بخصووص الفيزا تعبت نفسيتي تكفون بي حل يالربع

كلم السفاره او ارسل لهم اميل
وقل لهم ابغى أتاكد هل اوراقي كامله او في نقص

ليش قدمت متاخر على التاشيره على العموم مافي مشكله

العادة تاخذ شهر التاشيره

طبعا مع مراعاة وقت الدراسه

يعنى انا اتوقع ان التاشيره بتوصلك بتاريخ :17/6 الى تاريخ 21/6

لا ترسل للسفاره لان انت اللي متاخر في التقديم واخاف يرفضونها لو ارسلت لهم

لو جاء تاريخ 20/6 وما ارسلوا التاشيره راسلهم وقتها ومافي مشكله لو تاخرت اجل الدراسه اسبوعين ما يصير شي

موفق خير

اذكر الله وصلي على نبيك المختار
اخوي ان شاء الله انتا فيزتك مقبولة بس مسألة وقت دام هذا الوقت كله وهي عندهم اعتقد بس هي شوي فيها معاملات وو و و الخ
والله يفتحها عليك

اخووي شخصيه انا معك تقريبا ونفس موعد دراستك

بس في 27 مو 28 يونيو

انا ارسلت اوراقي في 16 مااي وارسلولي في 5 يونيو انها راح توصلني في 10 جولاي

وانا كان بالاساس موعد دراستي في 30 ماي بس اجلتها

والتاخير ماكان مني بالبداية صارت مشاكل مع المكتب وهيك وتاخرت في اصدارها

بس ان شاءالله تجينا مع بعض قبل الموعد اللي قالولي ومو شرط يرسلون لك عادي كثير مايرسلون لهم بس تجيهم

يعني مو شرط الرساله شكل بس

وبالتوفيق وان شاءالله نلتقي هنااك

طيب واللي له 6 شهور مقدم اوراقه ع السفاره الكنديه وما ردوا له وش يسوي .؟

من جدك ؟؟؟؟؟؟؟؟؟؟؟؟؟؟؟؟؟؟؟؟؟؟؟

متردد مابي رسل او اكلم خاف يعقدونها خلهم على راحتهم هههههههههه
للجميع يارب وان شاء الله تجينيا مع بعض والله فكر ومانام الليل سهر ونوم وتحطيم في تحطيم الله يعين بس
ونعم بالله
الامين يارب والله يفتحها بوجه كل واحد وتجي وتوصل فيزته ونسافر كلنا
ان شاء الله كريم يارب وتوصل الاوراقك يارب والجواز والتاشيره
دعواتك للنا بعد يالغالي
اف معقولا 6 شهور وش دعوه ؟؟؟؟؟؟؟؟؟؟

وعليكم السلام ورحمة الله ،، هلا بك اخوي .

شوف يالغالي أبعطيك نصيحة أخوية متواضعة بأمكانك قبولها او رفضها وهي مجربه :

أنتبه ثم أنتبه تقعد تهوجس وتعلل وتفسر وتخمن وتحرق اعصابك وتعلق أملك كله بهالشي ( قبول الفيزا ) ،، صدقني راح تتعب وراح تسوء نفسيتك وراء تصدم وتحطم نفسك قبل ماتجيك الصدمة الكبرى ( برأيك ) وهو رفض الفيزا لاسمح الله .

وناخوك الأنسان ماهب داري وش اللي مقدرهـ له الله ، ومايضمن ان بسفرهـ لكندا فهو ضمن مستقبل ناجح ، ومايضمن انه ان جاهـ الرفض تندمر حياته ويندمر مستقبله ، مشكلتنا وناخوك نعلق أمالنا وطموحاتنا على بلد لأننا نسمع كثير عن جمالها او عن قوة دراستها او عن سرعة الالتحاق فيها والامل كل يوم يكبر ويكبر لحد مانسافر لتلك البلد وننصدم بالحقيقة المرهـ وتصبح الصدمة أقوى ،، لكن لمن أهيئ نفسي من البداية واقدم اوراقي واقول لنفسي جاء القبول اهلا وسهلا والله يوفقني ،، رفضو فيزتي راح اقول الحمدلله على كل حال والدنيا ماطارت بأمكاني اقدم مرهـ ثانية وبأمكاني اغير البلد والخيرهـ فيما اختارهـ الله ،، فساعتها راح تحس بالراحة وراح تشوف الفرق .

عندك أنا اعرف ناس شخصيا كانوا متعلقين جدا مثلك بسالفة الفيزا وخايفين وقلقانين اللي قعدة فيزته شهر واللي شهرين واللي ثلاثة وفوق وتخيل كل هالفترة قلق وخوف وكل يوم تعليلات وتفسيرات وتخيلات وعقب ماجاتهم الفيزا وسافروا لكندا ،، فأكثرهم حماس وقلق وحرص على الفيزا والله يالغالي والله شاهد علي ماكمل اسبوع فيها ، رجع للسعودية مباشرة .

فهدي من اعصابك وناخوك وطمن نفسك ومالها داعي القلق والخوف ابدا ،، وبامكانك تاخذ فرهـ على المنتدى وتشوف اللي له ثلاث اشهر واللي له اربعة وللحين ماطلعت فيزتهم ،، وبخصوص رفض فيزتك لامريكا مافيها تاثير ان شاء الله ،، لاني اخبر طلاب كانوا يدرسون في امريكا ورفضو تجديد فيزهم وثمن قدموا لكندا وجاتهم الفيزا مباشرة .

أرضى بما قسم الله لك تكن أسعد الناس

بالتوفيق والعذر على الاطالة .