زوجتي مرافقة لي + قبول شهرين = ؟؟

هلا بك يالغالي .

اللي فهمته انك بتطلع بعثة على حساب عملك وهم بيتكفلون بمصاريفك لكن زوجتك مالهم شغل فيها .
طيب وش دخل الملحقية بالسالفة ؟ أو تقصد تبي تقدم لها على الملحقية او شنو ؟؟

بالنسبة للفيزا الدراسية يالغالي يبيلك قبول معهد لمدة أكثر من الست شهور ،، يعني لمن تجيب قبول معهد تحت ست شهور راح يعطونك فيزة سياحية وليست فيزة دراسة .

فاذا تبي تقدم على فيزة دراسية لك ولزوجتك تفضل هذا الموضوع وان شاء الله يفيدك :
http://www.mbt3th.us/vb/forum108/thread278776.html

بالتوفيق وناخوك

اهليـــن ، وشكرا على الرد السريع
نعم ابطلع عن طريق عملي وراح يتكفلون دراستي فقط ، اما تكاليف السفر والتامين لي ولها مع مكافاة شهرية
الملحقية : نعم اقصد ، بعد وصولي ان شاء الله ساتقدم لطلب (دراسة مرافق للغة ) والي اعرفه ان الملحقية تتكفل بذلك

الفيزا الدراسية : بالنسبة لي قدمت مسبقا وانتظر الرد ، اما بالنسبة لزوجتي لسى ، وودي اقدم لها فيزا دراسية مع العلم انها حصلت على قبول شهرين من معهد لغة

ابكثر عليك الاستفسارت واعذرني اخوي وصدقني مالك الا الدعاء

في حالة انها حصلت على فيزا سياحية : هل تغيير الفيزا السياحية الى دراسية يتطلب الرجوع الى السعودية ؟ وهل يستغرف وقت فوق 3 اشهر ؟

ولك مني خالص الشكر والتقدير والله يوفقك

انصحك تجيب لها قبول لغه لمده سنه افضل لها عشان تضمن انها تاخذ فيزا دراسيه

هو كان الافضل تقدم لها معك وعطول تحطها بنفس اوراقك فيعطوها كان فيزا اقامه مثلها مثلك ومايستدعي تطلع من كندا
بس الحين ماضمن لك

طيب في حالة حصولها على قبول سنة

-هل القنصلية تعلم ان المرافقة تتكفل بها وزارة التعليم ( عن طريق الملحقية ) ؟ ام احتاج الى كشف حساب بمبلغ معين ؟

اخوي الغالي عبدالملك ،، بصراحة مافهمتك يالغالي ولاتزعل .

يعني مادري انت هالحين من يصرف عليك الملحقية او مقر العمل تبعك ؟؟
وزوجتك هل هي مبتعثة مثلا او يتكفل مقر عملك بمصاريفها ؟ لاني اشوفك تتكلم وكأن زوجتك مبتعثة او ضامنة البعثة في حال وصولها لكندا .

ياليت توضح يالغالي عشان اقدر افيدك لاني مافهمت جد ولخبطتني بين الملحقية وبين مقر عملك .

وبالنسبة للفيزا ،، لازم تطلع لها فيزة دراسية من السعودية ،، لان قبول المعهد ان كان اقل من ست شهور راح يعطونها فيزة سياحة ،، وفيزة السياحة ماتقدر تغيرها لفيزة طالب من كندا ،، يعني راح تضطر ترجع مره ثانية وتقدم على فيزة طالب .

فمثل ماقالك الاخ الي قبلي هات قبول سنة وقدم لها على فيزة دراسية وناخوك وانتظر انت وحظك ممكن شهر ممكن شهرين ممكن ثلاثة ممكن يجيك رفض ،، السفارة الكندية مالها أمان .

بالتوفيق يالغالي ومافيه ازعاج ابد بس ياليت توضح اللي فوق

ادري اني قلبت راسك وشكرا على رحابة وسعة صدرك

البعثة لي فقط عن طريق عملي ، ويتكفلون بمكافاة ورسوم دراسة لي فقط اما زوجتي ( تامين الصحي وتذاكر سفر فقط )
يعني زوجتي مالهم علاقة فيها ، طبعا زوجتي ماعندها اي قرار ابتعاث او شي يتكفل بدراستها ، وهذا مربط الفرس
الي صاير والي افكر فيه ، عند وصولي الى كندا ان شاء الله ابحاول اخليها تدرس لمدة طويلة لغة
وحسب لوائح وزراة التعليم العالي ان :
------------
وزارة التعليم العالي - شروط إلحاق الزوجة بالبعثة

ثالثا : وملخصها البند هو ان يحق للموظف المبتعث الحاق الزوجة في معاهد اللغة.
-------------
عموما ، احاول اجيب لها فيزا دراسية اي طريقة كانت ، حتى يسهل لها الدراسة والانضمام للبعثة التعليمية وليست دراسة اللغة لان دراسة اللغة سهل الحصول عليها لزوجة المبتعث .


شكرا لك اخوي مجددا والله يوفقك ويييسر امرك

والله ياخوي بالنسبه لسؤالك فما ظنتي
لان احنا مبتعثين التعليم العاليم ولازم نجيب خطاب ان الوزاره متكفله فينا وفي مرافقينا
فلو منك بجيب كشف حساب كانها بتدرس على حسابك واذا جيت كندا تقدم عن طريق الملحقيه والمره الجايه حق التجديد
يكون انفتح لكم ملف وتطلب الخطاب حق ان الملحقيه متكفله ويعطوك اياه

هلا بك يالغالي ، فهمتك الحين :

شوف وناخوك ، انا قراءت الشروط اللي تقولها لكن فيه الشرط رقم 2 يقول تنتهي بعثة الزوجة بانتهاء عمل زوجها ،، فهل بعثتك من قبل العمل طويلة او قليلة ؟

المهم يالغالي انت تبي تجيب فيزة دراسية للمدام عشان تقدم اوراقها للملحقية ويضمونها ان شاء الله :
أولا / لازم تجيب ورقة قبول لزوجتك لدراسة اللغة لمدة تزيد عن الـ 6 اشهر عشان يستخرجون لها فيزة دراسية . ورقة قبول دراسة اللغة شرط ضروري لاستخراج فيزة الدراسة الكندية .
ثانيا / عقب ماتجيب فيزة الدراسة لزوجتك أول ماتوصل الاراضي الكندية تقدم اوراقها لدى الملحقية السعودية لضمها للبعثة كمبتعثة او كمبتعثة مرافقة لزوجها الموظف .
ثالثا / يالغالي انا اشوف فيه لخبطة شوي بالشروط ، شرط يقول تلحق بالبعثة وتعامل كالطالبة ، وشرط يقول يدفع مصاريف دراستها فقط ، وشرط يقول تنتهي بعثتها بمجرد انتهاء زوجها الا بشروط . فمافهمت هالطريقة بصراحة .

علعموم يالغالي أنت طبق لزوجتك نفس الطريقة اللي يسويها اي شخص يبي يدرس للخارج وينضم للبعثة ،، يعني استخرج لها فيزة دراسية ، واذا طلعت الفيزا لكل حادث حديث ان شاء الله :

وتفضل هالرابط ان شاء الله يفيدك لاستخراج فيزة دراسية لزوجتك :
http://www.mbt3th.us/vb/forum108/thr...ml#post2791849

بالتوفيق وناخوك