مساعدة كل مبتعث لديه القدرة على الجواب فليدخل جزاكم الله الف خير

وعليكم السلام ،،،،،،،
اذا موعد الدراسه قرب مرره والفيزا لسه ماطلعت ،،الافضل لك تاجلي الدراسه الين ماتطلع الفيزا وتزين اوضاعك كثير يسوون كذا
*بالنسبه لفيزا ماستر كارد روحي لبنك الراجحي اذا لك فيه حساب جاري وقولي لهم ابغى اطلع فيزا وهم راح يعطوك ابلكيشن تعبيه وطبعا تاخذ وقت عشان تطلع تقريبا ٣ ايام لانك مانت موظفه حكوميه بس روحي من الان وقدمي عليها..
*مواعيد التقديم في الجامعات : فيه كثير جامعات لسه التقديم ماخلص وع حسب تخصصك اذا كان من التخصصات الطبيه انصحك من الان جهزي اوراقك (غرض من الدراسه + سيره ذاتيه +بعض الجامعات تطلب رساله بحث زي ماطلبوني + توصياتك حطيها بظروف مختمه ونفس الشي كشف الدرجات) وياليت تقولي ايش تخصصك عشان اساعدك اكثر
* بالنسبه للحجز بصراحه ماعندي اي فكره لاني انا اتذكر حجزت متاخر بعد ماطلعت الفيزا ..

آخر حاجه عندي طلب صغير ادعيلي احصل قبول خلال ذا الشهر ...
واذا تبغين شي امري ....بالتوفيق

شامخة الذات ياااارب ينور بالك ويفرج همك وتلاقين قبوووول يفرح قلبك ويفتح بوجهك ابواب الخير

بخصوص دراستي باقي عليها اسبوعين هي يوم 28 فبراير والفيزا لها هلحين 19 يوم
وش تنصحيني؟..

بخصوص الماستر كارد هل لو طلعتها من الراجحي افضل من الاهلي لأني ابي بنك افتح فيه حساب مره وحدة عشان اقدر احول منه لكندا او العكس...

تخصصي ادارة اعمال تسوويق
ومعدلي 4ونص من 5



تكفين ساعديني

اختي البطاقه تقدري تطلبينها من البنك الاهلي بطاقة فيزا تحطي فلوسك كلها في البطاقه وتاخذيها ومن اي صراف في كندا تصرفيها
طبعا البطاقه ببلاش بس فيها رسوم 100 ريال سنويا

القبول والله ماعندي علم

بالتوفيق ياااااااااااارب

طيب اخ حسنلو انا استخرجت البطاقه وحطيت فيها بس 100 ريال مثلآوبعد اسبوع دخلت فيها 10 الف او ا5000 يمديني عادي

اختي اليوم 9 فبراير وانتي تقولي مضى 19 يوم من ارسالك اوراق الفيزا ومن اليوم الى 28 فبراير عندك 19 يوم...

على حسب المعطيات اعلاهـ وعلى حسب الوقت اللي تجي فيه الفيزا لاغلبية الطلاب فيزتك راح تجي بعد 13 او 14 يوم

يعني اذا كانت تقديراتي صحيحه راح تجيكي الفيزا وقدامك اسبوع تقريبا لبداية دراستك...

فتصيحتي لك ودرءاً للتأخير اللي مش في صالحك انتظري للوقت المقدر مني وبنسبة 90% راح تجيكي الفيزا فيه اذا كانت اوراقك كامله تماماً بأذن الله...ويكون قدامك اسبوع تستخرجي قرار الابتعاث والتذاكر كلها في يوم وبأذن الله تلاقي حجز قبل دراستك بيومين لاني رحت لمكتب الطيار وسألته عن الرحلات هل متوفره او مضغوط الحجز قلي لا كلها متوفره وبتلاقي ان شاء الله وانا على اني بحجز في 24 او 25 فبراير تذكره لاخر يوم في فبراير او اول يوم في مارس....<<مجرد رأي لكِ الاخذ به او تركه

الماستر / فيزا كارد بسيطه تروحي لاقرب فرع بنك الاهلي او الراجحي وتفكي حساب عندهم اذا ما عندك من اول ومتطلبات فتح حساب بالنسبه للبنك الاهلي (الراجحي مدري) ... مشهد من جامعتك او من شيخ قبيلتكم ومختوم وبرنت من الاحوال وبطاقة الاحوال بس وفورم تعبيه عندهم في نفس البنك...

بالنسبه للتقديم للجامعات ما افتيكي صراحه لاني بكالوريوس يجيني قبولي الى حدي من الوزارهـ << يحق لك مدلع

اتمنى من اهل الخبرهـ إفادتك واسأل الله تعالى ان يسهل علينا وعليك ويرشدنا لما فيه توفيقنا وصلاحنا....

دمـــــــــتـــــــم ســـــــآلـــمــيـــن..,,,