استفسار استفسارات

وعليكم السلام ورحمة الله وبركاته

ج1: بالنسبه للمعهد ماسمعت فيه بس عادي ادرس فيه واذا ماارتحت تقدر تغيير بكل اريحيه

ج2: بالنسبه للمطار والشنط مااقول الا ياليل الواسطه عند السعوديين
انا عن نفسي ماوزنو ولا سئلو عن شي
كان معنا 4 شنط كبار وكرتون فيه اغراض مالله به عليهم
وفيه ناس معهم ضعف اغراضي
بس لاتنسى تسئلهم عن رقم الشنط لازم يعطونك ورقه لما يشحنو شنطك راح يسئلونك عنها بمطار لندن
للاسف صارت معي وماابغى غيري يتوهق

ج3: بالنسبه للاوراق كل اوراقي وشهاداتي اخذتها وكل شي منه كذا نسخه ومختومه طبق الاصل للشهادات خاصه
ومختومه من وزارة التعليم العالي
واذا انت ماستر لاتنسى التوصيات بضرف مسكر ومختوم ترا بكندا مايقبلو الا بهالشي

ج4: مالي خبره بالسكن بس احسن شي تشوف لك احد في فانكوفر يأمن لك السكن ويستقبلك
والسعوديين في فانكوفر اكثر من الهم على القلب
* بقولك شغله : في المطار لما وصلنا قالو لنا عندكم احد يستقبلكم او وش اسم المعهد الي بتدرسو فيه
ندق عليه ويرسلون احد ياخذكم
طبعا كان فيه احد يستقبلنا بس بما انهم قالو هالشي يعني ان هذا الشي يصير !!

ج5: الله يسسهل ويعيينك وتوصل بالسسلامه
توقيت رحلتك نفس توقيت رحلتي يعني توصل فانكوفر الساعه 3 تقريبا او 2 العصر

ج6: عن نفسي مسحت كل شي للاسف وفرمت اللاب واخر شي ماتطلعو فيه
تفتيش اللابتوب يحطونه بس في جهاز يعني ابدا ابدا مايفتحونه هذا بلندن والرياض
ولما وصلت فانكوفر كلش ماسالوني عنه ولا فتشو الاغراض الي معي اقصد اللابتوب وشنطة اليد
خلصنا من الامريقريشن ورحت اخذ شنطي حتى جتني وحده تسئلني وش رايك بالخدمات والموظفين
والله حتى سئلتني عن ارضية المطار والنظافه وووو
تخيل مع قمة التعب وقل النوم من جد فاضيه قلتلها انتم احسن ناس بس طيررري
ومااخذت بالمطار اكثر من نص ساعه خلصت كل شي

ج7: ماعندي جواب للاسف

ج8: الان توه ابتدا البرد وكل اليومين الي فاتو سنوو { ثلج
والايام الي فاتت من اسبوعين تقريبا كله مطررر
والجووو برد يعني تدفى زين

ج9: كل الاشياء الي قلتها للامانه عن تجربتي الشخصيه ويمكن الي يصير لي مايصير لغيري وكذا يعني
وللامانه ماشفت احد من صحباتي اشتكى من اي شي سواء من التفتيش بمطار لندن او فانكوفر
او تعقيد باي شي قمة الاحترام وكل الامور سهالات يارب لك الحمد

بس حبيت اوضح هالنقطه
الله يكتب لك الصحبه الخيره الطيبه ويوفقك بدراستك

بيض الله وجهك ، ووفقك