ارجوا المساعدة فانكوفر والا تورينتو

يارب احد يعبرنا

هلابك اخوي

انت اخترت مدينتين مليانه سعودين يعني ما راح تتعلم كثير
وراح تدرس لمده قليله لازم تكون حريص اكثر
فانكوفر حلوه والسعوديين اقلمن ترينتو

وانا ماعندي خلفيه كثير
ولكن اسمع عن هالشي واقرا كثير عنها

اتمنى لك التوفيق

انا في تورنتو بس كلام الاخ صحيح المدينتين ملانة سعوديين في كل المعاهد التجارية
نصيحتي اذا تقدر تجيب قبول في مدينة صغيرة او قبول من معهد اكاديمي في اي مدينة افضل ورح تتعلم اللغة بسرعة في مدة قليلة

طيب ايش المدن الي قريبه
وعن طريق اي مكتب
ياليت تخبروني لان مابقى وقت عشان الفيزا

مدام على حسابك ليش ما تروح بريطانيا

السلام عليكم ورحمة الله ـ ـ ـ

بس حبيت اعقب على نقطة ڈكرتها الاخت الكريمـة ام فوز ... والاخ فارق ياروح امك ,, كل ماجيت اقرا كومنت عن معهد ولا جامعة قالو العالم الجامعة ولا المدينة مليانة سعوديين ,... سعوديين سعوديين .. طيب مو كل الناس مبتعثين زيك زيهم، يعمي بس ارجو انو ماتكون شماعة نعلق عليها .. يعني الدراسة وقفت على السعوديين سبحان الله .. هي مجهودات شخصية سواء الواحد بيدرس في معهد فيه سعوديين ولا مافيه تعتمد على الشخص نفسه وبس شكرا ...

حبيبي انت بما انك جاي شهرين لغة اكيد تبغى تنبسط شوية مو معقولة بتجي بتخلي السفرة كلها دراسة .. يعني تبغى تتمشى شوية وتطلع تشوف الناس وتتعرف على البلد ودا كلو يساعدك برضو تكتسب لغـة .. فنصيحتي لك انك تروح مدينة كبيرة زي تورونتو او فانكوفر ... لانو المدن كبار وفيها ملتي كلتشر يعني من كل الجنسيات فتضطر انك تتكلم انقلشـ اما المدن الصغيرة فهي لطلاب الجامعات .. اللي بيدخلو معهد اكاديمي يعني انت لو دخلت اكاديمي يجيك احباط بس انت ادخل معهد تجاري لانك ماتبى تكمل دراسة بس شهرين وتمشي .. والحلو في المدن الكبار انو فيها خيارات عديدة في المعاهد التجارية !!

انا نصيحتي تورونتو لك.. مع العلم انا اقلك صحيح فيها نسبة سعوديين كبيرة بس في الاول والاخير تعتمد عليك انت لانك انت اللي بتتعلمـ ... يعني السعوديين مالهم دخل في تعليمك وانا ماني من اللي يؤيد فكرة والله ان المعهد مليان سعوديين ما ادرس فيه.. اول شي تورونتو تقريبا بحكم اني انا عشت فيها مدينة حلوة وكبيرة وسهل التنقل فيها بالصب وي والباصات والاستريت كار فيها كل شي يخطر على بالكـ . . . اسواق سوبرماركتات محلات البريد كلها قريبة يعني زي مايقولو Accessible سهل الوصول لها وبحكم انها اكبر مدينة في كندا تلقى فيها احتفالات جميلة في الصيف خصوصا في دندس سكوير اللي راح تلقاه مليان سعوديين ههههههه بس المدينة ككل جميلة وماراح تندم لو جيت فيها .. اما فانكوفر اسال الناس اللي درسو فيها او جربو ها انا ماعندي اي خلفية عنها ولا حاب افتيلك بمجرد اني بس سمعت ,...

الله يوفقكـ

دمت بود,

^^^^^^^^^^
شاكر لك اخي
هذا الكلام الي يفتح النفس
وبالنسبة المعهد الي رايح له معهد قوي وياخذ نسب معينه من الجنسيات حيث لا تطغى وحده على الاخرى


ياليت الي راحوا فانكوفر نستفيد منهم

وش اسم المعهد عشان نقدر نساعدك يمكن نعرف عنه؟

ILac international language academy of canada

وهو موجود بفانكوفر وتورينتو