استفسار طالب جديد

وعليكم السلام ورحمة الله وبركاته

1-احد يعرف مكتب في الرياض يعبي الابليكشن حق الفيزه
"مكب الفيفا"

2- انا طالع على حسابي وابغى ادرس شهرين وارجع اقدر اطلع فيزه سياحه وادرس بيها
"اختصرها واطلع ٦ شهور او ٤ شهور بدال التعب والبهذلة "

3-احد يعرف معهد في تورونتو مافيه تكدس سعوديين
" والله مااعرف بس المعهدين اللي يمدحونهم الناس هو ilac و pls

4-كيف احصل عائله بدون مااروح لمكتب
"في مواقع كثيرة سو لها بحث بجوجل ومنها www.homestayfinder.com



واعذرني على القصور

تسلم اخوي فيصل ماقصرت
بس اذا تعرف عن الابليكشن وش فيه معلومات غريبه.لاني سمعت من واحد انه يحتاج معلومات عن الاهل واماكن ميلادهم وتاريخ الولاده ومعلومات ماتختص فيك لحالك وتحتاج تحضير
وبالنسبه للفيزا انا ابغى اعرف اقدر ادرس بالفيزا السياحيه ولا لا لاني ماستفيد من الفيزا الدراسيه لاني ادرس في السعوديه وبعدين سمعت انها معقده والسياحيه اسهل
والله خايف انهم يرفضوني وتروح علي الصيفيه .الله يستر بس

هلا اخوي طائر

الله يسلمك ماسويت شي

الابلكيشين اذا كنت بتطلع بحالك مااتوقع يطلبون معلومات عن الاهل بس اكيد يطلبو منك معلوماتك الكاملة ويمكن يطلبو رقم مرجع يعني واحد من اهلك ابوك اخوك عمك اي واحد يعرفك عز المعرفة.

واذا كانت دراستك اقل من ٦ شهور تطلع بفيزا سياحية

وفيزة الطالب الجديدة اللي هي ٥ سنوات ماتخذها الا اذا معك قبول معهد وجامعه

ولا ان شاء الله بس حاول تكون كل امورك تمام ومتطلبات الفيزة تكون كلها جاهزة وارسلها لهم وان شاء الله خير

واي خدمة اقدر اساعدك فيها انا جاهز

الله لايحرمني يافيصل والله ريحت بالي تعرف الواحد خايف يتوهق ويقدم وماتطلع الفيزا
لدرجة اني ماقدمت على معهد ولا على عائله خايف ادفع ولا تطلع الفيزا
انا اليوم رايح لمكتب الفيفا وياعسى خير
ودي اسالك اخوي فيصل انت في اي مدينه .انا ناوي اجي على تورونتو يقولون حلوه وطبيعه
وانت وش رايك ,انا والله جاي ادرس واتمشى تعرف بعد تعب سنه ود الواحد يريح ويغير جو
كيف تورونتو وكيف المعيشه فيها وكيف التسليه
اسف على الاطاله واتمنى نكون اصدقاء وتستحملنا شوي على كثرة الاسئله بس تعرف غريب ومااعرف احد هناك

هههههههههههههه الله يطولي بعمرك اخوي الطائر

والله خجلتني ، الله ييسر لك امورك ويفتحها بوجهك ان شاء الله،

انا ياطويل العمر للحين ماطلعت هناك بس لي خبرة بالشغلات هذي

انا ( واعوذ بالله من كلمت انا ) ان شاء الله ان تمت اموري على خير شهر ٦ تبدا دراستي بتورنتو ، وعلى فكرة المدينة روعه فيها كل شي بس تعرف فانكوفر اجمل مدينة بالعالم ومايضر تسير عليها اذا رحت

واذا بغيت شي انا حاضر ارسلي على الخاص

اهلين اخوي طائر بلا وطن

بما اني قاعد اقدم على معاهد في كندا اكيد بيكون عندي معلومات وبفيدك بالشي البسيط .


معاهد كندا :
اغلبها لازم تدفع حق 3 شهور أو 6 شهور أو سنه < هذي هي الشهور المحدده لك دراستها في كندا .

انا من رايي تتطلع قبول معهد حق سنه عشان تطلع فيزة طالب دارس على حسابه وتسوي ملف في المللحقيه لأن هالايام الإلحاق بالبعثه سهله شويتين .
ولما توصل كندا ادفع للمعهد حق 3 شهور وقول الباقي بعدين . < وبكذا ضربت عصفورين بحجر واحد .

اذا خلصت دراسه وما انضميت للبعثه ارجع بما انك رايح تآخذ لغه . واذا انضميت للبعثه تكمل دراستك وتريح بالك .

وهذي رابط فيه معلومات عن كندا وكيف تسوي قبول معهد وكيف تدبر عائلات ...الخ
http://www.mbt3th.us/vb/forum60/thread152192.html

وبالتوفيق اخوي

الله يعطيك العافية اخوي

الصراحة فكرة حلوه مره

بس اتوقع انى الرجال يدرس هنا او يشتغل ويبي يطلع في الصيف بس

تسلم اخوي فيصل واخوي عبدالله والله اذا الله اراد ان شاء الله بااكون هناك شهر 6 وان شاء الله نتقابل انا وياك اخوي فيصل .والله انا قدمت الاوراق يوم الاربعاء والباقي على الله وبالنسبه لفانكوفر ان شاء الله رايحين لها واذا ودك تخاويني الله يحيك .وان شاء الله نتواصل انا وياك
تسلمون شباب الله يكثر من امثالكم . والله عندي اشتفسارات كثيره بس خلها تطلع الفيزا وانا اوريكم هههههههههههههههههههههههههههههه

فيزة الزائر تدرس فيها عادي

ثانيا بخصوص السكن مع عائلة انت اذا قدمت علي معهد كلمهم ينسقون لك سكن مع عائله عن طريقهم