الفيفا لم يردني منه اي خبر

يارجال انا مثلك يوم 22-12 يقولون تاخذ اكثر من شهر الله يسهل ولا يحتاج تروح المكتب ماعندهم سالفه ماعليك الا الصبر بس

انا المفروض اني مسافر قبل اسبوعين بس الشكوى لله لو ادري كذا بيصير ماكان جيت السعودية بس انت مالك الا الصبر واتوقع بغضون هذي الاسبوعين بيجيك الرد والله ولي التوفيق

.
الله يسعدك يا ابو عوف وما علينا إلا الصبر من هذول الكنديين وشروطهم وطلباتهم التي لاتنتهي ... ورغم ذلك هم المستفيد الاول والاخير ..

ابو عوف الله يرضى عليك

بغيت اسألك واتمنى تجاوبني

انت لمن رحت للفيفا تتذكر وش الاوراق إللي طلبها منك بالضبط ودي اجهز اوراقي

لأني في كندا وبرجع ان شاء الله بعد 10 ايام وناوي اقدم عليهم اول مااوصل

حيا الله عبد الله
ونيابه عن ابو عوف

* صورتين مكشوف الرا س للرجل وصورتين للمرأة كاشفة الوجة
* شيك بدفع الرسوم 125 $ للمبتعث والمرافق 150 $
* تعبئة البلاكيشن واكيد انت تعلمت وتقدر تعبيه بكل سهولة
* صورة من اخر موهل وصورة من السجل الاكاديمي للجامعيين
* صورة الجواز مع الاصل
* صورة من القبول في المعهد او الجامعة الملتحق بها بكندا
* صورة من خطاب وزارة التعليم العالي موضح فيه الضمان المالي اذا انت مبتعث من الدولة فاكيد عندك صورة واذا ماعندك تاخذ من الوزارة .
كما ان مكتب الفيقا يقولك على كل الطلبات


والاجراءات السابقة واللاحقة نفسها ماهنا تغيير وربما فيه اختلاف لمن درس وعاد مثلك هذا ما لدي والله اعلم .

الله يحييك ويبقيك يامسفر
حلو معلومات ممتازه جداً ان شاء الله راح اقدر اوفرها

وانتظر بعد رد ابو عوف لأن ابو عوف مثل ماقال انه كان في كندا فـ اجراءاتي واجراءاته نفس الشي

يمكن راح يكون فيه اضافات مثل الستي بيرمت وتحديد اي انواع الابليكيشن واحظار تقارير دراسيه من معاهد اللغه او السجل الاكاديمي الحالي

حياك الله أخوي الطلبات نفسها اللي قالك عليها اخوي مسفر والستادي بيرميت يطلبونه بعد بس على كلام الموظف انهم مايجددونه تصير تجدده من المطار اذا رجعت كندا وأزيد شغله اذا كان عندك كشف درجات ارفقه مع باقي الاوراق واذا بغيت شئ ثاني ابد تفضل

ابو عوف .. انا مرافق مع بنتي كم يحتاج لنا من المال تقريبا حتى تاتي المكافأت من الحكومة ...

مسفر انت انسان بتروح انت وعائلتك ممكن وضعك يختلف

إذا مبتعث من السعوديه بمجرد دخولك كندا روح افتح حساب في البنك وطلع لك جوال

راسل الملحقيه وعطهم رقم حسابك وافتح لك عضويه في بوابة الطلبه المبتعثين اذا ماعندك

بمجرد انك تسوي الاجراءات البسيطه هذي يبدا الصرف عليك

كـ رؤوس اقلآم

انت تحتاج سكن, فاتورة جوال, بطاقة نقل عام, مصاريف للاكل والطبخ

بالنسبه للسكن, بتراوح اسعاره من 500 إلى 2000 حسب المدينه وحسب عدد الغرف وحسب مواصفاتها اذا هي مؤثثه او غير مؤثثه

ممكن انك تتصفح موقع craigslist وتشوف العروض إللي تناسبك

بالنسبه للجوال حاول انك ماتاخذ كونتراكت يلزمك بمبالغ خياليه

فيه شركات جديده مثل موبايليستي توها طالعه بدون عقود ويعطونك جهاز جوال فوق الشريحه بسعر رمزي احياناً

ويحطون لك جميع الخدمات بـ45 للشهر, أو رسائل واتصال مفتوح فقط بـ25

الشركات إللي تلزمك بعقود نادراً ماتجيك الفاتوره اقل من 100 .

بطاقة النقل العام لمدة شهر يصل سعرها إلى 110 وفي بعض المدن 20 .

مصاريف الاكل يعني بالراحه مايقارب 1500 شهري وتقدر تعيش على 500 اذا تعرف كيف تقتصد

بالنسبه للتاكس هو 12% في بريتش كولومبيا واونتاريو وماعندي خلفيه عن باقي المناطق

بالنسبه للبقشيش اذا بتروح لمطاعم هو خياري وشبه اجباري ويكلفك 15% تقريباً

الارقام إللي قلتها لك كلها بالدولار الكندي, وسعر الدولار الكندي في الوقت الحالي هـو 3.8ريال سعودي

اذا فيه معلومات تحب تعرف اكثر ماعليك إلآ تسأل

وفقك الله اخي عبدالله ومعلومات ممتازة الله يسعدك ...
وعلى كذا اخذا معاي عشرة الاف دولار على اقل تقدير ...
لكن مسموح اخذ المبلغ هذا كاش معي ؟

وانا اعرف اننا لما نصل كندا بيجي حوسة منذ دخولنا المطار وحتى ان نستقر ونعرف نسير امورنا .. لكن اسال الله ان نجد من يدلنا ويساعدنا في هذه الرحلة وانا متفائل خير باذن الله .

وبالنسبة للسكن يكفينا غرفة وصالة ومطبخ ودورة مياة ..

وسمعت ان الاجارات للشقق المفروشة غالية مرة في فانكوفر ؟