الأعضاء الإشتراك و التسجيل

الملتقيات
ADs

أخواني أنتبهوا في (ترجمة شهادة الثانوية)

أخواني أنتبهوا في (ترجمة شهادة الثانوية)


NOTICE

تنبيه: هذا الموضوع قديم. تم طرحه قبل 4923 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية (7mod)
    (7mod)

    مبتعث مستجد Freshman Member

    (7mod) الولايات المتحدة الأمريكية

    (7mod) , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى موظف , بجامعة أن شاء الله
    • أن شاء الله
    • موظف
    • ذكر
    • كندا أو أمريكا إن شاء الله, الشرقية
    • السعودية
    • Jun 2010
    المزيدl

    October 6th, 2010, 05:06 PM

    السلام عليكم ورحمة الله وبركاتكم


    أخوكم حاليا من سكان الخبر بالمختصر:
    فكرت اني أدرس برا وعلى طول جا على بالي أني أترجم شهادتي في أي محل .. (شهادتي قديمة يعني مافيها ترجمة بالأنجليزي ) ورحت لمحل عادي وترجمتها وترجمت اوراقي وحسن السيرة والسلوك.

    المهم بعدها قلت بطلع بدل فاقد يعني ابي شهادة أصلية .. رحت للأدارة التربية والتعليم (الأختبارات والقبول) قالو لي انت متخرج من ثانوية في الرياض .. لازم تروح لهم هناك
    المهم رحت لهم هناك وجبت مخالصه من الثانوية انهم مايطلبوني شيء !!!(طلب غريب منهم حسبي الله على اللي كان السبب ومرمطني يومين في هالزحمه والقلق الله لا يوفقه)

    وجيت ياناس على طول رحت للادارة التربية والتعليم بالرياض وعطيتهم الاوراق وكل شيء وعطوني الشهادة الأصل بعدها قلت سموا هذي أوراقي مترجمها أنا (قالو وييين حنا مانعتمد هذي الترجمة والله لو انه أفضل ترجمة في العالم) قلت طيب وش الحل (هذا بعد ماخسرت على الترجمة ومترجم لي أوراق كثيييييرة ومأستفدت منهها أي شيء)

    قالوا رح لمكتب القرارات المهم اني نسيت أسمه لكن اللي يبي وصفه أبشر ..
    المهم ترجمت الثانوية وحسين السيرة والسلوك ورجعت مره السادسه عشر للاداره وواختموها لي واعتمدوها ...!!

    ولله الحمد اليوم أخوكم ترجم شهادته وحسن السيرة والسلوك (معتمدة من الوزارة)


    مع أني كنت أراسل الجامعات بالترجمة القديمه وجاني قبول بالترجمة القديمه والله يعين يبيني قبل مأرسل أوراقي أبلغهم أني غيرت الترجمة ..

    (المهم ياشباب ويابنات أنتبهوا والله تمرمطت في هالسالفة وتعبت والله ياساهر صكني
    بستين مخالفه بسبة هالزحمه التي لاتطااااق)


    بالمختصر ياشباب ويابنات اللي يبي يترجم يروح للادارة اول شيء ويسأل وش المكتب اللي يتعاملون معهم وبعدها يجي للأدارة عشان يختمونها ويصدقونها ولاتنسون تطبعون أكثر من نسخه عندهم وتخلونهم يصدقونها ويختمونها


  2. اول شي الحمدالله انك ترجمتها وخلصت والله يوفقك ان شاء الله


    الصراحه يعجبوني الناس اللي يكتبو تجاربهم عشان نستفيد ويستفيدون الناس الجدد


    واحب اقول شغله انه فيه ناس سبحان الله ربي يوفقهم بس بمجرد انه يساعد الناس المحتاجه وسبحان الله ربي يفتح عليه وييسر امره لانه كل الناس قاعده تدعيليه وهو مايدري وبعض الساعات يحس انه ماسوى شي لكن بالواقع سهل اشياء كثير ومختصره علينا ...


    مره اخرى لك خالص الشكر والاحترام ولأمثالك
    7 "
  3. حمود ..
    الحمدلله على سلامتك ،، ذكرتنا والله بزحمة الرياض وأيامهاآآآ

    على فكرة .. وهذا مررة شوي كويس ومهم

    اسمع هالخبر اللي بيفرحك .. اذا انت للحين ما رميت الاوراق اللي مترجمها
    اذا انت ناوي الدراسة على حسابك وبعدين بتلتحق .. ترى مايحتاج لاتختم ولاهم يحزنووووووووون
    راس مالها مكتب ترجمة معتمد ( وياكثرها في الرياض)+ صور من شهادتك الاصلية.. سو كذا نسخة وكل نسخة معها ترجمتها ومختوم على الثنتين مع بعض
    قدم على الجامعات بصورة من الاوراق المترجمة .. واذا طلبوا الاوراق الاصلية ارسلهم الاوراق اللي مختم عليها المكتب .. وبس !!!
    7 "
  4. حنان22

    الله يجزاك خير ويوفقك .. والعفو يأختي .. ماسوينا شيء بس نقلنا تجربتنا هنا .. والله أني أحاول كل كبيرة وصغيرة أقولها للبنات والشباب لأن والله المراجعات الحكومية (مرض) وخصوصا البنت في بعض الأوقات يسبب لهم حرج وضيق على انفسهم وعلى أهلهم في المراجعات.

    تحياتي لك.

    نواف الدوسري


    آآآآخ بس آآآخ بس ياناس وخرو نواف عني لا يصير شيء ماصااااار .. ههههههههههه ياللي ماترحم جاي من الشرقية تعبان وحالتي حاله وبعد المصارعات دخلت في وسط الرياض واخرتها كنت بتوديني وزارة التعليم العالي .. (ياظالم) هههه


    دحووومي


    هلا وغلا والله ياخي انا من سكان الرياض سابقا ياخي الرياض بتنفجر من السيارات والله هنا زحمه خيالية ..

    بخصوص الترجمة المعتمدة والترجمة العادية الله يجزاك خير أفدتني والله لكن يادحومي الواحد يبي يسلم من لسان الموظفين المتسلطين اللي يدور الزله ويسوي نفسه فاهم على الناس بتخصصه البغيض وحنا نبي أوراقنا كلها معتمدة ونرتاح مرة وحدة .. وأنا ان شاء الله رايح على حسابي .. لو صار شيء لسمح الله مو فاضي تنحرج من اخوانك في السعودية وتمرمطهم على المراجعات هههه.


    نجوود


    الله يسمع منك ويوفق الجميع ويسهل أموركم .. (آمين) والحمدلله أنك فهمتي هالنقظة




    أسعدني وشرفني مروركم وأرتحت من دعائكم لي ... ونصيحة يأخواني الواحد لازم يمشي وهو رافع راسه بأوراق رسمية معتمدة والله ماتدرون وش يصير بعدين !!


    تحياتي وتقديري لكم
    7 "
  5. يعطيك العافيه اخوي حمود وكلامك صحيح لازم الواحد يعتمد اوراقه ويصدقها من ادارة التربية والتعليم

    وانا مثلك رحت وارسلوني لمعهد القارات للغات المعتمد لديهم وترجموا اوراقي ورجعت لللإدارة وصدقوها لي

    اسم المكتب(معهد القارات للغات) بجانب صندوق التنمية العقاري بالملز..


    ماتقصر اخوي والله يوفقك ويوفقنا

    تحياتي لك
    7 "
  6. المشاركة الأصلية كتبت بواسطة R.a
    يعطيك العافيه اخوي حمود وكلامك صحيح لازم الواحد يعتمد اوراقه ويصدقها من ادارة التربية والتعليم

    وانا مثلك رحت وارسلوني لمعهد القارات للغات المعتمد لديهم وترجموا اوراقي ورجعت لللإدارة وصدقوها لي

    اسم المكتب(معهد القارات للغات) بجانب صندوق التنمية العقاري بالملز..


    ماتقصر اخوي والله يوفقك ويوفقنا

    تحياتي لك
    الله يعافيك يأخوي
    ياشباب هذا وصف المكتب المعتمد من أخونا هههه لا أحد يضيع مثل ماضيعت أنا ..

    الله يعطيك العافيه
    تحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.