وصلنا بالسلامه بس.............

ههههههه هلا بك عزيزي

يالغالي لسا ماشفت شي ،، تراك في الصيف اجل لو جاك الشتاء شراح تسوي هههههه .

علعموم وناخوك الديرهـ حلوة وراح تعجبك صدقني ،، وفيه معهد اسمه هانسا قريب من محطة اقلنتون مليون بالمية راح تلاقي سعوديين عندها اسالهم عن الملعب وراح يدلونك لانه قريب مره من المحطة ،، وتلاقيهم يلعبون كورة العصر .

او عندك مدينة الالعاب الوندر لاند تشتري تذكرة صيفية وتروح هناك كل يوم لو تبي ،، وعندك محطة جرين وود اذا ماخانتني الذاكرة كلها مقاهي عربية وشباب عرب وسعوديين راح تستانس معاهم ان شاء الله .

والمطاعم الصومالية العربية كثيرة واكلهم مثل اكلنا واذا تبي عناوينها بالضبط ابجيبها لك ان شاء الله ،، لكن انت في الويكند اطلع مع الشباب وتعرف على الاماكن وخلك اجتماعي وخل وجهك ممسوح يعني لاتستحي ولا تنحرج لانك ماراح تعيش هناك وتتعلم الا بهالطريقة ،، ومتى ماعرفت المناطق واماكن المطاعم وغيرهـ اتركهم او استمر معاهم في الويكند فقط وانت وراحتك .

علعموم لحق على عمرك اذا تبي كورا قبل ماينتهي الصيف او بتقلبها هوكي .

ووسع صدرك صدقني بتعجبك الديرهـ فقط لانك جديدة والعادات والاشكال والدنيا مقلوبة بالنسبة لك لكن مع مرور شهر ومع تعرفك على العالم وزملاء الكلاس ومع الطلعات مع المعهد راح تستانس ان شاء الله .

بالتوفيق

شوف هالصورة
http://www9.0zz0.com/2011/06/29/12/939410496.jpg

انت في اي ولايه

الله يعينك وانا اخوك ترا بس بالبدايه طفش بس تحمل وانا اخوك وراح تعرف كيف تنفه عن نفسك
بالتوفيق

اخوي قوطي الله لايحرمني والله ياانك خدمتني من يوم انا في السعوديه الله يكثر من امثالك والله الحق يحطونك مشرف على الموقع انت الوحيد المهتم تجاوب على جميع الاستفسارات الله يوفقك
بالنسبه للسعوديين والله ماشاء الله كثير من كثرتهم ماعاد نسلم على بعض تقول اننا في السعوديه
على العموم انا في تورونتو وانا جاي ادرس لغه وبعد المعهد فاضي والوقت طويل على العموم تسلم يالغالي

انا في تورونتو يالغالي وتسلم على سواالك واهتمامك

تسلم اخوي متعب بس اذا تعرف كيف ننفه عن انفسنا لا تبخل علينا والله محتاجين للتوصيات وبما انك في توروننتو اكيد عندك خبره بس علمنا يالغالي
تسلم على اهتمامك

وناخوك حنا مانبي غير الدعاء فقط وهذا سبب خدمتنا لاخواننا ،، والاخوان والاخوات جميعهم مايقصرون ،، وصدقني لو بيديني لأقلب الجميع كلهم مشرفين .

وفعلا شعبنا زاد بشكل كبير جدا في كندا ولاتستبعد ان هذا السبب في رفض كثير من الفيز السعودية إلى كندا ،، ولكن تحمد ربك ان الدخول لكندا لابد يكون عن طريق فيزا وان البلد كبيرة جدا ،،، اجل شلون لو رحت لم نيوزيلندا في الصيف ههههه .

علعموم صدقني بتستانس هذا وعد مني لك وحاول تندمج مع هالاجانب مثل البرازيليين والمكسيكيين واطلع معاهم ،، واذا المعهد عندهـ رحلة تشوفها تستاهل اطلع معاهم بعد ،، واذا تبي مدينة الالعاب لحق عليها لانها تفتح في الصيف فقط وراح تستانس فيها بشرط يكون معاك شباب ،، يعني اتفق مع شباب بالمعهد تطلعون سوا مثلا .
وبأمكانك تطلع للبرج الكبير اللي تشوفه في تورنتو وتصور من فوق ،،، وحاول تتعرف على طلاب سعوديين مثل ماقلت لك ،، لكن لاتدمن القعدة معاهم ، فقط في الويكند تشوفهم مثلا ،، ومثل ماذكرت لك خل وجهك ممسوح ذب وجهك على العالم بحدود طبعا واذا قعدت في المواصلات او الصب واي راح تلاقيهم ماسكين كتبهم والامبي ثري في اذانيهم وتحسبهم مثقفين وللاسف تلاقي كتبهم كلها قصص او روايات ،، فأقعد جنب اي واحد تشوفه فاضي وتحسه حبيب وسولف معه بشوي عن أي شي تبدع فيه ،، مثلا كورة او لاعبين او تكلمه عن الطقس .

وبالتوفيق حبيبي

الاستاذ المحترم , ممكن تدلني على طريقة إضافة مشاركة جديدة لطرح موضوع مهم مثلكم ؟