السماسرة وما ادراك ما السماسره عاجل بليز 00

موفق إن شاء الله

مآ يحتآج سمسرهـ .. إنت يآخوك كل اللي عليك تطلّع فيزا للدوله اللي تبغاها وتجيب قبول لغه منها من اي معهد فيها .. وتعال ادرس كم شهر وإن شاء الله يلحقوك في البعثه مثل كثيرين سبقوك ..

بس كل اللي عليك تشوف وضعك النظآمي كموظف إذا حاب انك تضمن وظيفتك .. أو تستقيل بعد ما تتأكد انهم ضموك للبعثة ..

وابشرك ترآك بمنتدى مبتعث رح تلآقي كل اللي يعينك إنك تبدأ من الصفر لحتى مآ توصل للبلد اللي تبغاها .. وبخطوآت مفصّلة وبتجآرب الإخوة والأخوآت ..

لكن كل اللي عليك تتعب نفسك شوي في البحث عن الأقسآم اللي تفيدك بدآيةً في منتدى مبتعث .. وتمشي على الخطوآت خطوهـ بخطوهـ

وإن شآء الله توصل مرآدك .. وتبشرنآ بخبر ابتعآثك


موفّق

ياليت ترسل لي بياناتك على الخاص وان شاء الله ماراح أقصر معاك بالي يقدرني عليه رب العالمين

أخوك

الأطــــلال

في مكتب واحد مصري بفانكوفر يجيب لك قبول معهد وقبول جامعه اذا تبي اعطيك رقمه .

حاولت اراسلك على الخاص بس المشاركات مخجله اشوي لاكن لو تعطيني ايميلك اتقدم لك شاكر
لان تاخيري في مشكله بعدين اقلك هيا

اتمنى مدينة تورنتو لو تعرف معليش شحات يبغى ثوب كبك

وعليكم السلام والرحمة

أعتقد أنك تقصد بكلامك , أنك لا تجيد اللغة وليس تجيد اللغة , إذا كنت لا تجيد اللغة وصفر على الشمال , فحرام عليك تضيع وقت وفلوس لتعلم اللغة في الخارج ,, نصيحة أخويه مني لك , قبل الذهاب للخارج , تعلم اللغة في المعاهد الموجودة داخل البلد ومن ثم سافر للخارج ,, كي لا تضيع وقتك للتعلم الأساسيات هناك


موفق إن شاء الله

يعطيك العافيه على الرد اخوي تقدر تقول اني لا اجيد بالفعل بس في شوي زي القرايه جيده
وفي اشوي تخاطب بس يالله احس ناقصني اختلاط عشن اتمرس واجمع كلمات الاختلاط
يرسخ الكلمات في الراس لان عملي كله انجليزي في شركة تامين صحي اشتغل على الموافقات الطبيه
وكل الرويكستات اللي تجي من المستشفيات انجليزي واللي حوالي اجانب مايتكلموا عربي نهائيا
عشن كذا حاب اطور من نفسي واستفيد لانها امنية حياتي البكالوريوس والانجليزي

خوي لو تبي قبول لغه انا ان شاء الله اقدر اساعدك
ارسلي معلوماتك على الايميل
josephjawad@gmail.com
صوره من جواز السفر
واسمك بالانجليزي
وتاريخ ميلادك

بتاخذ اجازه من غير راتب ومقدم على قرض الي يتبين من هالكلام انك شخص تحتاج توفر قد ماتقدر الين ماربي يفرجها بانظمامك للبعثه الي هو مو مضمون بوقت قصير

السماسره زي ماسميتهم ماراح يسون شغل او شي مايقدر اي شخص معاه انجليزيه بمستوى متوسط يسوه بنفسه لانهم ماراح يرحمونك بموضوع التوفير .. ما اقول انهم نصابين لكن احس تواجدهم للناس الي تقول اشتري راحتي بفلوسي اتعاقد مع مكتب تسويلي كل شي وانا بس ادفع من غير لا اوجع راسي
مع ان الموضوع مافيه وجع راس قد ماهو مجرد بحث بسيط

اول شي هل انت متاكد من ان كندا المكان المناسب لوضعك؟؟ هل استخرت؟ اذا ايه ربي يوفقك ويسهل امورك ويسخرلك خلقه

تورنتو ماهي مكان مناسب من رايي لشخص بوضعك .. ممكن تدور على المدن الصغيره الي جنبها واذا جاتك البعثه تنتقل لتورنتو (اكيد في ناس تخالفني الرايي بهالموضوع واحترم هالشي ولكن من عمل شويه مقارنات بتكاليف القرى والمدن الصغيره يمكن توافقني الرائي)

اول شي تسويه انك تجيب قبول جامعه مشروط وقبول معهد وهالشي ارجع واكرر تسويه بنفسك بكل سهوله .. بعد ماتختار المدينه ابحث عن الجامعات الي حوالينها وفيها التخصص الي تبيه او ابحث عن التخصص الي تبغاه وشوف وين الجامعات الي بالمدن الي تناسبك اكثر وادخل على مواقع الجامعات اغلبها عندها تقديم اون لاين ياخذ منك تعبيه اوراق يمكن نص ساعه الى ساعه وبعدها شوف المعاهد التابعه لنفس الجامعه بانك تبحث بمحرك الجامعه عن Continuing Education
وبتلقى طرق التقديم واضحه حسب كل معهد يا بالايميل او الفاكس او اون لاين

وبعد ماتختار نوع السكن ابحث بقوقيل بتلقى مواقع كثير تساعدك غير مساعده الاخوان هنا مايقصرون

وبالنسبه لتطبيق ال30 ساعه .. هذا نظام قديم ومطبق في جميع الدول من قبل برنامج بعثات الملك عبدالله .. ولكنهم بعد سنتين تقريبا من البعثات بدو مايدققون كثير عليه ويطلبون قبول مشروط لكن هل هو مضمون؟؟
في ناس مشت امورها وانظمو للبعثه بمجرد انهم طلعو القبول المشروط او قبول الجامعه يا واسطه او تيسيير من رب العالمين بس في ناس قالولهم لازم تكملون ال30 كريديت حتى لو كانت نسبتهم قليله لكنه كاحتمال موجود ولازم الواحد يدرس وضعه بهالحاله ويحط لها خطه ان شاءالله مايحتاجها

ادري اني طولت بالكلام لكن حبيت احطلك صوره واضحه بانك تقدر تمشي امورك بنفسك وانك لازم تدرس الموضوع بشكل مفصل والاهم تستخير

ولو سمحت اذا لقيت بدري شي مفيد لاتنسانا بالدعاء بان ربي يسهل امور السفر والدراسه الي كل مالها وتتعقد