استفسار طريقة التوصيات ارجو التكرم بالرد

بما انو مافي احد رد عليكي انا حاجتهد
مافي مشكلة اذا الملحقية مادريت لأنها بتاخذ شهادتك وبتحطها في ملفك اهم شي شهادتك تعادليها من كليتك حاولي تساليهم او اسالي مكتب ترجمة اخر يمكن يسوولك المعادلة اهم شي تلاقي قبول في كندا سواء بالنسبة المئوية او المعدل التراكمي
هوة صراحة يشوفو كشف الدرجات واهم شي اخر سنتين بالنسبة للجامعات الكندية
وحاولي تسالي الجامعات في كندا يطلبو الشهادة بالنسبة المئوية ولا المعدل التراكمي
بالعربي كل جهة حاولي تمشي على قد عقلو الكلية تبغى شهادة بمعدل تراكمي اساليهم كيف احولو والملحقية اصلا مهي سائلة مدام جاتك بعثة
الله يوفقك لما فيه خير

بالنسبة للسؤال الثاني حاولي تراسلي المعهد او المكتب اللي جبلك القبول
اذا مارضيو فوق ال 6 اشهر ادفعي من عندك حق 3 اشهر كمان عشان يعطوكي فيزا طالب طبعا هاذا اذا انتي متاكدة انك قاعدة سنة كاملة في نفس المعهد وطبعا الفلوس اللي بتدفعيها بتكون حول ال 400 اللي هية رسوم تسجيل وطبعا بترجعلك الفلوس بعدين
موفقة

أتمنى من الاخوان اصحاب الخبرة ان يضيفو موضوع عن التوصيات و شهدات التخرج و السجل الدراسي والعدد المطلوب من المبتعث ان ياخذه معه وان تكون مختوم طبق الاصل او لا , وان توضع في ضروف مختومة , وذلك حتى لايقع المبتعث في مشكل اثناء مراسلة الجامعات ( هذا كل اللي عندي شوية معلومات , لاكن مدري وش الطبخة ).
دمتم بود للابد...........