شــــــائب مبتعث

هلا بعم مسفر حياك الله يارب وصلت دارك بين هلك وناسك انت وبنتك ابشروا طاب الله حالك ابد ابد لاتشيل هم ولاشيء وانا بمقام بنتك الله يحفظها لك

عم مسفر وش اقول لك والله انت بعد فكر بمستقبلك ولازم تدرس لجيت شيء ولا تفكر تجيء زائر لاغير غير انك بتمل وتطفش من الحين قبول سنه لغه مع بنتك جيب وراح تقدم فيزة طالب وبعدين يوم تجيء بتتعلم وبتتسلى لو بمعهد تجاري بسيط وغير مرهق

وعلى الاجراءات كل شيء متسهل وسهل جدا

انتظر رسالة جوال بموعد الملتقى واستلام القبول وبعد ذلك تسافر الرياض تحضر الضمان المالي تقدم فيه على الفيزا لكن انت اي مدينه حتى اساعدكم اكثر وخبركم وين تروحون لمكتب يزبط اوضاعكم لو ماعندكم الخبره للفيزا

وبعد ذلك يوم تاصل فيزتك انت والغاليه ربي يحفظها لك تروح يم الرياض سفريه ثانيه وتحضر قرار الابتعاث وامر الاركاب والتذاكر

شوف ياعم مسفر اذ انت ماتعرف شيء قول لي ابدا مابينا شيء في موظفين مره زينين بالوزارة قول لهم انا مااعرف وهم يشرحون لك الاماكن واوراق المطلوبه لكل شيء حتى تستخرج التذاكر وتحتاج لضمان المالي يوم واحد بالرياض ام القرار والاركاب والتذاكر يومين خذ احتياطك لذلك

بعد كذا ياعم ترجع بالسلامه لمدينك وتستعد انت والغاليه للسفر ثم تكون انت مرتبك وضعك قبل بمدينة قبولك انت وبنتك حقة الدراسه مثلا نقول فانكوفر

يوجد نادي سعودي تخلي الغاليه بالملتقى تااخذ طرق التواصل معهم وتتواصلون معهم من قبل وتخبرونهم بمقدمكم وهم يرتبون معكم الوضع وكل شيء يكونون الشباب معك متساعدين لين ماترتاح

عم مسفر يوم يصل تذاكر السفر وقررت المدينه وكل شيء خبرني وبإذن الله ابحث لك شاب طيب يساعدك ويعاونك اذا استطعت في بلد الغربه حتى تستقر

بنتك

منعطف

الله يوفقك ويوفقها يارب ويسهل لك كل امور تبحث عنها
ويسهل لك كل امر عسير يارب

الله يوفقك يارب وترجع بنتك وتفرح بيها يارب