محظور
كندا
badeer , ذكر. محظور. من السعودية
, مبتعث فى كندا
, تخصصى english
, بجامعة أوكلاند
- اوكلاند, اوكلاند
- السعودية
- Apr 2011
المزيدl April 11th, 2011, 07:50 AM
April 11th, 2011, 07:50 AM
السلام عليكم ورحمه الله وبركاته
اسعد الله صباحكم . ومسائكم بالخيرات
بختصار يا اخوان انا ابغى ادرس في كندا في البدايه على حسابي الخاص
فبماذا تنصحوني .. هل اجيب قبول بمعهد تابع لجامعه ولا اسجل بأي معهد اكاديمي ..!!
انا بصراحه ارغب بدراسه اللغه الانجليزيه هناك .. هل بالامكان الاتحاق بالبعثه بهذا التخصص..!!
ولا ااخذ تخصص اخر مع العلم ان شهادتي ثانويه عامه ادبي والنسبه حلوه
وبماذا تنصحوني
..
والله لايهينكم ابي الجامعه المعتمده بتورنتو .. او فانكوفر لأبداء من عندهم
مادري طريقتي هذي سليمه ولا لا ..
هل اعتمد هذه الخطوه .. نورنا الله ينور جميع ايامكم
والله يجزاكم الجنه
اخوانا اللي في كندا واللي جربو اصاحب الخبره
ياوخوان معقوله مافيه احد يجاوبني
مشاهدات 12
والردود 0
badeer April 11th, 2011, 11:32 PM
7 " وعليكم السلام ورحمه الله وبركاته
والله يااخوي انا مثل حالك نسبتي بعد حلوة وابغي ادرس ع حسابي وحطيت موضوع والكل يشاهد الموضوع ومحد يقول وعليكم السلام ماادري شسالفه
لكن اقدر انصحك بشي واحد فقط
طبعا بكندا مايهتمون ان كنت ادبي ولا علمي لانك حتى تقدر تدخل صيدله لو تحب لكن لها شروط واشياء لازم تسويها
المهم
لو حاب تدخل قانون انا انصحك بجامعه برتش كولومبيا الي انا بعد ابغي ادخل لها
لانها جامعه ممتازة على حسب ماسمعت وبنفس الوقت سمعت انها غاليه لكن كم بالضبط ماادري
واذا عاجبك تدخل بزنس انصحك بجامعه كواتلن بعد هذه جامعه حلوة
هذه جامعات بفانكوفر لكن لو تحب تدخل جامعه بتورنتو رخيصه وحلوة انا انصحك بجامعه الكوما
وبتحصل عندهم عروض حلوة وانا لو ماحصلت اي امل بفانكوفر بدخل جامعه الكوما
وطبعا لو على حسابك الخاص الجامعه والسفاره الكنديه تطلب منك رساله من الكفيل بمصاريفك انه يتعهد بكل مصاريفك الدراسيه وكشف حساب لاخر 6 شهور وطبعا لازم يكون راتب الكفيل بمصاريفك حلو حتى فيزتك ماتتأخر والجواز وصور شخصيه خلفيتها بيضه
الي اعرفه ان شي مكاتب كثيره عندهم بالسعوديه تقدر توفر لك القبول ان كان على حسابك الخاص وبالنسبه للبعثه ماعندي اي خلفيه عنها لاني مو سعودي
وربي يحفظك
فزعتكم April 12th, 2011, 01:22 AM
7 " عيوني ولايهمك وان شاء الله ربي ييسر امورك
انا البارحه بعثت حد من الاصدقاء لجامعه برتش كولومبيا يستفسر لي كم تكاليف دراسة القانون
بالضبط تطلع 24 الف دولار بالسنه طبعا هذا بجامعه برتش كولومبيا
وانا انصحك لله لاتدخل لغه بمعهد خارج الجامعه
يعني مثلا لو حاب تدرس بجامعه برتش كولومبيا روح سجل بالمعهد مالهم مال لغه عشان وية ماتسجل بمعهد لغة تطلب من الجامعه ان يحجزو لك مقعد حتى تضمن لك مقعد بالجامعه بعد ماتخلص لغة
في حالة لو درست لغة خارج الجامعه بصعوبه تحصل قبول جامعي وخصوصا القانون لان المقاعد محدوده لكن انت الي راح ينفعك نسبتك بالثانوية لانها حلوة مثل ماقلت
المعهد مال برتش كولومبيا مال لغة تكاليفه تقريبا 330 دولار بالاسبوع يمكن بزياده خمس دولارات او ناقص خمس دولارات لكن بهذا الحدود
هذه معلومات صحيحه وربي يشهد على كلامي وانا بالنسبه لي لما شفت الدراسة جذي غاليه مال قانون احتمال ادرس بزنس
وبالنسبه لجامعات الي انا ذكرتهم كلها معتمده من خلال وزارة تعليم العالي بالسعودية
ان كانت جامعه كواتلن الي بفانكوفر او جامعه برتش كولومبيا الي بفانكوفر او جامعه الكوما الي بتورنتو
لكن الي متأكد منهم مليون بالميه الي ذكرتهم بفانكوفر لكن الكوما مامتأكد ميه بالميه
وربي يوفقك
فزعتكم April 12th, 2011, 02:51 PM
7 " مرحبا اخوي ياليت تفهم شي قبل تستعجل امورك
اول شي مافيه شي اسمه اختار تورنتو والا فانكوفر الدعوا مو هياط الدعواا دراسه في اي مدينة تلاقي فيها جامعة تقبلك رح لها ولا تشاور
ثاني شي ركز في قبول الغه خلك في قبول الغه بعدين اذا جيت هنا تعرف وش الجامعات وكذا
ابي انبهك على شي انت جاي هنا لهدف حط هذا الهدف بين عيونك ولا تسمع الى اي احد ادرس وانجح وبتلاقي ربي بيوفقك
اي استفسار انا موجوود واسف على اسلوبي الجلف شوي هههه لني ابيك تهتم بدراستك وخلك من برتيش كولمبيا او غيرها الحين. وشكرا
Zoro Riyadh April 12th, 2011, 02:53 PM
7 " الريال يبغي يدرس ع حسابه مو بعثه
ثانيا شو الفايده انه يهتم بلغه ومايحصل قبول جامعي خصوصا ان مختار قسم القانون والكل عارف القانون مو بسهولة تحصل مقعد
اخ بدير الي ايده بالنار مو مثل الي ايده بالماي
انت حالتك مثل حالتي بالضبط وانا انصحك لله ومالي من اجر واجري على الله
بالنسبه للقانون افضل جامعه تقدر تدرس فيها هي برتش كولومبيا وهذه جامعه معروفه عالميا وتقدر تسأل عليها الشباب الي يدرسون فيها وهم يقدرون يكلموك عنها اكثر مني
لكن لو تبغي تدرس قسم ثاني غير القانون فيه عندك جامعات كثيره تقدر تختار منها الي يناسبك وانا كلمتك على اساس انك تبغي تدرس القانون
لان القانون يعتبر في كندا ثاني قسم بعد الطب لان مستقبله مضمون مليون بالميه ان كان بكندا او خارج كندا
وطبعا القرار راجع لك لان هذا مستقبلك وبالنسبه لقبول لغه مو موضوع صعب مثل ماتفضل الاخ
معاهد لغة بكل مكان بكندا وفيه الغالي وفيه الرخيص وكل المعاهد تقبلك بدون نقاش لكن قولي كيف راح يقبلوك بالجامعه
وخصوصا القانون
حتى مااطول عليك اخوي بقولك شي
لو ناوي تدرس قانون في فانكوفر بدون نقاش روح لجامعه برتش كولومبيا وادرس لغة في معهدهم داخل الجامعه حتى لما تقدم على القانون قبولك يكون سهل واسهل من ماتجيهم من معهد ثاني
والي خلق فانكوفر خلق كثير مدن غيرها بكندا وطبعا انت تختار الي يناسبك لكن فانكوفر اعتقد هي الافضل لكن يعيبها انها شوي غاليه
والقرار لك ولو تفكر بكلامي شوي بتلاقيه عقلاني اكثر من كلام الاخ زورو الرياض ماادري ليش مكبر السالفه ويبغي يصعبها عليك ومايبغيك تدخل برتش كولومبيا يمكن لانها من افضل جامعات كندا وترتيبها من ضمن اول عشر جامعات بالعالم
ربي يوفقك ويوفق زورو الرياض وكل اهلنا بالسعودية
فزعتكم April 12th, 2011, 05:10 PM
7 " سؤالي الاخير يا أخوان فالبدايه اقدم من السعوديه على قبول معهد تبع للجامعه فقط ..؟ ولا قبول معهد وقبول جامعه في أن واحد ...؟؟
اتمنى افهم هالنقطه يالغالين وشكرا لكم
..
badeer April 13th, 2011, 08:12 AM
7 " طيب اخوي قدم على قبول معهد تابع لجامعه معترف فيها
بنسبه لخونا فزاعتكم الله يجزاه خير بس الكلام الي يقوله مو لزم لك انك تفهمه الحين لن الامور بتتلخبط عليك وش برتيش كولمبيا وش فانكوفر واي جامعه ثانيه هذا الكلام اذا جيت هنا وصرت مبتعث ذيك السااعه نتكلم في هذا الموضوع اهم شي تركزعلى قبول المعهد التابع لجامعه نعترف فيها من التعليم العالي وبعدها فيه باذن الله مليون حل وحل شكرا
Zoro Riyadh April 13th, 2011, 04:45 PM
7 "
April 11th, 2011, 07:50 AM
السلام عليكم ورحمه الله وبركاتهاسعد الله صباحكم . ومسائكم بالخيرات
بختصار يا اخوان انا ابغى ادرس في كندا في البدايه على حسابي الخاص
فبماذا تنصحوني .. هل اجيب قبول بمعهد تابع لجامعه ولا اسجل بأي معهد اكاديمي ..!!
انا بصراحه ارغب بدراسه اللغه الانجليزيه هناك .. هل بالامكان الاتحاق بالبعثه بهذا التخصص..!!
ولا ااخذ تخصص اخر مع العلم ان شهادتي ثانويه عامه ادبي والنسبه حلوه
وبماذا تنصحوني
..
والله لايهينكم ابي الجامعه المعتمده بتورنتو .. او فانكوفر لأبداء من عندهم
مادري طريقتي هذي سليمه ولا لا ..
هل اعتمد هذه الخطوه .. نورنا الله ينور جميع ايامكم
والله يجزاكم الجنه
اخوانا اللي في كندا واللي جربو اصاحب الخبره