الأعضاء الإشتراك و التسجيل

الملتقيات
ADs

مساعدة وزن الامتعة العفش المسموح به على الخطوط + سؤال ثاني :) ضروري ي شباب وبنات

مساعدة وزن الامتعة العفش المسموح به على الخطوط + سؤال ثاني :) ضروري ي شباب وبنات


NOTICE

تنبيه: هذا الموضوع قديم. تم طرحه قبل 4732 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية آوهايو
    آوهايو

    مبتعث جديد New Member

    آوهايو السعودية

    آوهايو , ذكر. مبتعث جديد New Member. من السعودية , مبتعث فى السعودية , تخصصى طب اسنان , بجامعة ...
    • ...
    • طب اسنان
    • ذكر
    • ..., الرياض
    • السعودية
    • Nov 2010
    المزيدl

    April 15th, 2011, 03:54 PM

    السلام عليكم ورحمه الله وبركاته
    ي اخوان انا بحثت كثير ب المنتدى لكن م حصلت الجواب الاكيد
    سؤالي هو.. كم وزن الامتعة العفش المسموح به على الخطوط التركيه؟ وكم شنطه؟
    علما بأن خط سير الرحله الرياض-اسطنبول-تورنتو
    انا سمعت ناس يقولون شنطه وحده وما تتعدى 32 كيلو وناس تقول شنطتين الوحده 23 كيلو بصراحه انا دخت
    ابي الجواب الصحيح لاني م ابي اروح وبعدين اتوهق ب المطار
    وفيه شي ثاني بعد
    انا ان شاء الله راح اقعد ب كندا 3 شهور علشان اطور اللغه عندي . "على حسابي الخاص"
    السؤال هو.. الفلوس اللي معي وين اوديها؟
    1-فيه ناس قالوا لي خذها معك كاش بس مو كلها يعني ع سبيل المثال خذ 5 الاف والباقي اسحبها عن طريق الصرافه حقتك..
    2-وفيه ناس قالوا افتحلك حساب هناك "بس انا ما اعرف شي ولا اعرف البنوك اللي هناك ف ياليت لو احد عنده خلفيه عن البنوك يفيدني وراح ادعي له من كل قلبي"
    3-وفيه ناس قلوا خذ معك فيزا حقة البنك الاهلي "بس تراني ما اعرف بالفيزا شي ومدري احسها قروشه"
    انا اشوف الخيار الاول هو الزين فيهم بس مدري وش رايكم انتم؟
    وفيه حاجه ثانيه .. انه لو حطيت الفلوس في احد البنوك بالسعوديه وجيت ابي اسحب من احد الصرافات ب كندا ياخذون على كل سحبه فلوس..
    س| كم ياخذون على كل سحبه؟ ايضاً البنوك على حسب يعني فيه بنك ياخذ على كل سحبه مثلا 50 ريال وفيه بنك ثاني ياخذ 30 ريال .. ابي بنك ياخذا اقل فلوس.. اذا فيه احد عنده خلفيه يقولي تكفون ضروووري
    ادري طولت عليكم بس لازم الواحد يعرف...
    ياليت اي واحد يدخل يجاوب ع الاسئله اذا كان يقدر مو شرط كلها جاوب ع اللي تقدر عليه
    وراح ادعيلك من قلبي
    وشكراً
  2. بجاوبك على الاسئله اللي اعرفها

    بخصوص الوزن تقريبا كل الخطوط وزنها واحد يعنى وزن عالمي يمكن في بعض الخطوط تتقاضي عن كم كيلو يعنى ثلاث او اربع كيلو فقط

    الوزن المسموح فيه 32 كيلوا مقسمه على شنطتين الشنطه الاولى لا تتجاوز 23 كيلو يعنى احسن ليكى تاخذي شنطتين وتحطى في كل شنطه 16 كيلو على شان ما تتعبك

    بالتنقل فيها وفيه خمسه او عشر كيلو شنطه صغير تحملينها معك بالطياره مثلا لاب توب وكذا .... بس مو متاكد هى خمسه ولا عشره تقدري تتصلى على اي مكتب خطوط ويعطيكى التفاصيل كامله....

    بخصوص المبالغ النقديه :

    نصيحتى تفتحى حساب هناك بالسعوديه مثلا في بنك البلاد لانه ياخذ على كل سحبه 30 ريال وخذي معك في جيبك اللي يكفيكى طول الطريق الى ان تصلى تورنتو

    وحق التكسي وحق الفندق يعنى الف وخمسمائة دولار اعتقد تكفي الين ما تستقري طبعا خذي كندى مو سعودى اقصد العمله تقريبا تكون خمس الاف او ست الاف

    طبعا انتى هناك مو كل يوم تسحبى خلاص يصير لسحب كل اسبوع مره تسحبي مصاريف اسبوع ....مدام انك جالسه ثلاث شهور فقط

    لان تفتحى حساب هناك على شان ثلاث شهور ما هي مستاهله ....البنك خلال ثلاث شهور بياخذ رسوم تقريبا 300 ريال لو كنتى تسحبي كل عشر ايام او 400 تقريبا لو تسحبى كل اسبوع

    مبلغ بسيط لو قارنتيه بقيمة التكسيى اللي بيوديكى للبنك ويرجعك ثاني بياخذ منك يمكن نفس المبلغ لو بتروحى تفتحي حساب ويمكن زياده شوي ويمكن يكون البنك قريب هذا وضع ثاني .....


    الفيزا كل سحبه بثلاثين ريال هى فقط للشراء يعنى لما تروحى سوبر او فندق وتدفعى عن طريق الفيزا ما ياخذون شي مجاني اما لو سحبتى فلوس ياخذون ثلاثيين ريال

    برضوا هى كويسه تفيدك عن البطاقه العاديه انها تفيدك بالدفع لما تشترين بدون رسوم بس تاكدى انا ما عندي خلفيه كبيره هل ياخذون ثلاثيين ريال مقابل السحبه من الفيزا فقط

    ولا ياخذون ستين ريال ثلاثيين لعملية السحب وثلاثيين مقابل السخب من الفيزا لبنك يقدر يشرح ليكى اتصلى على بنك البلاد وهم يشرحون ليكى افضل ....

    اسم البطاقه فيزا مسبقة الدفع عليها رسوم اعتقد 200 ريال وفيه شغله ثانيه الفيزا هذي لازم تحطى مبلغ تقريبا 1800 ريال يحجزها البنك عنده وما تقدري تاخذيها غير لما تلغى البطاقه ...


    المفيد : الخيار الاول اللي انتى ذكرتيه هو افضل حل بس اهم شي فيه يكون سحبك كل عشر ايام على قد مصاريف العشر ايام....


    __________

    جاء وقت سؤالى ليكى مصلحه بمصلحه يعنى هههههههههههه

    انتى في اي معهد بتدرسي واي مدينه وكم الرسوم بالتفصيل

    لانى معى زوجتى بخليها تدرس بكندا على حسابي


    تحياتي
    7 "
  3. يعطيك الف عافيه "مترجم احاسيس" الله يوفقك ويبعد عنك كل شر
    انا ولد
    ب النسبه للمعهد اسمه pacific getaway له 3 فروع بكندا : تورنتو - فانوفر - فكتوريا
    والرسوم انا اخذت 25 ساعه بالاسبوع لمده 3 شهور ...تقريباً 25 الف ريال( العائله + وجبتين + استقبال مطار + فيزا ومصاريف المكتب اللي قدمت عليه)
    سؤااال..
    بالنسبه للشنطه عادي اخذ معي شنطه كبيره ويكون وزنها 30 كيلو؟ ولا لازم اقسمها على شنطتين..!
    وبالنسبه للعطورات والشامبو وش الحد الاقصى ؟سمعت انه 100 مل بس مدري هل هم يقصدون العطورات والشامبو مع بعض لازم انها ما تتعدا 100 مل؟ او كل وحده لحال
    7 "
  4. معليش يا اخوى البنات اكلوا مخى ههههههههههههه


    لا مو كلها 100 مل خذ اللي يكفيك بس كل قاروره لا يزيد عن 100 مل يعنى لو تاخذ ثلاث او اربع عطور وكم حبة شامبو ماعندك مشكله

    هذا رقم واحد اسمه محمد بمكتب فرناس للسياحه اتصل عليه بيعطيك التفاصيل بالكامل طبعا فهمه انك بتقطع تذكره من عنده على شان يتحمس معك

    0555801491

    في محافظة ينبع المكتب


    _______________

    بسالك بالنسبه للدراسه لو بدون اكل وسكن فقط دراسه كم تكلف وعدد الساعات 15 ساعه بالاسبوع لمدة ست شهور

    مع انى ودى بمعهد ilscبتورنتو بس دخلت على موقعهم وشفت الاسعار ما فهمت شي منها
    7 "
  5. يعطيك الف عافيه مترجم احاسيس الله يسهل عليك كل امورك
    ب النسبه لمعهد ilsc
    واحد من اخوياي درس فيه الصيفيه الماضيه 15 ساعه ب الاسبوع ل مده 3 شهور شامله الاكل والسكن واستقبال المطار والفيزا ومصاريف المكتب ب 22 الف ريال سعودي
    والله م عندي خلفيه اذا كنت تبي 6 شهور من غير الاكل.. فيه واحد من الشباب يقولي ان مكتب الراجحي مسوي عرض 3 شهور ب 15 الف بس ماني متأكد
    هذا رقم موضف ب مكتب الراجحي اسمه عماد دق عليه واستفسر 0562404165
    تره صديقي يقول ان المعهد كويس واسعاره حلوه
    7 "
  6. المشاركة الأصلية كتبت بواسطة جيمكروز
    اخوي طيب كيف المعهد >>>كم سعره بدون المعيشة والفيزا والخ
    فقط المعهد وكيف اقوى من ilsc
    والله المعهد يقولون انه بطل...سعره على حسب الاشهر اللي تبيها تقدر تدق على عماد وتستفسر منه
    اتوقع كلهم نفس الشي يعني كلهم كويسين
    7 "
  7. اخوي " مترجم احاسيس"
    رحت لبنك البلاد وسألتهم كم ياخذون على كل سحبه برى السعوديه قالي 50 ريال على كل سحبه او اكثر!!
    بصراحه والله كثير
    طيب انت وش رايك.. انا باخذ معي حوالي 10 الاف ريال مصاريف حقت 3 شهور.. هل المبلغ كافي؟..لو اخذت المبلغ معي كاش وحطيته عند العائله اللي راح اسكن عندها "ب غرفتي" ان شاء الله.. هل المكان آمن؟
    وحبيت اسألك انت حالياً ب كندا؟ وباي مدينه؟
    7 "
  8. الله يعطيك العافيه اخوى:اوهايو ويسخر لك كل خيرررررررررررر

    كلمت صاحب الجوال الحقيقه رجل محترم

    والاسعار ممتازه حتى يستفيد الجميع

    الاسعار ست شهور بـ20 الف بدون السكن والاكل فقط دراسه الدراسه بتكون من الساعه 9 الى الساعه 2 الظهر

    وفي ساعات اقل من الساعه 9 الى الساعه 12 يكلف 17 الف ريال ونفس الشي ست شهور شامله الدراسه فقط الاسعار
    7 "
  9. المشاركة الأصلية كتبت بواسطة آوهايو
    اخوي " مترجم احاسيس"
    رحت لبنك البلاد وسألتهم كم ياخذون على كل سحبه برى السعوديه قالي 50 ريال على كل سحبه او اكثر!!
    بصراحه والله كثير
    طيب انت وش رايك.. انا باخذ معي حوالي 10 الاف ريال مصاريف حقت 3 شهور.. هل المبلغ كافي؟..لو اخذت المبلغ معي كاش وحطيته عند العائله اللي راح اسكن عندها "ب غرفتي" ان شاء الله.. هل المكان آمن؟
    وحبيت اسألك انت حالياً ب كندا؟ وباي مدينه؟
    غريبه بنك البلاد انا كنت عندهم الاسبوع اللي فات وقال لى ياخذون على كل سحبه 30 ريال

    شوف المعيشه هناك على حسب ما تصرف انت

    يعنى في اشياء اساسيه مثل

    *المواصلات بتكلفك شهريا 125 دولار ثلاث شهور 375 دولار يعنى :1500 ريال بالثلاث شهور مواصلات
    *السكن عند عائله تقريبا 800 دولار يعنى بالثلاث شهور بتكلفك :9600 ريال سكن
    *لو نقول مصروف جيب يوميا بالمتوسط 30دولار بالثلاث شهور بيكلفك 2700 دولار يعنى بالريال السعودي :10800
    *جوال شهريا تقريبا 100 دولار يكلفك تقريبا بالثلاث شهور :1200 ريال
    *لوازم المعهد تصوير اوراق وكتب تقريبا 200 دولار بالثلاث شهور بيكلفك تقريبا 800 ريال

    انا مدري العائله توفر لك وجبات الاكل او لا .....؟

    في حال ما توفر لك اسعار وجبات الاكل الفطور تقريبا 10 دولار والغداء 15 دولار ووالعشاء 10 دولار يعنى باليوم : 35 دولار يوميا

    بالثلاث شهور تكلفك 12600 ريال

    طبعا حسبه تقريبه انا حسبتها لك ممكن تزيد شوي او تنقص شوي بس هذا المعدل الوسط


    24 الف ريال بدون الوجبات مع الوجبات بيوصل الى

    المجموع بيكون 36 الف ريال

    ---------------

    انا حاليا بالسعوديه بسافر بعد شهر

    وبالنسبه للفلوس تخليها معك والله الواحد يخاف تضيع او تنسرق مشكله

    العوائل بكندا وخاصه اللي عن طريق المعهد الوضع عندهم اماااااااااان ولا تخاف من شي بس الاحتياط واجب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.