الأعضاء الإشتراك و التسجيل

الملتقيات
ADs

حوار انتم وعليكم المسؤليه الى متى

حوار انتم وعليكم المسؤليه الى متى


NOTICE

تنبيه: هذا الموضوع قديم. تم طرحه قبل 4668 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ابو اليمامه
    ابو اليمامه

    مبتعث مستجد Freshman Member

    ابو اليمامه كندا

    ابو اليمامه , ذكر. مبتعث مستجد Freshman Member. من السعودية , مبتعث فى كندا , تخصصى هندسه عامه , بجامعة لاشي
    • لاشي
    • هندسه عامه
    • ذكر
    • لاشي, السعوديه
    • السعودية
    • May 2011
    المزيدl

    June 18th, 2011, 12:22 AM

    السلام عليكم
    اخواني وااخواتي المبتعثين الدارسين في كندا ارجوكم نحن في حاجتكم مريتو بالمرحله هذي السفاره والفيزه والسفر واللخ
    اكثر من موضوع نسبة المشاهده كبير ونسبة التعليق او المشاركه قليل جدا يعني كل اللي موجودين ماعندهم معلومه او شي كيف استطاع ان يذهب الى كندا اكيد مر بكل شي ارجوكم نكون يد وحده ونتكاتف ونعاون بعض
    اللحين انا عندي سؤال وارجو ان يكون الاجابات من الذين يدرسون في كندا ومر بالسفاره اللخ
    اللحين الصور اللي ارفقها مع الابلكيشن ماهو مقاسها ؟؟؟
    طلاب يقلون 4 في 6 وطلاب يقلون 3,5 في 4,5 وبعضهم يقول من الكتف ومافوق وبعضهم يقول من الرقبه ومافوق ؟؟
    سؤال ثاني ؟ اكتب اسمي والتاريخ ميلاد خلف الصور ؟ طيب اكتب اسمي كامل ولا بس الاسم الاول ؟؟
    وناس يقلون وقع في الجواز ؟؟؟؟
    اسال الله العلي القدير انا يوفقنا وياكم لما يحب ويرضاه
  2. هلا اخوي والله انا متاكد ان الي عنده معلومه مو مقصر ابد ابد
    ثاني شي ابد مقاس الصور ٤*٣ اربعهوفي ثلاثه ثلاث صور وتكتب خلف الصورة تاريخ ميلادك الموجود في الجواز وتكتب اسمك بالانجليزي مثال فلان الفلان بس اما توقيع الجواز يكون خلف الصفحه الاولى من الجواز مكتوب فيها توقيع صاحب الجواز وقع ونفس توقيعك الي بالجواز وقعه في كل اوراقك الي يطلبونها منك ...
    ودمتم بوووود
    7 "
  3. وعليكم السلام ورحمة الله ،، هلا بك اخوي .

    مشكلتك يالغالي انك تربك نفسك بنفسك وتنفر الاخوان من مساعدتك ،،خلك هادي وقدم لهم العذر وهم متى ماشافوا موضوعك راح يفيدونك .

    الروابط أعطوك اياها الاخوان وفيها كافة التفاصيل من صور ومعلومات وبيانات ومقاسات وكل شي ،، فقط الواحد محتاج شوية بحث في المنتدى وراح يلاقي كل اللي يبيه .

    بالنسبة للصور ، أنت روح لاقرب محل تصوير وقوله ابي صورة لاستخراج فيزا من السفارة الكندية وهو بيعرف وضعه وبيضبطها لك ولاتستعجل عليها خله يضبطها واستلمها منه اليوم الثاني ،، واذا ماعرف صاحب المحل شوف المقاسات اعطتها لك الاخت اللوتس ،،، ولازم تكتب خلف الصورتين أسمك كما بالجواز وتاريخ ميلادك .

    وبالنسبة للتوقيع في الجواز وناخوك منت بخسران شي ،، تبي توقع وقع وريح راسك ،، ماتبي توقع اتركه .

    والسالفة ماتستاهل كل هالقلق والخوف .

    بالتوفيق
    7 "
  4. مشكورين جميعا على المشاركات الحلوه
    هلابك قوطي فاضي ياخي ماهي مسئلة خايف او توهقت يعني اقدر اروح لمكتب فيفا ويزبط كل شي ويقول لي كم حجم الصوره لكن وانا اخوك لازم الواحد يعرف ويفهم اللي يسويه ويحس بالمسئوليه
    كثير من المرات اسئل عن حاجات يقلون لاتعب نفسك ولاشي روح لمكتب فيفا وهو يصلح كل شي تخيل انا رحت لمكتب فيفا وخلصت وجاتني الفيزه وبعدها جاني واحد يسئلني كيف اسوي كذا ولاكذا .... اللخ ويكون ردي روح لمكتب فيفا
    لازم الواحد يفهم اللي له واللي عليه وكل الشكر لك وللاخوان والاخوات بالتوفيق وانا اسف تحياتي لكم
    7 "
  5. هلا بك يالغالي .

    لا بالعكس ، انا واقف معك وأؤيد الطريقة اللي تسويها ودايم اقول الواحد يعتمد بنفسه أفضل من هالمكاتب وسرقاتها ،، والسالفة محتاجة شوية جهد وبحث لاغير .

    لكن انا اقصد انه لو بحثت بالمنتدى راح تلاقي الاجابة على جميع اسئلتك واستفساراتك وصدقني كل شي موجود ،، واذا ماوجدت اجابتك بأمكانك تطرحها بكل هدوء والاخوان عندهم اعذارهم واشغالهم يعني لاتستعجل على الاجابة ،، لاني شايف كم رد لك وكنت معصب فيه ،، فقط اهدى والتأني من الرحمن .

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.