استفسار : إكمال الدراسة على حسابي تكفون طالبكم افيدوني يا اهل كندا

الله يفرج همك واي خدمه انشاء الله بساعدك لوجه اله بدون مقااابل

ياخوي وش مقابل مادي الله يهديك لهذي الدرجة صرنا مادين ؟ ، بصراحه انا ماعندي معلومات كافية بس حسيتك تكتب بحرقة قلب قلت اجاوبك بالي عندي ،

تفائل ان شاء الله كلها شهرين ولا أنت ملتحق ، وذا مرة طولت فترة اللغه تخلص وانت ملتحق بأذن الله برغم ماشفت أحد جلس فترة اللغه ومالتحق الأكثرية يجلسوا بالكثير 7 شهور وهم ملتحقين ، بس سؤال ياخوي ليش انت مصمم على كندا ؟ كندا معقدين من ناحية القبولات هذا اذا حصلت جامعه تعادل لك الدبلوم بعكس امريكا وامريكا اقوى بالمجالات الهندسية وجامعاتها كثيرة والخيارات المطروحة قدامك كثيرة بعكس كندا ، اذا ناوي على قبولات من امريكا هنا الاخوان مايقصرو يجيبو لك قبولات من امريكا وببلاش تفضل هذه المواضيع

http://www.mbt3th.us/vb/forum14/thread284544.html

http://www.mbt3th.us/vb/forum14/thread278709.html

150 الف ماتسوي شي , إذآ بتدفع تكاليف جامعة وإالخ ,

عمومآإ و ياغالي الجامعات يقبلونك لكن يشرط ان يكون في الشهادة ,
رياضيات و فيزياء وكيمياء وحاسب آلي , وتحضير جامعي احيانا يكون مطلوب التحضير ,
دام كذآ موجود عندك قدم على الجامعات الكندية انا رفضوني بسبب ان ماعندي كيمياء ,,

شوف بالنسبه ل150 اتوقع انشاء الله انك بتبتعث وباقل ممكن ع قولت خوينا ممكن بشهرين
وانا ترا اخوي بكندا انقبل بخلال شهرين وكم يوم يعني انشا ءالله سهالات الوضع
والله يوفقك ويوفقنا وانا باذن الله طالع عن قريب

وعليكم السلام ورحمة الله وبركاته ،، هلا بك اخوي .

يالاخوان اسمحوا لي بكلمة بسيطة لاهنتم ،، انا ملاحظ انكم تحاولون تيسرون على الرجال وتطمنونه وتسهلون له الموضوع ،، لكن المسألة مو بهالبساطة ،، ماحد عندهـ أثبات انهم راح يضمونه مئة بالمئة خلال شهرين او قبل ماتنتهي السبع اشهر او حتى بعد ماينهي مرحلة اللغة ،، فيه شي اسمه شروط وفيه شي اسمه قوانين ،، يعني هم كاتبين في شروطهم لابد من انهاء مرحلة اللغة وثلاثين ساعة للبكالريوس ،، ممكن تسافر هناك وترفع اوراقك وبيوم وليلة يقولون لك مافيه لحد ماتوفر كافة الشروط ،، شراح تسوي ساعتها ؟؟

فأتمنى نفهم الشخص اللي بيسافر هناك ان السالفة انت وحظك ،، نعم فيه كثير ضموهم في فترة اقل من اربع اشهر لكن فيه كثير بعد لهم اكثر من سنة وماضموهم للحين فهي توافيق من الله ومايدري الواحد ممكن بكرا يصدرون قرار بضرورة توفر كافة الشروط .

بالنسبة لك اخوي اللي فهمته من كلامك انك خلاص مقرر تبي تترك الوظيفة وتسافر تكمل دراستك بالمبلغ المذكور ( 150 الف ) فأنا اقولك هالمبلغ تقريبا راح يكفيك سنة او سنة ونصف وان شاء الله هذي فترة كافية لك لاتقان اللغة ومتى ما اتقنت اللغة راح تكون الامور سهالة .

أنا اتفق مع اخوي ستارت وانصحك بأمريكا لان الجامعات فيها مايحتاج والمعيشة ارخص فيها من كندا وهي مناسبة لك ان شاء الله اكثر من كندا وهي وجهة نظر فقط .

بالتوفيق يالغالي

الله يوفقك وين ما كنت

الله يوفقك يارب ويعينك