الأعضاء الإشتراك و التسجيل

الملتقيات
ADs

تقرير تقرير عن رحلتي من الرياض لفانكوفر ....؟؟؟

تقرير تقرير عن رحلتي من الرياض لفانكوفر ....؟؟؟


NOTICE

تنبيه: هذا الموضوع قديم. تم طرحه قبل 4905 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية abo0ode.
    abo0ode.

    مبتعث جديد New Member

    abo0ode. كندا

    abo0ode. , ذكر. مبتعث جديد New Member. من السعودية , مبتعث فى كندا , تخصصى حاسب , بجامعة u nsb
    • u nsb
    • حاسب
    • ذكر
    • فانكوفر, كندا
    • السعودية
    • Aug 2010
    المزيدl

    October 24th, 2010, 09:15 AM

    بسم الله الرحمن الرحيم


    السلام عليكم ورحمة الله وبركاتة.


    انا توني واصل لفانكوفر مالي يومين ..دعواتكم لي ياخوان


    مساء الخير يا احبابي حبيت أعطيكم تفاصيل رحلتي من الرياض الى فانكوفر..


    بعد تجهيز القبولات من قبول معهد وجامعة عن طريق مكتب بالرياض قصينا التذاكرمن مكتب خدمات على الخطوط البريطانية


    قبل السفر بأسبوع


    وكان موعد الاقلاع من مطار الملك خالد بالرياض الساعة 7:45 صباحا ,رحت للمطار الساعة 5:15 صباحا يعني قبل الرحله بساعتين ونص تقريبا, طبعا تروح لرحلات الشركات الأجنبية الي هي أخر بوابة << مو زي ما سويت رحت للرحلات الدوليه وقالولي انت حاجز على خطوط بريطانية رح لأخر بوابة , قعت اسحب شناطي, المهم شحنت الشناط طبعا الوزن المسموح 23ك وأنا معاي شنطتين وحده كبيره والثانية صغيرة يعني أقدر أخذها معي بالطيارة بس قلت خلني اشحنها, طبعا غير شنطة الاب توب وطلع الوزن الكلي 29 ك يعني الفرق 6ك قالي أدفع 200ريال عشان الفرق .. قلت لا يا الحبيب لا تشحنها راح أخذاها معي في الطيارة وياليتني ما أخذتها تقروشت <راح ارجع لموضوع القروشه هذا ..شحنت وحدة بس وعطاني


    2 بوردنق باص واحد من الرياض للندن مطار(هثرو) والثاني من لندن لفانكوفر نصيحة اذا جيت تشحن حدد مقعدك وخل مقعدك يكون على ممر لان الرحله طويله اذا كنت عند الشباك وتبي تروح دورة المياة الله يكرمكم فيها صعوبه شوي الي جمبك يكون نايم وجمبه الثاني برضو نايم يعني قروشه .


    باقي على الإقلاع تقريبا ساعتين جو أخوياي للمطار يونسوني شوي , جا وقت الأقلاع وصلنا لقص البوردنق باص بعدها بعدها نمر في ممر الي يوصل للطياره فتشونا تفتيش شخصي وفتشو الشناط الي معاي حقت الاب توب والثانية الي ماشحنتها


    أقلعت الطيارة والطياره فيها مايقارب 60 مقعد فاااضي زمن الرحلة 7 ساعات . من الطفش رحت أغير من مقعد لمقعد لدرجه ان المضيفات يجون يحطون لك الأكل والمشروبات في بداية الرحله وبعدها ما تشوفهم الا في النهاية محد يمك طبعا اذا بغيت شي ترعص الزر ويجونك ..وصلنا مطار (هيثرو) نزلنا من الطيارة وركبنا باص يودينا المطار دقيقتين وانا في المطار وقتها الساعه 1:15


    دخلنا المطار تمشي مع اناس بعدين يجيك لوحه مكتوب فيها بالأنجليزي طبعا بس ما اعرف السبلنق(ترمنل 2,3,4) وسهم يمين وفيه سلم كهربائي ولوحة ثانيه نفسها بس (ترمنل 5) طبعا انا رحت (ترمنل 5) بعد ما ضيعت ونزلت تحت وسألت كلمة أنجليزي وعشرة عربي المهم رحت (ترمنل 5) طبعا أجرائات إعتياديه حقت الجوازات جواز بعدها تروح لتفتيش الشناط طبعا اي شي أكثر من 100 مل راح يصادر عليك . انا كان معاي عطر 100مل وشامبو250مل ولوشن 250مل صادرو الشامبو والوشن وقالو عشانه اكثر من 100 مل وقالولي سوري , قلت فدا لو أنك في السعوديه يقولك انت ما تفهم شايل فوق الحد المسموح شوي ويضربك هههههههههههههههههههه


    المهم مشيت وقعت أتلفت مدري وين ربي حاطني رحت لوحدة جالسه على كونتر وريتها البوردنق باص الثاني قالت انتضر بعد اربع ساعات ورح ناضر الشاشة حق الرحلات قلت طيب بروح اريح المصارين وأصلي ورحت أبي أكل لقمة لقيت الدنيا غالية طبعا تحول معاك 200 ريال سعودي لجنيه أسترليني (باوند) انا حولت 100 ريال ولا كفتني طبعا ال 100 ريال يعني 15 باوند , أخذت كبتشينو ب3باوند ونص وساندوتش صغييييييير من نفس المحل ب6باوند وشريت موية 1ونص باوند يعني اذا تبي مطعم كويس علشان تاكل وتريح يبيلك 30 باوند .


    طبعا مافيه امل تدخن لأنك لو دخنت راح تدفع غرامة ماليه مدري كم اذا الكابتسينو غالي فما بالك الغرامة .


    جت رحلتي على الشاشة مكتوب فانكوفر ورقم الرحله وحاطين وقت على اليمين هذا الوقت راح يعرض لك رقم البوابة


    طبها انا البوابه حقتي كانت B37 وانا جالس في المطار البوابات الي الشوفها كلها A من 1 الى 28 , تقروشت رحت سألت واحد قال في لفت ينزلك تحت عند الفت هذا لوحه مكتوب فيها البوابات من 32 الى 48 طبعا انا من اليوم وأنا امر من عند الفت هذا ولا أنتبهت مع العلم انة وااااضح نصيحه أقرو كل شي .وتقروشت من الشنطه ثقيله ما ادري كيف أشرحلكم وشلون تقروشت من الشنطه واحد من القروشه أبي ادخل الحمام خايف أخليها برى وتنسرق وعليك الباقي


    لما نزلت تحت ركبت قطار زي الي في الأفلام الي تحت الارض ووداني لمبنى ثاني فيه البوابات من 32الى 48 ركبنا الطيارة


    وبسم الله على فانكوفر المرة هذي الطيارة زحمه مافيه ولا مقعد فااااضي . والرحله 9 ساعات ,وصلنا فانكوفر اول شي يجيك درج تنزل معه وتمشي مع الناس إلا يجيك باب على اليمين مكتوب عليه (الأمغريشن) تدخل معاه وفيه واحد يرحب فيك ويقول


    اي خدمه , تلقاه واقف جمب لوحة الأمقريشن قلتله انا طالب بس هذي الكلمة قالي تفضل من هذا الباب .


    تمشي تلقى ناس ماسكين سرا خلك معهم وجهز معاك الجواز ,الستدي بيرمت (تصريح الدراسة)الورقة الي جت مع الجواز وقت أصدار الفيزه وجهز قبول المعهد والورقة الي تعبيها في الطيارة وراح يسألك الموظف ويقول لك انت ليش جاي كندا . انا قلت جاي ادرس وسمعني صوت الختم وعطاني الستدي بيرمت(تصريح الدراسة) لا تمش الى بهذا التصريح وإلا انس انك تدرس ولا تفتح حساب . بعدها على الشنط تلقى ثلاث مسارات اقرى اي مسار مكتوب عليه لندن , لأن الشناط جايه من الرياض للندن ومن لندن لفانكوفر انت تروح عند مسار لندن وتاخذ أغراضك وعلى بوابت الخروج هنا تأخذ تكسي أو اذا انت منسق مع عائلة راح يستقبلوك بأسمك .


    وكذا خلصنا أي استفسار انا حاااااااااااضر


    وصدقوني انا ماكتب هذا الموضوع الا ابي اساعدكم زي ما كانوا يساعدوني الأخوان هنا في المنتدى هذا


    دعواااتكم يا أخوان


    تحياتي ..
  2. الله يعطيك الف الف الف الف عافيه ياعبودي هههههههه والله انك من جد تقروشت لأني حسيت بمعاناتك لكن لابد تتعلم انجليزي لأن كلمة عربي وعشر انجليزي ماينفعش كدا على العموم من جد الواحد راح يستفيد من تجارب مثل كذا....

    اكرر شكري وأقول الله يوفقك في دراستك ودنياك...
    7 "
  3. المشاركة الأصلية كتبت بواسطة البدراني الحربي
    هههههههههههههههههههههههه
    ياحوبيلك عبود رحلتك حلوه حيل
    وفيها تنبيهات حلوه
    اذا الله كاتب لي آروح بقرا التقرير مليون مره هع

    دعوآتي لك بكل التوفيق ياغالي
    الله يجزاك كل الخير
    تحيااتي لك حبيبي البدراني والله يوفقك ويسهل أمرك يا الغالي .
    7 "
  4. المشاركة الأصلية كتبت بواسطة آطلق مبتعث~S
    الله يـوفقك يا الغلا وانا اشووف فانكوفر منوره الله يحيك في فانكوفر ....... وكانت رحله حلوهـ

    تقبل تحياتي ...
    يسلمك ربي , فانكوفر منورة بالغالين الي زيك . تحياتي
    7 "
  5. المشاركة الأصلية كتبت بواسطة د حـ ـمـ g g g ن
    الحمد لله على سلامتكـ


    وعقبال ما نسمع خبر التحاقك



    بالتوفيق
    الله يسلمك يا الغلا , من بؤك لباب السما .
    والشكر لك يا دحمون أنا استفدت منك كثيييير وتفاديت الوقوع في الخطاء هذا بفضل الله سبحانه ثم تعاونك معاي
    تحياتي لك...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.