استفسار رأيكم في معهد HANSA تورنتو .. ارجوكم لا تبخلوا بإفادتي :)

وعليكم السلام ورحمة الله وبركاته

بما أنك على حسابك الخاص فـ معهد هانسا "مناسب"

لكن اي معهد سواء هانسا أو غيره ماراح يعطيك اكثر من 50% من اللغة
لأنه بتكون فقط اربع او خمس ساعات في المعهد يوميا..وباقي يومك يعتمد عليك..لأنه مايكون مستواهم واحد اللي يذاكر بعد مايطلع ويحاول يطور نفسه في اللغة والثاني اللي يطلع وسوالف وتمشيات مع سعوديين وعرب.

بالنسبة للهوم ستاي مااقدر افيدك..لأني ماجربت هالمواقع

اتمنى افدتك لو بالقليل...بالتوفيق

هلا بيك يالغالي .

والله شوف وناخوك ،، انا كنت ادرس في هالمعهد بصراحة كان فوضى ،، يعني لعب وغيابات وسواليف ،، وتكيه عند بوابة المعهد و كانك قاعد في شارع التسالي ، لكن زميلي مكلمه قبل كم يوم يقولي دخلت وماشفت احد بالشارع ابد كل العالم بالصفوف ،، ومكلمه المدير يقوله انهم شادين على الطلاب خلاص خاصة على ربعنا .

اذا ع كلامك زميلك .. فالوضع ان شاءالله افضل .. عاد الجد ربعنا ما ينفع معهم الا كذا ..

فبرأيي يالغالي شهرين ماراح تسوي لك شي بصراحة ، لكن شي احسن من لاشي ،، واللغة تعتمد عليك انت اولا ثم على المعهد والطلاب اللي تخالطهم ،، وهالمعهد فيه ميزة ان رحلاته كثيرة ،، طبعا بفلوس ،، فبامكانك تطلع معاهم رحلات وتتعرف على اجانب ( مكسيكيين برازيليين وغيرهم ) وتطور لغتك .

صحيح شهرين قليلة .. لكن مثل ما تعرف طالب جامعي و ما عندي فرصة الا الصيف ..

واهم شي تطيح بالمستويات العليا عشان ماتنصدم لانك بتلاقي كل الطلاب اللي معك عرب في المستويات الاولى .
وانتبه على التست في البداية لانه ممكن يطيحونك في مستوى بايخ بسببه لذلك تحرص فيه ،، والمشكلة اللي شاهدتها بالمعهد انه فيه شوية تساهل ، يعني مثلا تلقاء واحد بالمستوى الثاني ومستواهـ ضعيف يروح يكلم المشرف ويقوله ابي المستوى الثالث وكلمه يمين ويسار وماتدري الا وهم ناقليه ،، يعني الدراهم يالغالي .

ان شاء الله قبل ما امشي .. راح اخذ review ع بعض الكتب اللي عندي و احاول استذكر بعض الكلمات حتى احصل ع المستوى المناسب و لا اتوهق مثل ما قلت


لكن لاتشيل هم رح وان شاء الله تستفيد واي نصائح او خدمات حنا حاضرين

اصيل يا بعدي و ما يجي منك قصور

علفكرة من حيث الاسعار برأيي وحسب دراستي انه الارخص والله اعلم .

أما بخصوص السكن فأنتبه وناخوك لان فيها استغلال كبير ،، يعني يختارون لك عائلة تطلع جذورها مكسيكية او يابانية او هندية لكن عايشين في كندا ،، يعني يجيك الاكسنت الله بالخير ،، وبعض العوائل ماتشوف رقعت وجههم في البيت ،، يعني يحطونك بغرفة ووقت الاكل ينزلون لك الصحن تبعك ومع السلامة ، فازمة العوائل بسبب ان جميع العوائل الكندية الاصل او اللي لغتها حلوة غير متاحة بسبب كثرة الطلاب هناك .
لكن روح وناخوك واحتك مع الطلاب واسال وان شاء الله تلقاء .
وبخصوص الموقع اللي تقول عنه ماقد جربته صراحة والله اعلم .

اذا خلصت الاجراءات المهمة .. راح اشيك ع بعض المواقع و اشوف العوائل المناسبة , برضو ممكن اشترط عليهم اذا ما عجبني الوضع من اول اسبوع او اسبوعين راح اغيرهم