مساعدة بعثه الي تورنتو

معقوله ماحد عايش بمدينه تورنتو؟؟

الله يوفقك ويوفقني انا مثلك يااختي ابي اعرف لان انا محرمي خالي ورفعت برقيه لكن الله يفرجها
واخاف مايوافقون على خالي

السلام عليكم ورحمة الله وبركاته

مبروك الابتعاث وجعلة الله طريق للنجاح ووفقك الى كل خير

انا موجود في تورونتو وفعلا مدينة تستحق الزياره ما شاء الله والان فتره الثلوج جدا رائعه

1 - بالنسبة للمصروف فالمصروف للمبتعث+زوجة + طفلان = 4917.31 دولار كندي تقريبا بالسعودي 18100 ريال
وتقدرين تتاكدين من هذا الرابط بشكل تفصيلي اكثر
Saudi Cultural Bureau in Canada-- الملحقية الثقافية السعودية في كندا

2 - مسأله قاعدة جوية كندية ويشتغل فيها زوجك مستحيل لان زوجك مو مبتعث عسكري ولكن لو قدر ياخذ اجازه من العمل او تفرق ويجي هنا ويدرس لغة و يجيب قبول جامعي ويقدم على البعثة كويس وراح يكون له راتب مبتعث وليس مرافق

3 - بالنسبة للمعيشه هنا احسبي كل شي بالدولار وليس بالريال يعني اللي موجود بالسعودية بريال هنا بدولار ويمكن اغلى
ولكن تحتاجين الى ذكاء بسيط فمن الممكن نفس السلعه بمكان بــ 50 دولار والمكان الاخر بــ 20 دولار وراح تعرفين الاماكن الرخيصية اذا وصلتي ان شاء الله بالسلامة

اما بالنسبة للسكن فمن عددكم انتم تحتاجون الى غرفتين وصاله ودورة مياه اعزكم الله اسعارها في البنايات القريبة من الداون تاون وبها كل الخدمات والامن 24 ساعه تتراوح من 1500 الى 2000 دولار بشكل شهري ومنها نظام الشهري ومنها نظام العقود


4 - طريقة المواصلات هنا جدا سهلة والحمدلله راح تشترين بطاقة لــ TTC قيمتها 121 دولار
هذه البطاقة مدتها شهر راح تقدرين تركبين فيها بعدد لا محدود في (( القطارات - الباصات - الاسترتيت كار ))
بالنسبة للتاكسي انا لا انصح به لانه غالي بعض الشي ولكن راح تقدرين بأذن الله التنقل من اي مكان لكل مكان بالباصات والقطارات والاستريت كار فلا تحملي هم هذا الشيء


اتمنى ان اكون وضحت الفكره لك واي استفسار انا حاظر بأذن الله ولا تنسونا من صالح الدعاء

amalem


يعطيك العافيه على التوضيح وعلى الرد

ولكن حبيت استفسر عن اول مااجي هناك لاازم اكون حاجزه فندق من السعوديه وكم ساعه من السعوديه الى كنداء؟؟

ومتى عندهم الااجازات بالعاده؟؟

ودوام اللغه من كم الي كم؟؟

وكم مدت الماستر؟؟

وكليه الملك جورج باي مكان هل مكانها يكون جنبه سكن وكم سعرالسكن هناك

الله يعافيك اختي وما سويت شي هذا واجب


1 - اول ما توصلين اما تكوني نسقتي مع هوم ستي او حجزتي سكن وهذا الافضل اما الفنادق غالية ولكن تعتبر حل كويس في حال ما لقيتي سكن قبل توصلون

2 - الاجازات ياكثرها كل يوم عيد ههههههههه بس الاجازه المعتمده هي راس السنة من 16 ديسمبر الى 4 يناير وطبعا كل سبت و احد اجازة بدال الخميس والجمعه عندنا

3 - دراسة اللغة يا اختي تختلف من جامعه لجامعه وعلى حسب الساعات المسجلة لك ولكن تبداء من 9 وتنتهي عند الــ 5 كحد اقصى

4 - الماستر يختلف هو المتعارف علية سنتين ولكن لا تنسي مرحلة اللغة و مرحلة تقديم الرساله

5 - كلية الملك جورج تقع في جنوب ايقلتن على الخط الصفر وتعتبر قريبه من نص البلد وهذا رابط فيه عنوانها على الخريطه

King George International College - Google Maps



وتقدرين تزورين رابط ذا الموضوع انا رديت علية بعناوين الفنادق اللي حول ذا المنطقة لان هو في معهد مره قريب من كلية الملك جورج وكذالك راح تلاقين في ردي روابط الهومستي والسكن والشقق
وفي حال وجود اي صعوبه ابشري بالخير ان شاء الله

http://www.mbt3th.us/vb/forum92/thread237414.html

الله يعطيك العافيه ممكن اخوي تعطيني اميلك عشان اتواصل معاك لاني جالس الحين اجهز نفسي تبدأ الدراسه في شهر 3 ميلدي طبعن وابي تساعدني في الحصول على شقه قريبه من مكان الدراسه انا واهلي ويكون سعرهم رخيص

الله يجزاك كل خير ويوفقك دنيا واخره انا حوالت ارسلك خاص بس معندي مشركات انا ابي الشقه قريبه من كلية الملك جورج العالميه وبيه تكون مفروشه وعدد الاشخاص 4 اشخاص بنتين صغار اكبر وحده عمرها سنتين ونا وزوجتي وتكون بسعر رخيص وقريبه من الخدمات