ما فيها فلوس او يا دوب حق الطلعه شي بسيط اكلك وبس

مثلا سينما ما راح تدفعي فلوس كثير فيها يعني يادوب حق التذكرة وحق الفشار وبس كم راح تدفعي مليون ولا شي كلها على بعضها ما تجي ولا 20 دولار الطلعه كلها

منها غيرتي جو ومنها استفدتي لغه من الفلم مثلا ومنها اشياء كثير حلوة واهم شي تغيير الجو يعني تطلعي من جو الدراسه

بس هذي النصيحه

اما لما تكوي في مكان ممل والله الحياه مو كلها دراسه

بالتوفيق

والله انا اشوف المدن الكبيره كويسه للبنات لأنها راح تحصل بنات معها ..
لكن المدن الصغيره صعبه ..

والله انا رحت لـ مآنيتوبا شفتها ريفيه وحلوه وتعتبر رخيصه

وراح ادرس بجآمعه مآنيتوبا طبعآ اول شي المعهد

اممممم ااذا شفتها مااره ماعجبتني عادي اقددر احول اذا التحقت بالبعثة عشان المصاريف ..

بالتوفيق يارب..