استفسار القبول المشروط وتسديد الرسوم

وعليكم السام ورحمة الله وبركاتة

بما أنك مبتدىء في هالموضوع وبإذن الله بتتيسر أمورك ومن أستشار ماخاب ..

أخي المسلوب كبداية :
أولا : أختر الجامعة المناسبة
ثانيا : يفضل إذا عندك لغة (حليوة) وبسيطه يفضل أنك تدرس في معهد الجامعه لأنه يعتبر معهد جامعي (أكاديمي)
ثالثا : بعد أختيارك الجامعه والمعهد روح لموقع الجامعة على الويب سايت وأدخل قسم admission or registration or international student وراح تلقى جميع شروطهم وجميع طلباتهم وإيميلهم (نصيحة أخوية ترا كل شيء واضح وأبتعد عن المكاتب وراح تلقى في مواقعهم خطواتهم كلها).
رابعآ : نسق لك إيميل بتعبير رسمي وممتاز لكي ترسل لهم إنك تريد الدراسه في الجامعة المطلوبة والتخصص الفلاني و و ألخ..
خامسا : نسق لك إيميل بتعبير رسمي وممتاز إنك تريد دراسة اللغة في المعهد المطلوب كذا وكذا و و ألخ..
سادسا : بإذن الله بيردون عليك في أقل من أسبوع وبعدها راح يقولون لك الخطوات وفي الغالب يقولون لك سو تران سكريبت لجميع شهاداتك ( تترجم شهادة الثانوية - تترجم حسن السيرة والسلوك - تصور جوازك وتسويلها سكان على جهازك وبعدها ضيفها على الإيميل وأرسلها لهم )
سابعا : بعد ماتسوي الخطة السابقة راح يكون لهم رسوم application fee لدراسة طلبك في قبولك في الجامعة أما المعهد فغالبا يطلبون رسوم معينة للأترام إلي راح تسجل فيها أو يطلبون رسوم فقط لتسجيلك في المعهد
ثامنا : طريقة أرسال الرسوم أسهل طريقة روح لتحويل الراجحي ومعك صورة من جوازك أو بطاقة أحوالك وتكون الوثائق الرسمية معك وبعدها تفتح حساب أسمه ( تحويل الراجحي ) وفي خلال ربع ساعه تقدر تحول لأي مكان في العالم ولأي بنك ورسوم الراجحي بسيطة ومناسبة.
تاسعا : ترسل إيميل للمعهد والجامعة إنك حولت لهم الفلوس والأحسن والأفضل بعد ماترسل الفلوس ترسل صور لمستنداتك من شهادة و و ..ألخ . وليست الأصلية إلى الجامعة عن طريق dhl وعندهم خصم لموظفي أرامكوا أو فيديكس .
والخطوة الأخيرة : تنتظر ورقة القبول من المعهد والجامعة وراح يرسلون لك ترانسكريبت على إيميلك والأفضل تصورها وتقدم على الفيزا على طووول وهم يرسلونها على الايميل كبداية عشان يعلمونك إنهم قبلوك وبعدها يرسلون لك عن طريق فيديكس غالبا أوراقك الرسمية والموقعة عليها من قبل المعهد والجامعة .

وبعد هذا كله تبدا بالفيزا وأجراءاتها والأمور بسيطة وسهله لكن أنت بنفسك حاول تسهلها ولا تصعبها وأنا أخوك
والأفضل أنك تطبق الخطوات هذي كلها مع خمس جامعات معتمدة في وزارة العليم العالي وتراسلهم في نفس الوقت طبعا عشان ماتتأخر أو تتضايق من أمور تافهة وبسيطة.

وبعد ماتخلص أجراءاتك كلها بقولك إنك صرت إنسان تعتمد على نفسك وقادر على جلب القبول من أي جامعة في العالم
وأي سؤال أو أستفسار حنا حاظرين باللي نعرفه بس !!

الله يوفقكم
تحياتي لك

أضافة :

وأذا تبي أي مساعدة من ناحية كتابة إيميل للجامعة حنا حاظرين

تحياتي لك

السلام عليكم

بداية اشكر صاحب الموضوع

وثاني شي

احب اتوجه بالشكر الجزيل لاخونا حمود بيض الله وجهه دنيا واخره على وقفته وشرحه

وياليت اخوي حمود انك تساعدني قسم بالله اني ضايع ومحتاس <--- ماعنده اي خبرة بالانجليزي

انا زوجتي جاها قبول ببعثة خادم الحرمين المرحلة السادسه تخصص كيمياء بمعهد جوس بمدينة فكتوريا
وانا ابي اجيب لها قبول بجاعة فكتوريا او بجامعات تورنتوا بس والله ماني عارف ويش اسوي كل مادخلت موقع الجامعات انحست وطلعت لأن كلها انجليزي والمشكلة ماني عارف ايش اسم التخصص بالانجليزي

تكفى اذا تقدر ساعدني الله يوفقك

وعليكم السلام
حياك الله ياعابر

والله يسمع منك ويجزاك كل خير والله انا إلى الآن ماطلعت لكندا لكن إن شاء الله طالع عن قريب ون شاء الله أفيدك من ناحية خبرتي بمراسلتي مع الجامعات

بخصوص الجامعات عطني ربع ساعه أطلع إيميلاتهم وأسويلك إيميل رسمي وبإذن الله الأمور سهالات لكن مأعتمد لك بوقتهم وتعاملهم وجديتهم لأن بعض الجامعات تتأخر
سؤال : لأي مرحله هي تبي القبول بكالوريوس - ماستر

تحياتي لك

أخواني أنا محتاجه مساعده منكم

انا مبتعثه لكن للاسف معهد للغة ليس هو ما أريد ولذلك أنا أريد أن أدرس لغة في جامعة بروك وفي نفس الوقت أريد قبول جامعي مشروط

اريد التسجيل في معهد اللغة الخاص بهم وبعد فتره بقدم عليهم قبول جامعي مشروط باللغة


لكن للاسف معرف أقدم على قبول لغة واحتاج مساعده منكم


اتمنى تساعدوني

أخوي عابر بخصوص الأبلكيشن حق القبول لفكتوريا .. عن طريق الأون لاين وسهل مره (ورآح أساعدك خطوه بخطوه)بإذن الله وفكتوريا عن طريق الإيميل والأون لاين وهالجامعتين من خلال تصفحي لهم أتوقع من الجامعات القوية ماشاء الله وإن شاء الله درجات زوجتك قوية لأن الجامعات القوية واللي سمعتها أيضا قوية يدققون شوي بالدرجات وتواصل معي حتى لو عن طريق الخاص بأي سؤال وإن شاء الله تلقى قبول لزوجتك.

شهد الحياة
حياك أختي
ولاتكبرين الموضوع والله بيفرجها بوجهك دام إنك تطلبين للعلم ..

بين قوسين ( ترا أنتي شتتينا مأعرف وش تبين بالضبط )

قولي اللي تبينه بدون تفاصيل (ههه)

تحياتي لكم

شهد الحياة
بخصوص اللغة في جامعة بروك

أولا:
حملي الإبلكيشن على جهازك طبعا من الرابط هذا
http://www.brocku.ca/webfm_send/14533

ثانيا:
عبي الأبلكيشن كامل وترا للمعلومية فيه رسوم كل ترم أو لفل عندهم 600 دولار كندي
وبما أنك مبتعثه أنا مأعرف وش الطريقه لكن أنتي قولي لهم في الإيميل هذا بعد تعبين الأبلكيشن وترفقينه في الإيميل
تكت في الرسالة
I hope to have the acceptance letter for English program, and note that I am a scolarship student from the high education ministry in Saudi Arabia.

وحاولي ترفقين لهم بعد خطاب وزارة التعليم العالي .. (وأنا آسف بخصوص موضوعك هذا لأنك مبتعثه وأنا أراسل الجامعات والمعاهد وأعطيهم رسوم لأني بروح على حسابي الخاص)

ثالثا:
أرسلي الأبلكيشن للإيميل هذا
eslbrock@brocku.ca

تحياتي

وأتوقع أنتم يالمبتعثين لكم مكتب خاص يجلب لكم القبول وفي نفس الوقت يغير لكم المعهد !! على مأعتقد