رخصه القياده g2

اهلا اخوي
انا ما سويته بس ممكن افيدك بالي اعرفه
اول شي تجيب برنت لك من مرور بالسعوديه
رخصة السعوديه
ترجمتهم من مكتب معترف فيه في كندا
تجهيز الدخول للامتحان طبعا امتحان تحريري عن الاشارات واشاكلها
حجز موعد لاجراء الاختبار القياده بالشارع وانتبه ترا لازم تكون عارف لكل شي لانه مو سهل
باذن الله تاخذ g2 ولا تخاف اذا رسبت فيه اعاده للامتحان
بالتوفيق

يعطيك العافيه طال عمرك
وننتظر المزيد

هلا اخوي

انا الاسبوع الماضي اخذت ال g1 من اوتاوا ويوم الخميس الجاي عندي اختبار ال g2

طبعا علشان تاخذ ال g2 لازم يكون عندك ال g1 وبعد سنه تسوي اختبار القياده اذا نجحت فيه تاخذ ال g2

بالبدايه تقدم اوراقك وهي الجواز مع الاستدي بيرمت والرخصه السعوديه المترجمه ولازم يكون معك برنت من المرور بالسعوديه عن رخصه القياده لانه يكون مسجل فيه تاريخ اصدار اول رخصه قياده لك
وبعدها تسوي اختبار للنظر وبعدها تسوي اختبار نظري عن اشارات القيادة وقوانين المرور طبعا انا طلبت مترجم وساعدني بالاجابات وبعدها اخذت ال g1 ونظرا لاني جايب معي الرخصه السعوديه وكذلك برنت برخصه القيادة اني مطلعها من سنوات فقالوا لي تترجمه من مكتب معتمد في كندا ونحسب لك خبره خمس سنوات وكذا مباشره بدون ما تنتظر سنه تختبر اختبار القياده واذا اجتزته تاخذ ال g2 مباشره .

التكاليف
ال g1 ياخذون منك 80 دولار
المترجم 70 دولار
شريت كتاب عن قوانين المرور مترجم طبعا اذا تبغى ب 14 دولار
ترجمت البرنت اللي من السعوديه ب 30 دولار
وال g2 ب 40 دولار

المدة اذا بتسوي الاختبار النظري بدون مترجم علطول تختبر
بس لاني طلبت مترجم انتظرت اسبوع
وبعدها قدمت على ال g2 وعطوني موعد اختبار القيادة بعد اسبوع

موعدي الخميس الجاي اختبار القياده الله يوفقنا يقولون الاختبار صعب ويركزون على كل شي .

اي استفسار امر .

السلام عليكم
ياشباب شسالفت الرخصه هاذي انا اول مره اسمع فيها اللي اعرف اذا تبي تسوق سياره تاخذ رخصه دوليه من اي مكتب سياحي نص ساعه الا هي بجيبك اتمنى انكم تشروحون لي وش قصتها..
مشكوورين مقدما

انا نفس الشي الرخصه الدوليه كانت معي
بس تفاجاه بخبر ان الرخصه هذي ما تنفع (على قولتهم بلها واشرب مويتها)
راح تستفيد منها في حاله استاجار سياره وولمده بسيطه يعني ايام فقط
بالتوفيق

الله يعطيكم العافيه ياشباب

وبخصوص الرخصه الدوليه هي صالحه لمده 3 شهور فقط من دخولك الى كندا

السلام عليكم

ابشركم نجحت في اختبار القيادة واخذت ال ج2

الاختبار ما هو سهل ولا هو صعب
بس اخذت درس خصوصي من واحد عربي شغال عندهم
درس لمدة ساعه ب 30 دولار علمني فيه على الاشياء اللي يركزون عليها في الاختبار
الاختبار عبارة عن قيادة بالشارع لمدة 10 دقايق
والحمد لله عدت على خير

بالتوفيق للجميع

ماشاءالله
مبروك والفال لنا